ISAI 31:3 - PATHIAN LEKHABU THIANGTHO (BSI)

³ Aiguptate chu mihing mai mai a hiu a, Pathian a hipuau hi; a sakolteu chule phe leh vo mai a hiu a, thagau a hipuau hi. Lalpa‘n a khut a hun lap phat leh, mi panpite tawh a panpiteu chu, pûk khawm chiat ta’n tiu in, a leng un mangthai khawm ta’n au.

ISAI 31:3 ပူးပေါင်းရင်းမြစ်များ

2 KHANGTHU 32:8

Amau chu mihing thahâtna bep mang a hiu ah, ei haw ei panpi ding leh I gâlteu ei do piak ding chu Lalpa I Pathian uh ahi ngâlah,” ti in. Judai gam ah Lengpa Hezekiah thu gen ziak ah chun mipite chu nasa tak in a kisuhat tau hi.

SAM 118:8

Mihingte kisuanpi sâng in, Lalpa bêl chu a pha zawi.

SAM 33:17

Gâl zaw’na ding ah sakol bep ah, kinep hile bangmalo mai ahi’n; a hatnau mai in kuama a hukdok diak puau hi.

SAM 9:20

Aw Lalpa, amau chu hilau in; namtin in mihing bep a hiu ti kihe tau hen.

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

ISAI 20:4

Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

ISAI 20:6

Zia ni phat chuleh, Philistia tuisuagiat pangjul ah chêngte chun, ‘En tiam u, Assuria lengpa a hung phat leh I bêl ua, ei hukdok ding ah I la kineppi tak uh chu aw! Bangti leu hin I suakcha thei ta diam uh?’ la ti’n au,” ti’n a gen a.

ISAI 30:16

Nang uh chun, hilo e! Sakol ah chuang in jam ing kau, la tiu a; ziaziakchun, jam ma ma in lau; chuleh, Sakol tai hatte chung ah chuang ing kau, la tiu a; himaleh, a hun delzuite chu tai hat zaw ding a hiu!

ISAI 30:5

amau â ding ah mipi panna bei, panpi thei lo leh a phatchuamna ding uh, bangma bawl piak theilote, zachatna leh mualphona bep tun theite a bêl ziak un, mi zosia chu mualpho ta’n au.

ISAI 30:7

Aiguptate panpi’na chu phatchuamna bei leh, a thawn mai ahi ngal a; ziaziakchun, Aigupta chu, “Kichu hiat hiat Rahab,” ka sak tai.

ISAI 36:6

Ngai un, luang tiangkhut bongsa, a mang taphot khut sutliam piak ziang tawhbang, Aigupta maw la kisuanpiu? Aigupta lengpa Pharaoh chung ah kinga tapo chu, zia gual chun hi’liam in a um sek him ui.

ISAI 36:9

Aiguptate kângtalai leh a sakol sepaiteu kisuanpi mai mai ah, ka pu siamângte suakte lak ah a neu pen pakhat ziang hile naw kit zo ding ah kisa la hiu em?

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

JEREMIAH 15:6

Keima lei la pom lo ziakin, la kinungle kit tai, Lalpa‘n a tii; ziaziakchun, nangma do dingin, ka khut lâmdok in ka hun hi’mang tai; kisûm zo talo ka hi.

JEREMIAH 17:5

Lalpa‘n zia gual hin a gen hi: Mihing muang ah, mihing hatna kisuanpi ah, a lungthim ah Lalpa nusiate chu, hânsia dong in um uh hen.

EZEKIEL 28:2

Tura lengpa kiang in, Lalpa Pathian in zia gual hin a gen hi, va ti’n: La lungthim in la kiletsak ah, “Pathian ka hi, pathiante chutna tuisuagiat lilai ah kichu ka hi,” la ti hen; pathian lungthim tawh kibang nei in kikoi malechin le, pathian hilo in mihing, a thi thei mai mai la hi nalai hi.

EZEKIEL 28:9

A hun thatte kiang leh, a hun hi’liamte kiang in pathian hilopi, mihing thi thei hi’ngal in, “Pathian ka hi,” la ti tei tei nalai diam?

AMOS 2:15

thalpi chawite le pang thei diak lo in, mi chan-gangte le kihukdok diak pua’n’au, sakol chung ah chuangte le kihukdok thei pua’n au;

MATTHAI 15:14

Amau chu ngaisak kiu in; mitthûm te puitu mitthûm a hiu a, mitthûm in mitthûm ma a pui chun, kawkhûk ah ke’lut khawm ding a hiu, a tia.