ISAI 31:2 - PATHIAN LEKHABU THIANGTHO (BSI)

² Ama chule a pil ah, siatna a tunsak sek ah, a kamsuak chu a la kit ngai pua’n, maleh, thil phalo bawl Inkuan chu, hun do ngei ngei intin, bawsiatna lam ah mi a la panpite chu, hun do ngei ngei in a.

ISAI 31:2 ပူးပေါင်းရင်းမြစ်များ

JOB LEKHABU 12:13

Pathian ah pilna leh hatna a um in, ama’n het dikna leh hetthiamna a nei hi.

JOB LEKHABU 12:16

Ama ah hatna leh pilna a um hi, mithêmpa leh thep ah umte chu, ama â gêl a hiu.

JOB LEKHABU 5:13

Mipilte chu a lemhiatna lam un a awksak in; mi dawhathûkte guanggalna chu, kin-gang tak in a tawp sek hi.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 14:20

La mite that gam ah la gam la hi’siat tâk ziakin, a lak un kivui lo ding la hi. Thil phalo bawlte suan leh pâkte chu, a min uh le genkhâk in um ta ki’hen!

ISAI 21:17

Kedarte gâlkap haw thalpi um nalai chu tawm ma ma ta’n a; Israelte Pathian, Lalpa chun a la ti ta ngâl a.

ISAI 22:14

Sepai honte Lalpa ma ma chun, ka nakhang ah ei hun hil a: “Matheilo in, la thi masiau, la thil bawl khial uh ngaidam hita pua’n a,” ti’n sepai honte Lalpa Pathian in a gen hi.

ISAI 28:21

Lalpa chun lamdang tak ah thil a bawlna ding leh, thil lamdang takte a bawl mualsuana dingin, Perizim mual ah gual khan hung kipan intin, Gibeon guam phâi ah gual khan, hung lungna kit ding ahi. A thilbawl ah lamdang! A thil hi ah lamdang tak chu ahi’pitin theina dingin, Lalpa chu Perazim tâng ah a kipat gual khan, hung kipan kit intin; Gibeon phâijawl ah a lungnat ma ma gual ah khan, hung lungna kit ding ahi ngâl a.

ISAI 28:29

Zia thilte haw hile, sepai honte Lalpa ah kipat hung pawt ahi; a lemguat dan in a mak ah, pilna’n le a chungchuang hi.

ISAI 30:3

Ziaziakchun, Aigupta vênbitna chu, la zachaknau hung hi’ntin, Aiguptate lîm la bêl uh chu la mualphonau hung hi’n a.

ISAI 30:7

Aiguptate panpi’na chu phatchuamna bei leh, a thawn mai ahi ngal a; ziaziakchun, Aigupta chu, “Kichu hiat hiat Rahab,” ka sak tai.

ISAI 31:3

Aiguptate chu mihing mai mai a hiu a, Pathian a hipuau hi; a sakolteu chule phe leh vo mai a hiu a, thagau a hipuau hi. Lalpa‘n a khut a hun lap phat leh, mi panpite tawh a panpiteu chu, pûk khawm chiat ta’n tiu in, a leng un mangthai khawm ta’n au.

ISAI 32:6

Mingol chun ngolhuai tak ah thugen in, thil phalo ngen a ngaitua a. Lalpa doi lo lam ngen bawl leh gen in, gilkialte an a pe ngai puau a, dangchâkte dawn dingle a pe ngai diak puau hi.

ISAI 45:7

Vâk ka la siam ah, chuleh, thimna le ka siam ah; maljawlna leh chunggikna le ka siam ahi; keima Lalpa hin zia zosia chu ka la bawl ahi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

JEREMIAH 10:12

A thilbawl theina leilung siampa chu ama ahi’n, a pilna’n khawvel hi a phudet a; a hiatthiamna’n vante khi a kaipal hi.

JEREMIAH 10:7

Aw, namtin chung ah Lengpa, kua a hem nang hun lau lo ding chu? Namtin lak ah mipi zosia leh, a lenggam zosiau lak in, nangma gual kuama a umlo ziakin, ja tâk him la hi.

JEREMIAH 36:32

Ziaphatchun, Jeremiah in lekhabu zial dang khat a hun la’n, lekhazikpa Neriah chapa Barukh kiang in a hun pia, Judai gam ah Lengpa Jehoiakim in lekhabu zial a hâl tum, Jeremiah in a thute a gen gual gual in Barukh inle a thumal zosia chu a zikdok kit a; thumal kibang tampi le a belap hi.

EZEKIEL 29:6

Israel Inkuante â ding ah luangkang tawhbang la hiziak in, Aigupta gam ah mi zosia’n Keima hi Lalpa ka hi ti hun he ta’n au;

AMOS 3:6

Khawpi sung ah launa umlo in kuan, pengkul a mût ngai ah a hem? Lalpa sawl hilo in siatna’n khawpi a tun khum ngai em?

ZEPHANIAH 3:8

Ziaziakchun, hiatpitu ah, ka hung din hun chu ei la ngâk un, a tii. Namte pui khawm ding leh lenggamte suktua ah, a chung ua ka lungnatna leh, lei chung zosia kât tum ding hi, ka thupukna ahi ta’ngal a.

ZEKARIAH 1:6

Ka dante leh ka thute khan ka suak jawlneite kiang ah ka la piak haw kha, la pu la pateu a la makhel man ta hilo a hem? Tichun, a kisik ua: Sepai honte Lalpa chun I chung ua bawl ding a guanggal gual tak in, I umdan leh I thilbawl dungzui tak un ei soisa ta ahi,’ a tiu kha,” a tiu a.

KISIMNA LEKHABU 10:35

Thuthung thingkuang chu a kipatdaw ding tak leh Mosi’n zia gual hin a gen sek a: “Aw Lalpa kipan in, la gâlte chu thejak in um uh hen la, la gâlte chu la âng ah jam mang tau hen,” ti in.

KISIMNA LEKHABU 23:19

Pathian chu mihing gual ah lepchia a hipua’n; eihaw thitheite gual ah a ngaidan theng ngai lo ahi. A mualsua lo dingin a kitiam ngai em?

MATTHAI 24:35

Lei leh van mangthai intin, ka thu ahileh vang mangthai pua’n a.

ROMTE 16:27

Pathian pil pakhat bep kiang ah chun, Jesu Khrista jal in lopina chu kumtuang in um ta hen! Amen.

JOSHUA 23:15

Lalpa la Pathian un, thilpha la chung ua tung ding ah a la tiamsa gual ah, a guitunsak zaw tâk ziak hin, zia gam pha, Lalpa la Pathian un a hun piakna mun ah kipat hin la manthai suak masiau, Lalpa‘n la chung un thil phalo zosia hun tunsak ding ahi.

JUDA 1:25

Pathian tak bep I Hukdampau kiang in, I Lalpau Jesu Khrista jal in, lopina, lalna, thilhitheina leh thuneina, hun chiasa leh tu’hun leh kumtuang in um zing ta hen. Amen.

1 SAMUEL 2:3

Kisathei tak in pau ta kiu inla, la kam ua kipat êngpauna him him pawt ta ki’hen; Lalpa chu hetna Pathian ahi ngâlah, ama chun I thilbawl dan zosiau a te’tuak sek hi.