ISAI 30:6 - PATHIAN LEKHABU THIANGTHO (BSI)

⁶ Negeb ah ganchate chung thu ah chunggikna hung tung ding chu: Lungkhamna leh lungjinna gam, sakeibakneipi leh sakeibakneichal hâm laite, gûlsia leh gûl lengtheite lak haw theng in, a nei leh lamteu sabiltungte puaksak in, a go thilteu chu sangawngsaute puaksak in, amau â ding ah phatchuamna bei mite kiang in vachia in au.

ISAI 30:6 ပူးပေါင်းရင်းမြစ်များ

THILSIAM THU 12:9

Ahi’n, Abram chu awl awl in Negeb lam tiang in a kichawn pek a.

1 LENGTE 10:2

Nungzui tam tak tawh Jerusalem khua’n a hung ah; gimtuite, sana tam tak tawh suang mantamte tawh, sangawngsau a hun puaksak a; Solomon kiang a hung tun phatin, a lunggil ah um zosia chu a dong tai.

2 KHANGTHU 16:2

Ziaphatchun, Asa chun Lalpa In leh lengpa In ah dangka leh sana haw chu chom khawm in, Damaska khua Aramte Lengpa Ben-hadad kiang in a thotah, a kiang in,

2 KHANGTHU 9:1

Sheba gam ah Lengnu chun Solomon minthan dan chu a la het phat in, Jerusalem khua hungah, ama patepna ding ah dotna haksa tak tak te dong dingin nungzui tam tak tawh, gimtuite, sana leh suang mantam, tam tak sangawngsau ah hun pua’n a hungah. Solomon kiang a hung tun phatin, a lungthimah a ngaitua zosia chu pholdok in a holimpi tai.

JOB LEKHABU 39:11

A thahat man in la sep ding zosia, sêm dingin la ngansia thei diam?

PAWTDAWNA THU 1:14

chêktang leh chêkchâlna ding siam in, lou ah na jat chuam chuam gim tak ah sepsak in, a hinkhuau chu a hihaksa ma ma ziang tau a. A nasep zosiau ah chun lungsiatna bei in sepsak in a um tau hi.

ISAI 14:29

Nang uh Philistin mi zosiate haw, nang uh jepna mol a bong tai ti’n lim ziang kiu in; gûlsuan ah kipat in gûlsia hung piang intin, ama ah kipat hung gadok kit chu, gûl meikuang lengthei hung hi nalai ding ahi ngal a, ti he tau in.

ISAI 15:7

Ziaziakchun, a thil lamdawteu leh, a khol khawm zosiau kipuak in, Huisûm guam gâl lam in a taipi tau hi.

ISAI 19:4

chuleh, Aiguptate chu lal nunsia tak khut in pedok ing ka tin; leng tizat um tak chun a chung un vaihawm ta’n a, ti’n, sepai honte Lalpa, Chungnung penpa chun a la ti ta ahi.

ISAI 35:9

Zia tak ah chun sakeibaknei um pua’n tin, sasialne chi, sate him him zia tak ah chun, mu phâk inle um ta pua’n au; maleh, tatsate chun zia lampi chu haw ta’n au.

ISAI 5:30

Zia ni chuleh, tuisuagiat gi hum hum gual in, amau haw do-na’n hamgi hum hum ta’n au. Gam chu kua’nle a vak et chun, thimna leh lungkhamna bep in dim zo ta’n a; tichun, vâk nalua chule sûmpi’n lia thim zo ta’n a.

ISAI 57:9

Sathau chawi kawm in Molekh la zuan un, la sathau gimtuiteu chu la hi’pung un; la palaiteu chu gamla tak tak, Sheol chan hial in la sawl lut tau hi.

ISAI 8:22

chuleh, lei lam nga’n tiu in; himaleh, lungjinna leh thimna bep mu ding a hiu, lunggimna’n thi’n tiu in; chuleh, thimna sâ tak ah naw lut in um ta’n au.

JEREMIAH 11:4

zia chu la pu leh pateu Aigupta gam ah, thîk hâltuina thukkhûk ah kipat ka puidaw lai ah, a kiang ua, ka thugen ngai unla, ka thupiak zosia hi la zui ding uh ahi. A chutileh, ka mite hin la tiu in, keile la Pathian uh hi’ng ka tin;

JEREMIAH 2:6

Amau chun, Aigupta gam ah kipat ei puidok ah, gamthip leh gamkeu leh leikuak lak ah, gam gawchâk leh thim nuai ah kipat leh, kuama chia ngai lo’na leh, chên khak lo’na munte lak ah kipat, ei la puidokpa, Lalpa chu khoi ah um ahi tam? ti’n ei limsak ta puau hi.

EZEKIEL 20:46

Mihing, simlam nga’n la, simlam dem in thu gen inla, Negeb lam ah gammâng kãl in thu gen in;

HOSEA 12:1

Ephraim in hui a khol khawm ah, sûn nitum in sualam hui a del hi; amau in zuau thu leh thagum sua’na a hi’pung un, Assuria tawh thuthung a siam un, Aigupta ah sathau a paw lut ui.

HOSEA 12:2

Lalpa‘n Judah chu maw a chansak hi, Jakob chu a umdan dungzui in gawt intin, a thilbawl dungzui in thuk in a.

MIKAH 6:14

Ne’n la tin la, vâ diak lo in gilkial zing inla; a bitna dingin thak mang lechinle bangma bit diak pua’n a; la humbit sunte chule chemjam ah pûk dingin, pedok tho tho ding ka hi.

ZEKARIAH 6:6

Sakol vom in a kai kângtalai chun mallam a zuan ah, sakol kâng chun tumlam a zuan in, sakolpuang chun simlam a zuan hi,” a ti’n.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.

KISIMNA LEKHABU 21:8

Lalpa chun Mosi kiang in, “Gûl gu hât chi lim siam inla, mol khat in tâk in; zia chu gûl in a chuk tapo in a et uh leh dam mai ding a hiu,” a tia.

MATTHAI 12:42

Vaihawm ni tak leh simlam lengnu khale hung kipan intin, tu’lai khangthakte hi thiamlo hun chansak ding ahi; Solomon pilna thu he ding mai in bawn kawlmong ah kipat in a hung hi; ngai un, Solomon sâng ah lopi zaw zia hin a um hi.

DAN LEKHABU 17:16

Ahi’n la, lal chun sakol tampi a neilo ding ahi; chuleh, sakol a hau theina ding ah a mite chu Aigupta gam ah a sawl kit dingle ahi puai; Lalpa‘n ka kiang un, “Zia lam ah chun la chia kit tâk lo ding uh ahi,” a ti ta’ngâl a.

DAN LEKHABU 4:20

Himaleh, tu’ni hun ah Lalpa golua mite la hi gual ua la hung um theina ding un, ama’n thîk haltuina lak ah kipat, Aiguptate khut ah kipat ngei khan a hun hukdok la hiu kha.

DAN LEKHABU 8:15

gamthip lian tak leh lau um, gulgu hâtchi leh ainuvette lak ah kipat hun puidokpa la hetmil lo ding uh ahi. Ama’n suanggial lak ah kipat la dawn ding uh tui a luan dawsak a;