ISAI 30:12 - PATHIAN LEKHABU THIANGTHO (BSI)

¹² Ziaziakchun, Israelte Mithiangtho in zia gual hin a gen hi: Zia thu hi la musit ah, nuaisiana leh thukhelna suang ah la muan zawk ziak un,

ISAI 30:12 ပူးပေါင်းရင်းမြစ်များ

SAM 52:7

“Entia, Pathian kisêlna mang nuam lo a, ama hausakna muang zaw, ama nei leh lam suang zaw te hi,” ti’n au.

SAM 62:10

Thagum ah mi lâkpiak hi kimuanpi kin la, misuam hile kisuanpi diak kin; hausakna a hung pun inle, a chung in la lungthim nga diak kin.

THUPILTE 24:2

a lungthim un thil phalo a suangtuau a, a mûk un thu phalo bep a gen ngal un.

ISAI 26:21

Zia lei chung ah chêngte bawsiatna gawt dingin, Lalpa chu a umna kipat hung pawtdok ding ahi ngal a; lei hin a chung ah thisan kisua chu hun tâklang ta’n tin, a mi tha’lupte chu sêlgu ta pua’n a.

ISAI 28:15

Nanghaw chun la, “Thi’na tawh thuthung ka siam un, Sheol tawh kihocham ka hiu; huaisia tak ah jepna hung tung maleh, ei uh chung in tung pua’n a; zuautheina chu kisêlna’n ka mang un, diklona lîmbêl ka hi’ngâl un,” la tiu a.

ISAI 3:14

Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 3:15

Migentheite la gawtnawi un, ka mipite la khet gawp uh chu, bang la ti’nau ahi em? Sepai honte Lalpa Pathian in a tii.

ISAI 30:1

Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 30:7

Aiguptate panpi’na chu phatchuamna bei leh, a thawn mai ahi ngal a; ziaziakchun, Aigupta chu, “Kichu hiat hiat Rahab,” ka sak tai.

ISAI 47:10

La nunsiatna chun bit la kisa’n, “Kuama’n ei mu puai,” la ti hen. La pilna leh la hetna’n a hun pui chavai zo ta’n; tichun, la lungthim in, “Keima sâng ah lianzaw kuama dang a um puai,” la ti hen.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

ISAI 59:13

Lalpa kilepsan in ka la hi’khial tau in, ka Pathian uh zui lo in ka la kiheimang zo tau ah; helna thu leh mi jakda ding lam ngen ka gen un, lepchia thute ngen ka ngaituau a, lunggil tak ah kipat in zuau thute, ka hun sêkdok sek zaw tau ahi.

ISAI 59:4

Kuama a dik ah vaihawm a um ta puau a, dan dungzui ah diktat kuama a um puau; zuau ah kilepchâk la chîng un, zuau ngen la gen un, thil phalo ngen la ngaituau ah, khawlona ngen a hing hi.

ISAI 7:9

Ephraim luchang chu Samaria ahi’n, chuleh, Samaria luchang chu Remaliah chapa ahi kit hi. La taksan zaw lo chun, pang zo him him pua’n la, ti’n gen in, a ti’n.

ISAI 8:6

Zia mite hin Shiloah mun ah luicha tui, nem hiau cha luang a doi lo ziak leh, Lengpa Rezin leh Remaliah chapa Pekah lau ah a kithin ziak un;

JEREMIAH 13:25

Keima ei hemil in zuau thu la taksan zawk ziak un, zia chu la âi ua kia, keima ah kipat la chanvo ding ua ka guat piak chu ahi, Lalpa‘n a tii.

AMOS 2:4

Lalpa‘n zia gual hin a gen hi: Judah bawsiatna pathumte ziak leh palite ziakin, a chung ua gawtna ding chu lamang pua’ng ka; amau in Lalpa dan a nol un, a thuguatte zui nuam lo in, a pu leh pateu a zuausan gual mau ah, pui mang in a um ta’ngal un.

LUKA 10:16

Kuale nang uh thu ngai tapo chu keima thu ngai hi’n tiu in; nang uh hun musit chu keima ei musit hi’n au; kuale keima ei musit chu ei sawlpa musit ahi, a tia.

1 THESSALONITE 4:8

Ziaziakchun, a khawksa lo chun mihing khawksa lo a hipua’n, Pathian, nangmau ah Thagau Thiangtho pepa chu khawksa lo ahi zawi.