ISAI 30:1 - PATHIAN LEKHABU THIANGTHO (BSI)

¹ Aw naupang thukhelte haw, ka ti lo gual ah thil guanggal ah, ka lung lo lam lam ah kithukoppi ding siam ah, gitlona a thua thua ah bawlte chung chu a gik na e! Lalpa‘n a ti’n.

ISAI 30:1 ပူးပေါင်းရင်းမြစ်များ

2 LENGTE 18:21

Ngai in, tu’hin, Aigupta luangkang bongsum chung ah kinga bep la hi; zia gual chung ah ki-ngate chu ama ngei sun ding ahi: Aigupta Lengpa Pharaoh chule zia gual chu ahi.

2 LENGTE 18:24

Chuangmite leh kângtalaite kisuanpi la hi chun, ka hotupa suakte lak ah hotu neupen ziang hile bangtidan ah kiheisak thei ding la hem?

SAM 61:4

La puanbûk ah chun kumkhua’n ei umsak inla, la thalîm nuai ah chun ei kisêl sak in. (Selah)

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 1:23

La lal chapateu chu a huhel zo tau a, guchate lawipha a suak zo tau hi. Mitin in golgûkna a ngainau ah, a thawn ah thil mu a del ui. Nauchaga a ngaisak puau a, meithâite buaina le a ngaisak ta puau hi.

ISAI 1:4

Katei, nam gilo, mi bawlsiat chîngte, phat nuam lo suan leh pâkte leh, thil sia bep bawl nuam chate haw, Lalpa nusia ah, Israel Mithiangtho musit ah, gamla tak ah jam mangte haw!

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

ISAI 28:15

Nanghaw chun la, “Thi’na tawh thuthung ka siam un, Sheol tawh kihocham ka hiu; huaisia tak ah jepna hung tung maleh, ei uh chung in tung pua’n a; zuautheina chu kisêlna’n ka mang un, diklona lîmbêl ka hi’ngâl un,” la tiu a.

ISAI 28:20

Lupna chu kithuan zanna dingin chom ta lua’n tin, puansil chu kihuina dingin neu talua’n a!

ISAI 29:15

Nang haw lemhiatna Lalpa ah kipat, thûk tak ah sêlgûk ding ngaitua leh, a gûk ah thilbawlte, “Kua’n ei mu em? Kua’n ei he em?” tite haw!

ISAI 30:9

Amau chu mithukhel, chapa lepchia, Lalpa hilna thu ngai nuamlote ahi ngal un.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

ISAI 4:5

zia hun chuleh, Lalpa‘n Zion tâng umna mun zosia leh mipite kikhopna mun taphot chu, sûn ah sûmpi leh jan ah meikuang vâk hun siam piak in a. Lopina zosia bân ah chun vênbitna um ta’n a.

ISAI 5:18

E he, nanghaw zuau khauhual ah bawlsiatna kai ah, kângtalai khauhual ah kai gual ah gitlona kai zing ah,

ISAI 63:10

Himaleh, amau chu a la hel in, a thagau chu a la hilungngai tau hi; ziaphatchun, a mêlmau in a hung pang ta’n, ama ngei chun a le do ta ahi.

ISAI 65:2

Mipi helmangte lam ah chun, sun nitum tum in ka khutbânte hi ka jak zing ah, amau chun lampi diklo a zui un, amau lemguat dungzui in a um un;

ISAI 8:11

Lalpa‘n a thilhitheina lopi tak tawh, zia mipite gual ah hin umlo dingin zia gual hin ei vauhil a:

ISAI 8:12

A vaisawmnau ah pang kin la, a kichâkteu chule kicha kin la, tiza diak kin.

ISAI 8:19

Tu’hin, mite’n la kiang un, “Thugen ah phun chul chul thithate leh âisân thiamte chu dong tau inla,” a hun ti phat uh leh, mite’n a Pathian uh dong zaw lo ding a hiu em? Kua’n mihing sâng ah mithi dong zaw ding a hem?

JEREMIAH 17:5

Lalpa‘n zia gual hin a gen hi: Mihing muang ah, mihing hatna kisuanpi ah, a lungthim ah Lalpa nusiate chu, hânsia dong in um uh hen.

JEREMIAH 2:18

Chuti ahileh, Aigupta gam ah la chiau chu, Nail tuisik dawn bep lo ngâl, bang dang phatchuamna la muu em? Ahiloleh, Assuria gam ah la chiau chu, Euphrates tuisik dawn bep lo ngâl, bang dang phatchuamna la muu em?

JEREMIAH 37:7

Israelte Pathian, Lalpa chun zia gual hin a gen hi: Judah lengpa, kei ei dong ding ah nang uh teni hun sawlpa kiang in, nanghaw panpi ding a hung kuan Pharaoh sepaite hi a gam lam uh, Aigupta lam ah kile’kit ngâl ding a hiu.

JEREMIAH 4:17

Keima chung ah a hel tâk ziak un, lou hongte’n a ûm kîmvêl gual un, a ûm kîmvêl zo tau hi, Lalpa‘n a tii.

JEREMIAH 42:19

Lalpa‘n la kiang un, Aw Judai gam ah nutsia ah um sunte haw, Aigupta gam ah chia kiu in. Tu’ni ka hun hillawkna thu hi hethiam unla,

JEREMIAH 5:23

Zia mite hi vang mi lu’lul leh, lungchang ah helmang a hiu; a kihei un, a kigêl mang zo tau hi.

EZEKIEL 11:2

Ama’n ka kiang in, “Mihing, ziate hi a hiu hilam khawpi sung ah thil phalo guanggal ah, nunsiatna lampi hilte chu,

EZEKIEL 2:3

Ama’n ka kiang in, Mihing, ka chung ah nam helmang, Israel mipite kiang in ka hun sawl la hi; a pu leh pateu khang ah kipat tu’ni tiang in, ka chung ah thil a bawl khial tau ahi.

EZEKIEL 24:3

Chun, mi thukhelte Inkuan chung thu ah tekhinthu’n zia gual hin gen in: Lalpa Pathian in zia gual hin a gen hi, ti’n la: Bêl chu suang inla, suang zing inla; a sung ah tui le sung in;

EZEKIEL 29:16

Aiguptate chu Israel Inkuante’n kisuanpi ngai ngai ta pua’n au; a panpi ding ah a vachial phat uh leh le, a la bawl khial dan uh hiatsak zaw ta’n au. Ziaphat chuleh, Kei hi Lalpa Pathian ka hi ti hun he ta’n au.

EZEKIEL 3:9

Suanggial leh suang tâk pen sâng ah le tâk zaw’n la chalki ka siam piak tai; amau chu lau kin la, a mêl unle hun hi’lungthuai diak kiu hen, helmangte Inkuan ahi ngal un.

HOSEA 11:6

A khawpi sung un chemjam kilek intin, amau thuhil thiampute chu that gam in au; a lemguatnau ziakin val zo in au.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 7:13

Ka kiang ah kipat a vâk mang ziak un, a chung uh a gik hi! Ka chung ah a helnau ziakin, a chung un siatna tung in a! Amau hukdok nuam maleng, ka chung ah zuau thu bep a gen ui!

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

KISIMNA LEKHABU 32:14

Chuleh, tu’hin Israelte chung ah Lalpa lungnatna belap dingin, la pateu dungsûn ah nanghaw migilo haw ma ma hi la hung piang un!

ROMTE 2:5

La lung tâkna leh la gitlo khawk saklona ziakin, Pathian in dik tak ah a vaihawmna chu a hun puandaw phat leh, zia lungnatna ni ding ah lungnatna kikhol khawm mai hizaw ding la hi.

DAN LEKHABU 29:19

Tu’ni la kitiamnau thute heta ngâl ah, a lungthim ah, “I lampiteu ah lochal tak in a la chia ta maleu hinle, a pha lam ngen in hung um jel na’n ah,” ti la um uh chun, (la lak ua mipha leh mi phalo kibang tak in la leng un manthai khawlaw mai ding la hiu.)

DAN LEKHABU 9:24

Nanghaw ka hun het ni ah kipat in Lalpa thu dodâlte la hizing ui.

DAN LEKHABU 9:7

Gamthip ah Lalpa la Pathian uh bang gual tuk ah a la hi’lungna la hiu em ti hezing unla; Aigupta gam ah kipat la hung pawt daw ua kipat, tu’ni zia tak mun la hung tun tiang ua Lalpa chung ah hel zing nalai la hiu hi.

2 TIMOTHI 3:13

Ahi’n, migilote leh miphalêmte chu hung khawk zaw deu deu intiu in; mi thêm in, amau le thep zaw in um in au.

JOSHUA 9:14

Tichun, upate chun a nêkthei puakteu chu a nêkpi tau ah, Lalpa ah kipat thuhilna vang a don puau a.