ISAI 3:9 - PATHIAN LEKHABU THIANGTHO (BSI)

⁹ A maisua mai unle a diklo dan uh a tâklang un; a gitlonau sêlmang malak sâng in, Sodom gual in a tâklang zawu hi. A chung uh a gik na e!

ISAI 3:9 ပူးပေါင်းရင်းမြစ်များ

THILSIAM THU 13:13

Sodom mite chu mi nunsia, Lalpa huat jawng tak ah gilo ma ma a hiu a.

THILSIAM THU 19:34

Chuleh, a jing ah chun, a u-nu chun a naunu kiang ah chun, “Ngaitia, tu’jan ah khan I pa kiang in ka valum in, tu’jan hinle uain dawn khamsak kit hi tin, nang chia inla, I pa suanbei lo ah I siam theina dingin a kiang in valum in,” a ti’n.

THILSIAM THU 4:5

himaleh, Kaina leh a thilpiak ah chun a kipak puai. Ziaziakchun, Kaina chu a lung a na ma ma ah, a mêl chule a thim kêi kûi ziang tai.

2 LENGTE 9:30

Jehu chu Jezreel ah a hung phatin, Jezebel in a la he ta’n; a mit te chei ah, a sam te le hiatzawl in, tukvan ah chun a hung dakdok a.

SAM 10:4

Mi nunsia chun a kisaktheina mêlpu’n, “Pathian in hawldok pua’n a,” ti zing kawm in, a ngaituanau zosia chun, “Pathian a um puai,” ti ngen ahi.

THUPILTE 15:32

Thununna ngaisak lo chu ama leh ama kisulêlo ahi’n, zilgaina pomtu chun vang hetna a mu belap hi.

THUPILTE 30:13

Mi mittêt sâng chî le a um un, a mitteu chu a sângha’ nau e!

THUPILTE 8:36

ei mu lo tapo chu vang, ama leh ama kihiliam ahi’n; ei muda zosia chu thi’na dawi a hiu, ti in.

ISAI 1:10

Nanghaw Sodom khua vaihawmte haw, Lalpa kamsuak hi a la ngai tiam un! Gomorrah khua mipite haw, ka Pathian hilna thu hi a la ngai tiam un!

ISAI 3:16

Lalpa‘n zia gual hin a gen hi: Zion chanute kisathei tak ah ngawng thekawi leh, mittêt sâng tak ah, kikhaw awt awt ah chia ah, a kãl uh a suan git lok lok ziak un;

ISAI 57:20

Himaleh, mi nunsiate chu vang, tuisuagiat kichok het hut ah, umthim theilo gual chu a hiu a; a tui kinawkte chun buanthuak leh ki’dak, a nawkdok sek ui.

ISAI 59:12

La masang ah ka sukkhialnau a tam ma ma ngal a, ka gitlo’nateu chun ei hêksia zing ui. Ka bawlkhialnateu chun ei umpi zing in, ka bawsiatnateu chu ka he tau hi.

JEREMIAH 2:19

La nunsiatnau in hun gawt intin, la nungtolnau in hun kophil in a. Lalpa la Pathian uh la kihei mang san uh hi, nang uh a ding ah thil phalo tak leh, khawk tak ahi ti hia’n, muchian tau in; keima hi lei kicha mawng mawng puau hi, ti’n sepai honte Lalpa Pathian in a gen hi.

JEREMIAH 3:3

Ziaziakchun, van guate tûk tân a hita’n, chavâng gua le a zu ta puai; la maijang in kijuak mêl a kilang in, ja lam la hepuai.

JEREMIAH 6:15

Zachat um tak in a um un, thil ki’dak um tak tak a bawl ui; maleh, zachatna’n a ngai puau a, zachat danle a hepuau hi. Ziaziakchun, thâlup ah umte lak in pang in au; amau ka gawt phat leh, paithâk hita’n au, Lalpa‘n a tii.

JEREMIAH 8:12

Zachat um tak ah um in, thil ki’dak um tak tak a bawl ui; maleh, zachatna’n a ngai puau a, zachatna châng le a hepuau hi. Ziaziakchun, thalup ah umte lak in pang intiu in, amau ka gawt phat leh, paithâk hita’n au, Lalpa‘n a tii.

KÂ LATE 5:16

Ka luchang ua kipat in, lallukhuk a ketha ta’n; ka gitlo tâk ziak un, ka chung uh a gik na e!

EZEKIEL 16:30

Lalpa Pathian in, zachâtna châng helo nawchizuak gual ah, zia gual lawm lawm ah la um hi, la lunggul na lawm lawm e!

EZEKIEL 16:49

La suapinu Sodom gitlona chu zia hi ahi: ama leh a chanute a kisathei un, nêk a pap un, a kinoptel un, genthei leh tasamte vang a ngaisak puau hi.

EZEKIEL 23:16

Ziate chu a mu phât in a dawicha ta’n; tichun, Kaldai gam ah palai a sawl tai.

DANIAL 7:20

chuleh, a luchung ah kî sawmkhatte leh a dang pakhat, a hung dawn daw’na ding ah thugenna kam le nei, a dang cheng sâng ah thupi zaw hileh kilawm chungchâng chule ka he nuam ma ma ta’n.

HOSEA 13:9

Aw Israel, hun susia ding ka hi; kua’n hun panpi thei ding a hem?

HOSEA 5:5

Israel chu a chapona ziakin ama thiamlo a chansak in; Ephraim chu a thulimlona’n a kipal pâi hi; Judah le amau tawh a kipal pâi khawm hi.

ROMTE 6:23

Gitlo man chu thina ahi’n, Pathian thilthawnpiak ahileh vang, Jesu Khrista, I Lalpau jal ah kumtuang ah hinna ahi.

THUPUAN 11:8

A luang uh chu khawpi lai, lamlian ah sial intin uh, zia khawpi chu thagau lam thu ah Sodom leh Aigupta a hia; zia tak ma chun a Lalpau kros in a khenden ui.

1 SAMUEL 15:32

Ziaphatchun, Samuel in Saul kiang in, “Amalekte lengpa Agag kha zia tak ah hin hun puidok in,” a tia. Agag chu lau ah kithing kawm kawm in a hung a. Agag chun, “Thi ziang ding chu tizat a umna lawm lawm e!” a tia.