ISAI 3:19 - PATHIAN LEKHABU THIANGTHO (BSI)

¹⁹ a bil ua bilbâ, chaucha leh a dial aw teu,

ISAI 3:19 ပူးပေါင်းရင်းမြစ်များ

THILSIAM THU 24:22

Chun, sangawngsaute chun tui a dawn khop phat un, suakpa chun nâkbu shekel kimkhat bûk ding leh chaucha pani, shekel sawm ah gik a hun ladok a;

THILSIAM THU 24:30

Nâkbu leh chaucha a suapinu bute chu a mu in, “Zia pa chun hitia hin thu a gen hi,” ti thu a suapinu Rebekah ah kipat a het phat ah chun, zia mipa kiang lam ah chun a chia tai. Chuleh, ama chu tuikhuk pâm ah sangawngsaute lak ah chun a la ding zing hi.

THILSIAM THU 24:53

Chuleh, suakpa chun dangka leh sana kicheinate, puante a hun ladok ah, Rebekah a pia ngal ah; a suapipa leh a nu kiang inle kicheina manpha tak takte chu a pia’n.

THILSIAM THU 35:4

Chutichun, pathian dang a la nei zosiau leh a bil ua a bateu zosia, Jakob kiang in a hun piau ah; Jakob in ziate chu Shekhem khua kiang daipâm ah gangpi thingbul nuai ah chun a vui mang tai.

THILSIAM THU 38:18

Ama chun, “La la kol dingin bang hun pia ding ka hem?” a ti’n. Ama chun, “La min namna tawh, la ngawng aw tawh, la khut ah um la tiangkhut kha hileh,” a ti’n. Ama’nle ziate chu a pia ngal ta’n, a luppi tai; ama chu tawh nau a hun vop tai.

THILSIAM THU 38:25

A hun puidaw phat un, “Zia thil neipa hin ei gâisak ahi,” ti’n a talpupa kiang in mi a sawl ta’n. Ama chun, “Lungsiat in zia min namna tawh, ngawng aw tawh, tiangkhut hi kua â ahi em enchian phot tiam in,” ti’n a gen a.

PAWTDAWNA THU 32:2

Aron in a kiang un, “La jiteu, la chapateu leh la chanuteu sana bilba zosia hun lathau inla, ei hun piau in,” a tia.

PAWTDAWNA THU 32:3

Tichun, mipi zosia’n a sana bilba zosiau chu a hun lathau ah, ziate chu Aron kiang in a hun chawi khawm ua.

PAWTDAWNA THU 35:22

Chutichun, a numei, a pawsal kidang lo ah piak nopna lungthim nei zosiate chu a hung khawm ua; a chauchateu, a bilbateu, a min namnau khutsebite, khite, sana’ kicheina chitinte a hun pekhawm tau a; mi tin sana piak ding nei zosiate chun Lalpa â dingin a hun pechiat tau a.

ISAI 3:18

Ziaphat chuleh, Lalpa‘n a kengngawng ua a telneng bûteu, a lugâknau leh a ngawng awteu,

ISAI 3:20

a samgâknateu, chautawnteu, kawnggâkteu, gimtui bawmteu, a hisia do-nateu,

EZEKIEL 16:11

Kicheina’n ka hun thuam a: La bân ah chaucha leh la ngawng ah sana khi,

EZEKIEL 16:12

la nâk ah nâkbu, la bil ah bilba leh la luchang ah sana lukhuk ka koi hi.

KISIMNA LEKHABU 31:50

Chuleh, Lalpa kiang ah ka thillat ding un, ka thil hun lakkhawmteu chiat uh: sana kicheinate, khi’te, chaute, khutsebite, bilbate, khivuite zosia, Lalpa kiang ah ka hinnau thoidamna dingin ka hun chawi uh ahi,” a hung tiu a.