ISAI 3:14 - PATHIAN LEKHABU THIANGTHO (BSI)

¹⁴ Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 3:14 ပူးပေါင်းရင်းမြစ်များ

JOB LEKHABU 22:4

Ama â ding ah la kipiak zaw’na ziak ah, a hun kophil leh, vaihawmna mun ah a hun lutpi la ngai a hem?

JOB LEKHABU 24:14

Tualthatte chu migenthei leh tasamte that dingin; thimbut in a kipan un; janthim nuai ah gucha gual a hiu.

JOB LEKHABU 24:9

Nauchagate nawichep lai kaidok ah, michagate nausen banda ding ah, lâkpiak ziang le a um ui.

JOB LEKHABU 34:23

Pathian vaihawmna mun ah mihingte chiana ding hunbî, guat piak ahi paw’ngâl a.

SAM 10:9

A mit un panpi ding neilote a en-gu sek ui. Sakeibaknei in a kaw sung ah a chângûk sek gual in, migenthei man dingin a chânggu sek un; migenthei chu a man ngei un; tichun, a lên un a kaimang sek ui.

SAM 14:4

Vaithum nêk gual ah ka mipite ne zo mi nunsiate chun, hetna him neilo a hiu em? Chuleh, Lalpa ko ngai lo a hiu em?

SAM 143:2

La suak chung thu vaihawm nai kin la, la mit mu ah hin mihing thiamchang ding, a um paw’ngal un.

THUPILTE 30:14

A hateu chu chemjam gual leh, chemcha gual mi le a um ui; lei chung ah migentheite leh, mihingte lak ah tasamte nêk gam gua le a um ui.

ISAI 10:1

A hei, nanghaw, diklo tak ah thutanna bawl ah, mi tawdenna ding ah dan thu zik ah pang a;

ISAI 10:2

mi tasamte diklo tak ah vaihawm piak ah, ka mipite lak ah migentheite, a diknau lâkmang piakte, meithâite galmat gual ah man a, nauchagate suamgamte haw, la chung uh a gik hi!

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 14:30

Migenthei cha masa chun an ne vâ intin, mi tasamte chu thamuang tak in lum hiat hiat ta’n au; maleh, la suante chu kial in thi’sak ing ka tin; la lak ua a suakcha sunte chu hun that nalai ding ka hi.

ISAI 26:6

Migentheite leh mi vaichate keng ah tawden a, pal lumlet in um ta’n au.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 30:12

Ziaziakchun, Israelte Mithiangtho in zia gual hin a gen hi: Zia thu hi la musit ah, nuaisiana leh thukhelna suang ah la muan zawk ziak un,

ISAI 5:7

Sepai honte Lalpa grep huan chu, Israel Inkuante a hiu a; doichuam tak ah a phute chu, Judah mite chu a hiu; a lak un vaihawmna dik kineppi ma leng, thisan sua’na ngen a um in; dikna kineppi maleng, thavai kiko thawm het ahi tai!

ISAI 58:4

Ngai tiam u, kinakna ding, kinialna ding leh nunsiatna khuttum ah, mi la voktheina ding bep ua anngawl la hiu. Tu’ni zia gual ah an la ngol uh hi, chung lam ah la aw’u het hi ngai lo ding ahi.

JEREMIAH 12:10

Belampu tamtakte’n ka grep huan a susiau a, ka chantum chu a chuanchil tau ah, ka channa mun pha chu gamthip, kuama umlo na’n a siam tau hi.

JEREMIAH 5:27

Vacha bawm dim ah kikhum gual in, a Inteu chu kithepna’n a dim hi; ziaziakchun, a hung hausa tau a, a hung thupi tau hi,

EZEKIEL 18:12

genthei leh tasamte gawt hen la, mi suam hen la, a bat dit ki’hen la, milimte lam nga hen la, thil ki’dak um tak bawl hen la,

EZEKIEL 20:35

chuleh, mihing umlo’na gamthip ah hun pui lût ing ka tin, zia tak ah chun kimaitua in la chung un vaihawm ding ka hi.

EZEKIEL 20:36

Aigupta gamthip ah la pu leh pateu chung thu ah vai ka la hawm gual khan, nanghaw chung inle vaihawm ding ka hi, Lalpa Pathian in a tii.

THIAMPUTE LEKHABU 25:14

La Invêngteu kiang ah la zok thil him him a hem, la Invêngteu khut ah la chawk thil him him unle la kilepbawl lo ding uh ahi.

THIAMPUTE LEKHABU 25:17

Kilepbawl tua kiu inla, la Pathian uh la lau ding uh ahi: Keima hi Lalpa la Pathian uh ka hi’ngâl a.

AMOS 2:7

gentheite luchang chu leivui lak ah tawden in, mi sukgenthei ah umte a lampiu ah kipat a sawn mang un; pa leh a chapa nungak khat a kikop un, tichun, ka min thiangtho sukbuak in a um hi;

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

MIKAH 2:1

A khum laijawl ua thil phalo suangtuate leh, thil phalo ngaituate chung a gik na e! Jalkhun ah a lunggêl zosiau chu phalvak phat leh, a bawl ngal sek un; bawltheina chu amau khut in a um ngal a.

MIKAH 2:2

Midangte lou a awtchau ah, zia chu thagum in a lak piak sek un; midangte In a eng un, zia chu thagum in a lak piak sek un; In leh a neitu chu a bawl genthei ma ma sek un, mihing leh a gochanteu a nuaisiau hi.

MIKAH 3:3

ka mite sa la neu ah, a vun uh la lip un; a guu la subong un, bêl ah huan ding gual in la âtnêl un, sahuanna bêl sung ah sa, huan ding ki-âtnelsa gual in, la âtnel tau hi.

MIKAH 6:10

Midik lo in a diklona gobawmte leh, a te’na ki’dak umte chu hemil thei ding ka hem?

MATTHAI 21:33

Tekhinthu dang pakhat a la ngai un: Mi kua a hem gamneipa pakhat a um ah; grep huan a bawl a, pal in pha tak in a ûm a, a grep sûkna khuk dingle a cho ah, a honna ding tau le a daw a; chun, lou enkolte kiang in a lousân lâk dingin a pedok ah, gam gamla tak in a zin daw san tai.

JAKOB 2:6

Himaleh, nang un migentheite chu la simmaw tau hi. Nang uh hun nuaisia sekte chu mihausate hilo a hiu em? Vaihawmna ah hun kai lut sekte le amau hilo a hiu em?