ISAI 3:11 - PATHIAN LEKHABU THIANGTHO (BSI)

¹¹ Thil bawlkhialte chung a gik na e! A thil bawl khial uh tawh kigûn in, a chung un bawl thuk hiding a hiziak un, mi vangsia ahi nau e!

ISAI 3:11 ပူးပေါင်းရင်းမြစ်များ

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

2 SAMUEL 3:39

Tu’ni hin sathaunu’, a la hilengle thunei zo lo ka hi. Zia Zeruiah chapate hi kei â dingin a thok hak ma mau hi. Zia tawhbang thil bawlte hi Lalpa‘n a nunsiatnau tawh kituak in a chung un dit kit zaw mai ta hen!” ti’n a gen tai.

1 LENGTE 21:21

la chung ah siatna hun tut ding ka hi; hun val zo ing ka tin, chuleh Israel gam ah Ahab mi pawsal zosia, suak hi’n mi zalen hileule hi’mangthai ding ka hi;

2 KHANGTHU 6:23

van ah kipat in a la ngaitha’n la, migilo chu a gitlona dungzui in thiamlo chansak inla, midik chu a dikna dungzui in thiamchansak in, la suakte chung in vai hun hawm sek in.

JOB LEKHABU 10:15

A la bawl khial ka hileh vang, ka chung a gik hi! a dik hi lengle, mualphona dim leh ka thokgimna bep, buaipi ka hiziak in, kiletsak tak in ka mâi, thal put ziang diak lo ding ka hi.

SAM 28:4

A thilbawl uh tawh kigûn leh, a thilbawlteu phatlo dungzui leh, a khut nasep dungzui un din inla, a gitlo man uh musak in.

SAM 62:12

aw Lalpa, ngilneina hi nang â ahi. Mi tin a nasep dungzui un la din sek ngal a.

THUPILTE 1:31

ziaziak chun, la gamtatnau ga kinêk in la tiu in, la thilbawlteu ma chun hun hi’lungjing in a.

THUPILTE 11:31

Midikte bawn lei chung ah piak thuk kit a hiu chun, mi nunsia leh migilote chu, bang gual bep ah nasa’n thuk kit a hita diam uh maw!

THUPILTE 12:14

Min a kam thiam man kinêk intin; a khut sepgim man chu piak hi’n a.

THUPILTE 26:27

Mi kiaklutna ding ah kawkhûk cho tapo chu ama ke’lut intin, suang lîk khum gaw tapo chung in suang chu hung kilîk in a.

THUGENTU 8:13

migilote chan ding chu vang a pha puai; a damsung nikhua chu lîm gual bep in hisau hipua’n ah; Pathian launa a nei paw’ngal a.

ISAI 13:11

Khawvel chu a gitlona ziakin gawt ing ka tin, mi nunsiale a thilbawl siat ziakin gawt ta’ng ka; chuleh, mihuhamte kisaktheina le hitawp ing ka tin, leng gilo leh lungpawngte chu koi niam ding ka hi.

ISAI 48:22

“Mi nunsiate â dingin, thamuanna him him a um puai,” Lalpa chun a tii.

ISAI 65:20

A sung ah chun nausen a ni ah sim bep dam um ta pua’n tin; chuleh, teksia a dam kum ding ting lo le um diak pua’n a; kum za khat dam chu nausen lamjul ah thi gual hi’ntin, kum za khat ting lo ah thi chu, migilo ka hânsialaw ziak ah thi hi’n a.

ISAI 65:6

Ngaitia, ka ma-âng in zia gual hin zik ahi: “Thipsan pua’ng ka tin, thuk kit tei ding ka hi; ahi, a pheichung un thuk kit ing ka tin,

ISAI 65:7

amau khawlona tawh a pu leh pateu khawlo’na chu, a leng in thuk khawm ding ka hi, Lalpa‘n a tii. Mualvum tincheng ah kithawi in, tâng tin ah ei demsiau ah; a la bawlsau zosia tawh kiphu tawk in, a pheichung un têdaw piak ing ka,” ti in.

JEREMIAH 21:14

La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 31:30

Grep thûk ne tapo a hau a zat gual in, mi tin a thil gilo bawl ziak un thi chiat ta’n au.

EZEKIEL 16:59

Lalpa Pathian in zia gual hin a gen a: Thutiamna musit ah, thuthung botsete chu a thilbawl gual gual un a chung un hun bawl thuk ding ka hi;

EZEKIEL 18:20

Thil phalo bawl pen chu a thi ding ahi. A nu leh pa gitlona ziakin a cha’n thuak pua’n tin, a cha ziakin a nu leh pa’n le thuak diak pua’n au; midik in a dik man mun tin, migilo in a gitlo man kipuak in a.

EZEKIEL 2:10

Ka âng in a hun phel jak ah; a pêk ma lam leh nung lam kizik gêl ahi’n; kâna, lusûnna leh mauna thu ngen a kizik hi.

EZEKIEL 24:14

Keima Lalpa hin ka gen tai; a hun tung ding ahi tai, bawl ngei ding ka hi. Kisûm pua’ng ka tin, hawi pua’ng ka tin, kipadâm pua’ng ka! La umdan leh la thil hi dungzui in la chung ah vaihawm ding ka hi, Lalpa Pathian in a tii, ti in.

EZEKIEL 33:8

Migilo kiang ah, “Aw migilopa, thiding la hi e,” ka ti ah, zia migilo chu a umdan phalo nusia ding ah la vahil lo ahi chun, zia migilo chu a thil bawlkhial ziakin thiding ahi; himaleh, a thisan phuba chu nang chung ah ka sîk ding ahi.

MIKAH 3:4

Ziaphat chuleh, Lalpa hun ko intiu in, ahi’n la, hun dawnhu ta pua’n a; ziaphat chuleh, nunsia tak ah a tawi ziak un, amau kisêl mangsan ta’n a.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

KISIMNA LEKHABU 32:23

Himaleh, zia gual ah chu la bawl lo uh leh, Lalpa chung ah thil bawl khial hi’n lau; tichun, la gitlonau chun hun hawldok ngei ngei ding ahi ti he tau in.

2 KORINTH 5:10

Mi zosia’n taksa I thilhite, a sia a pha, I hi gual gual un I mu chiat theina ding un, Khrista vaihawmna chutpha man kilâk chiat ding I hiu.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

VAIHAWMTE 9:57

chuleh, Shekhem khua mite gitlona chu Pathian in a chung un a tunsak ah; a chung un Jerubbaal chapa Jotham sapsiatna chu a hung guitung tai.