ISAI 3:10 - PATHIAN LEKHABU THIANGTHO (BSI)

¹⁰ Mawna neilote chun a khut sepgim gau, ne ding a hiziak un, mi vangpha ahi dan uh hil in.

ISAI 3:10 ပူးပေါင်းရင်းမြစ်များ

THILSIAM THU 18:25

Nang lawm lawm in zia gual ah chun midikte chu migilote gual ah bawl mai ding leh, midikte chu migilote lak ah a thi khawm mai ding uh chu phal sam ding la hem? Lei chung zosia ah vaihawmpa chun dik tak in bawl lo ding la hem?” ti’n a dong a.

SAM 58:11

Tichun, mite’n, “Midikte â dingin kipakman a um tak tak in; lei ah hin vaihawmtu Pathian a um tak tak hi,” hun ti’n au.

PAWTDAWNA THU 1:20

Tichun, Pathian in naulaidomte chu pha tak in a bawl a, mipite chu a hung pung un, a hat deu deu ziang tau a.

THUPILTE 10:6

Midikte ngaituana chun vangphatna a tung hen, mi nunsiate kam sung in thagum sua’na sêlguk in a um hi.

THUPILTE 12:14

Min a kam thiam man kinêk intin; a khut sepgim man chu piak hi’n a.

THUPILTE 13:21

Mi nunsiate nung chu vangsiatna’n a zui sek in; midikte chuvâng nei leh lam in a zui sek hi.

THUPILTE 18:21

Mihingte kam ah chun hinna leh thi’na a um a; zia ngaina tapote chun a ga chu ne ngei in au.

THUGENTU 8:12

Migilo in thil phalo za khat vei bawl hen la, a damsung nikhua hisau in um ziang leh le, Pathian lau mi, a ma-âng ah lau dan thiam tak ah um chu a pha zawi ti ka hia’i;

ISAI 54:17

Nangma do-na ding ah matchâk kisiam zosia chu, lawting ngai pua’n tin; chuleh, vaihawmna mun ah hun nial, lei taphot chu nialtha ta’n la. Zia hi Lalpa nasêmte gochan leh, keima panpi’na chu ahi, ti’n Lalpa‘n a gen hi.

JEREMIAH 15:11

Lalpa‘n zia gual hin a gen hi: La phatna dingin la hinna ka hun sukha, la buai lai leh la lungjin lai in la chung ah la mêlma dingte ka hun guat khum ahi.

JEREMIAH 21:14

La sep gau tawh kigûn in hun gawt ing ka tin, gammâng lak in mei sêm ing ka tin, a kîm a vêl ah um zosia kâng tum in ah, Lalpa‘n a tii.

JEREMIAH 22:15

Sidar thing In la kisak ziak ah, leng hi mai ding la hem? La pa khan ne leh dawn ah, dik tak ah vaihawm hilo a hem? Zia chu ama â dingin a pha ahi.

JEREMIAH 7:23

Himaleh, zia hi ka thupiak chu ahi: Ka thu ngai un, tichun, la Pathian uh hi’ng ka tin, nang uh chule ka mite hi’n lau; chuleh, nang uh â ding ah thilpha a hitheina dingin ka thupiak gual bep in um un, ti in.

EZEKIEL 18:20

Thil phalo bawl pen chu a thi ding ahi. A nu leh pa gitlona ziakin a cha’n thuak pua’n tin, a cha ziakin a nu leh pa’n le thuak diak pua’n au; midik in a dik man mun tin, migilo in a gitlo man kipuak in a.

EZEKIEL 9:4

a kiang in, “Khawpi sung hawtheng inla, Jerusalem khawpi sung ma ma hawtheng in; chuleh, khawpi sung ah ki’dak um tak ah thil a kibawl ziak ah, khawksa tak ah thûm leh mau zosia chu a chalkiu ah tepte’na bawl in,” ti’n a hun gen a.

MIKAH 7:13

Ahi’n, gam chu a sung ah chêngte ziak leh, a thilbawl gateu ziak ah chun nutsia in um ta’n au.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

MALAKI 3:18

Zia tak chuleh, midik leh migilo kikhiak dan leh, Pathian nasêm leh sêmlote kikhiakna mu chian ta’n lau.

LUKA 19:19

Ama kiang ah chunle zia gual ma chun, ‘Khua panga chung ah vaihawm in pang in,’ a tia.

DAN LEKHABU 12:25

Lalpa mit mu ah thil dik bawl la hiu ah, nanghaw leh la nung ua la chateu â ding tiang ah thilpha a hi’theina dingin, thisan chu la nêk him him lo ding uh ahi.

HEBRAITE 6:10

La nasep uh leh hepina ziak ah la sepgimnau, ama min ah la latsak uh, mithiangthote chung ah la nasepteu, tu’tiang ah le la sep zing uh chu hemil dingin Pathian chu mi diklo ahi puai.