ISAI 3:1 - PATHIAN LEKHABU THIANGTHO (BSI)

¹ Tu’hin, Bangkim hi’thei, sepai honte Lalpa chun: Jerusalem leh Judah mipite kingakna, a nêk leh dawn, a matchâk leh, a tuinâk zosiau tawh,

ISAI 3:1 ပူးပေါင်းရင်းမြစ်များ

2 LENGTE 25:3

Tichun, a tha li’na, a ni kua tin ni kipat chun kial huaisia tak in zia khawpi chun a hung tung tai; mipite nêk ding bangmacha a um ta puai.

SAM 105:16

Zia gam ah chun kial a tunsak ah, nêk ding bangma a umlo phatin,

ISAI 1:24

Ziaziakchun, Hat Chungnung, sepai honte Lalpa, Israelte lak ah Mi Hat chun: E hei! Ka mêlmate chung ah hin, ka lungnatna buntha’ng ka tin, ka gâlte chung in phuba la mai ing ka!

ISAI 2:22

A nâk ah hattheina ziak bep a, mihing thitheite hi nusia in, bang ah pang ding a hiu em?

ISAI 3:16

Lalpa‘n zia gual hin a gen hi: Zion chanute kisathei tak ah ngawng thekawi leh, mittêt sâng tak ah, kikhaw awt awt ah chia ah, a kãl uh a suan git lok lok ziak un;

ISAI 36:12

Himaleh, Rabshakeh chun, “Ka pu’n zia thute hi la pu leh nang kiang bep ah gen ah, nang tawh la êk uh la nêk khawmpi ding leh, la zun uh la dawn khawmpi ding uh ngâk ah; kulbâng chung ah kitung mipite kiang ah gen lo ding ei ti lasak a hem?” ti’n a dawnhu a.

ISAI 5:13

Ziaziakchun, hetna a nei lo ziak un, ka mipite chu sal ah pui in a um tau in; a milianteu chule gilkial in a thi tau in, mipite chule dangchâk in a keu zo tau hi.

ISAI 51:22

Chungnung Penpa Lalpa, la Pathian, a mipite sik leh jal gen piak sekpa chun, zia gual hin a gen hi: En un, kithinna no chu, la khut ah kipat in ka lamang tai; ka lungnatna no ah kipat in, dawn kit ta pua’n la.

ISAI 9:20

Changlam kâi ah huaihap tak in ne maleu, a kial tho tho un; chuleh, veilam kâi in val zo maleu, a vâ diak puau hi, ti in. Amau chate sa nasan a ne tau hi!

JEREMIAH 37:21

Tichun, Lengpa Zedekiah chun thu a pia; Jeremiah chu gâlvêngte huang sung in a khum tau a; khawpi sung ah vaithum a um sung sia chu nisi’n in vaithum tâng khat a pia zing tau hi; tichun, gâlvêngte huang sung ah chun a um den tai.

JEREMIAH 38:9

“He pu lengpa, zia mite hin jawlnei Jeremiah tuikul sung ah kial ah thi ding ah a khiak lut uh hi a dik puai, khawpi sung inle vaithum a um ta paw’ngâl a,” ti’n a vagen a.

JEREMIAH 52:3

Jerusalem leh Judah chun Lalpa a suklungnat ma ma ziak un, ama umna mun ah kipat a la nawdaw ahi tai. Zedekiah chu Babulon Lengpa chung in a hung hel ta’n.

JEREMIAH 52:6

Tha li’na, a ni kua tin ni kipat in khawpi sung ah chun a gam ah mipite nêk ding an a um tâk lo ziakin, kial a huaisia ta ma ma ziang a.

KÂ LATE 5:4

Tui dawn man ka piak uh a ngai ta’n; thingle ka chawk uh a ngai tai.

EZEKIEL 14:13

Mihing, gam pumpi’n ginum lo tak ah ei gitlosan phat uh leh, ka khut amau do in ka lâm ah, a ankuang uh bunkhup in, kialna ka tunsak sek ah; chuleh, gancha leh a mihing chanpiu lakah kipat in ka paitha sek in,

THIAMPUTE LEKHABU 26:26

La bu In teu ka suksiat phat leh, numei sawmkhat in thuk pakhat ah vaithum kang khawm thei ta’n tin uh, te’ chit chiat in la vaithum ding uh hun pia ta’n tin uh, zia chu ne zo in la tin uh, vâ in, tai diak pua’n lau.

AMOS 4:6

La khawpiteu ah hani bek kham dingle umlo khop ah, la umnau zosiau ah an tâksapna ka hun pia’n; zia sapi ah chunle ka kiang lam in, la hung kile’kit diak puau hi, Lalpa‘n a tii.

MIKAH 4:9

Tu’hi bang ding ah ngai tak ah kap la hem? La sung ah lal a um pua a hem? A thamuantu kha a um ta pua, numei nauvei natna’n a hun pha ta a hem?