ISAI 28:1 - PATHIAN LEKHABU THIANGTHO (BSI)

¹ Ephraim ah zukhamte kiletsakpi ah, pakcha lal lukhuk mêlpha ma ma, pakcha gual ah vuaitha mai ding, zungolvei ah dim phâijawl, gam phatna zosia chung ah vaihawm ah, kiletsak ma mate chung chu a gik hi!

ISAI 28:1 ပူးပေါင်းရင်းမြစ်များ

2 LENGTE 15:29

Israel ah Lengpa Pekah vaihawm sung ah chun Assuria ah lengpa Tiglath-pilesar chu a hung kuanah, Aijon tawh, Abelbeth-maakah leh Janoah tawh, Kedesh leh, Hazor tawh, Gilead leh, Galili tawh, Naphtali gam zosiate chu a hun la ta’n, tichun amau haw chu Assuria lam ah sal in a pui tai.

2 KHANGTHU 28:6

A pu leh pateu Pathian, Lalpa a la nutsia tâk ziak un, Remaliah chapa Pekah chun ni khat sung bep in, Judai gam ah sepai hat leh hangsan ngen nuai khat leh sîng ni hial a that tai.

THUPILTE 23:29

Kua ahi em chunggik sek? Kua ahi em lungngai sek? Kua ahi em thubuai nei sek? Kua ahi em a ziak umlo ah beliam pu sek? Kua ahi em mitsan kei kui ah um sek?

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

ISAI 5:11

E he, nang uh zudawn ding ah jingkal matak ah tho ah, nitâk jan sawtpi pi zudawnna chêngthuak den sekte;

ISAI 5:22

Uain dawn ah mihangsan leh, zuchîk tak ah kihel dawn ngam a,

ISAI 8:4

zia nausen chun, “He nu” a hem, “He pa” a hem, a ti’thei masang in, Damaska hausakna leh Samaria gam gâllâk thilte chu Assuria lengpa’n chomnâm ding ahi ngâl a.

ISAI 9:11

Tichun, a mêlmateu Rezin chu, amau do dingin tungding intin, a mêlmateu chu choktho in a;

ISAI 9:8

Lalpa‘n Jakob kãl in thu a gen a, zia chu Israelte chung in a chu tai.

ISAI 9:9

Ephraim gam leh Samaria gam ah chêng zosia’n zia chu a hiau a, maleh, a lunggil uh simmawna leh nuaisiana dim in, zia gual hin a gen tau a:

HOSEA 4:11

Zu leh zu thak chun a hetthiamnau a lamang hi.

HOSEA 5:5

Israel chu a chapona ziakin ama thiamlo a chansak in; Ephraim chu a thulimlona’n a kipal pâi hi; Judah le amau tawh a kipal pâi khawm hi.

HOSEA 5:9

Gawtna ni ah chun Ephraim chu suksiat hung hi’ntin; Israel namte lak ah thil hung tung ngei ding chu ka hun puang hi.

HOSEA 6:10

Israel Inkuan lak in thil huaisia tak ka mu ta’n; Ephraim nawchi zawkna chu a um a, Israel chu sukbuak ahi tai.

HOSEA 7:5

I lengpau ni ah chun miliante chu, uain salum in a nat khawlaw un; ama chun musitte tawh a khut a jak khawm hi.

THIAMPUTE LEKHABU 26:19

La kisuanpiu la thil hi’theinau hi’sia’ng ka tin; nang uh â dingin van chu thîk gual in tâksak ing ka tin, lei chule sum-eng gual in châksak ding ka hi.

AMOS 2:12

Himaleh, nazarit mite chu zu la dawnsak un, jawlneite chu, “Thu hillawk ta kin,” la tiu a.

AMOS 2:8

mâichâm bul tincheng in kitepna puansil chung ah a lum un; chuleh, a mi gapnau uain chu Pathian In ah a hun dawn uh ahi.

AMOS 4:1

Zia thute hi ngai un, nang uh Bashan ah bawngpite haw: Samaria tâng chung ah um ah, michagate sugenthei ah, mi tasamte tawden ah, a pawsalteu kiang ah, “Bang a hem khat dawn ding hun lau in,” tite haw.

AMOS 6:1

Zion ah kinoptel ah, Samaria tâng ah bit kisate, nam zosia lakah a pakhatna kingaite lak ah miliante, Israel Inkuan in a bêlteu haw, la chung uh a gik hi!

AMOS 6:4

Saiha jalkhun chung ah lum ah, chutnasau chung ah nuam tak ah kichawl ah, belam hon lak ah belamno sate ne ah, kul ah kipat bawng tuaite kinêk ah;

AMOS 6:6

kuangcha bêm ah uain dawn ah, sathau pha pen pen kinu’te, himaleh, Joseph siatna pawnalote chung chu a gik hi!

AMOS 6:8

Lalpa Pathian chu ama min ah kihaksial in, (Sepai honte Pathian, Lalpa chun a ti ta ahi:) Jakob kisaktheina chu ka ki’dak in, a kulpite chule ka hua ahi; a khawpi leh a sung ah um zosia chu pedok ding ka hi.