ISAI 27:8 - PATHIAN LEKHABU THIANGTHO (BSI)

⁸ Amau chu nawdawna sal ah pui mang in a umsak ah, a lungnatna’n sualam thigawpi a mût mangsak tai.

ISAI 27:8 ပူးပေါင်းရင်းမြစ်များ

JOB LEKHABU 23:6

A thilhitheina nasa tak ah chun, ei hun nial ma diam? Ei nial pua’n ah; ei ngaisak zaw ding ahi.

SAM 103:14

Banggual ah siam I hiu em ti leh, leivui mai ah siam I hiu ti a het ziakin.

SAM 103:9

Ama’n hun awimaw zing pua’n tin, a lungnatna chu kumkhua’n vopzing pua’n a.

SAM 38:1

Aw Lalpa, lungna’n ei vau kin la, hachang thak in ei thunun diak kin.

SAM 6:1

Aw Lalpa, lungna’n ei vau kin la, la thangtawmna’n ei thunun diak kin.

SAM 76:10

La lungnatna la kitûk tânsak phat leh, mihingte lungnatna chun hun chawisâng in au.

SAM 78:38

Ahi’n, ama chu lainatna dim ahi ziakin, a khawlonau chu ngaidam in amau chu a gawt chimit diak puai. A lungnatna a kisûm ah, a hachang thakna zosia chu a choktho nuam puai.

ISAI 1:5

Jep be hawl nalai la hem? Bang ding ah huhel nalai maw? Luchang a pum in a na hen, lungchang le a pum in a chau tai.

ISAI 10:12

Lalpa‘n Zion tâng leh Jerusalem chung ah a thilbawl ding cheng a bawl zaw phat leh, Assuria lengpa kisaktheina leh kiletsak takah a kilopisak ziakin hun gawt ding ka hi.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 54:7

Hun chomcha sung â ding bep in ka hun nusia in; maleh, lainatna lian tak in hun pui khawm kit ding ka hi.

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 64:5

Thanuam tak ah thil dik tak bawlte leh, la lampite ah nangma hun hezingte chu, nang in la kituakpi sek hi. Ngaitia, ka gilo tau a, nang la lung a na’n, lei kihei mangsan ziakin, ka la chawn khial tau ahi.

JEREMIAH 10:24

Aw Lalpa, ei sudik inla, ka kiphutawk un ei soisa’n; lungna’n vang ei soisa kin, achutiloleh, bangmalo ei sua ding la hi.

JEREMIAH 30:11

A hun hukdam ding ah hun umpi zing ka hi, Lalpa‘n a tii. A lak ua ka hun thejakna nam tinte chu, subei ing ka tin, nanghaw vang hun subei lo ding ka hi. A kilawm tiang bep in hun gawt ing ka tin, gawt lo ah vang hun nusia ziang lo ding ka hi.

JEREMIAH 4:11

Ziaphat chuleh, zia mipite leh, Jerusalem kiang in zia thu hi gen piak hita’n a: Gamkeu lam ah tângsâng ah kipat in, ka mipite genthei tak ah umte mût vot ding leh, mut thiang ding hilo in, keima ah kipat in hui lum tak hung hâng ding ahi.

JEREMIAH 4:27

Lalpa‘n zia gual hin a la gen tai: Gam pumpi chu suksiat in hung um ta’n tin; himaleh, hibei suak ziang nai tadi pua’ng ka.

JEREMIAH 46:28

Nang, ka suakpa Jakob vang, bangma lau kin, ka hun umpi zing hi, Lalpa‘n a tii. A lak ua ka hun thejakna nam tinte chu, sutawp ing ka tin; nangma chu vang hun sutawp pua’ng ka! A kigûn tawk bep in hun gawt ing ka tin, gawt lo in vang hun mawk koi pua’ng ka,” ti in.

KÂ LATE 3:31

Lalpa‘n kumkhua’n pâmpai lo ding ahi.

KÂ LATE 3:32

Hi’lungngai maleh, a ja’ngaina nasa tak dungzui in, lainatna hun nei ding ahi ngal a;

EZEKIEL 19:12

Himaleh, thangtawmna ah bawdaw in a um ah, lei tual se’na’n mat ahi; sualam hui in a mût keu in, a gate chu heu in a um ah, a kung det chu a keugawp ta’n; mei in a kâng tum tai.

HOSEA 13:15

Hambuk lak ah hampa gual in nîm dep dup maleh, Lalpa huizang, sualam hui gamthip ah hung kipan chun hun mut intin, a tuinâkte hung kang intin, a tuihing luite chu hung keugawp ta’n a. A gam sung ah golûl pente chu chawm nâm piak hita’n a.

HOSEA 4:1

Israel mipite haw, Lalpa thu hi ngai un; zia gam ah chêngte hi, Lalpa‘n thiamlo chansak in a awimaw hi. Zia gam ah hin ginumna leh thutakna a um ta pua’n; Pathian hetna le a um ta puai.

1 KORINTH 10:13

Mitin chung ah patepna vântâng tilo la chung un patepna a tung kha puai. Pathian chu a ginum in, la zaw khêl uh chetna la chung un tunsak pua’n a; la thokzawna ding un chetna tawh kigual in taidawna lampi hun bawl piak in a.

1 PETER 1:6

Tu’hin, thepna chitin ziakin lungkham tadi maleu chinle, zia chun nasa tak in la kipak uh ahi.