ISAI 27:3 - PATHIAN LEKHABU THIANGTHO (BSI)

³ Keima Lalpa hi a enkolpa ka hi’n, chawlnga lo in tui ka buak hi. Kuama’n a hi’siat lona ding un, sun leh jan in ka vêng hi.

ISAI 27:3 ပူးပေါင်းရင်းမြစ်များ

THILSIAM THU 6:17

Chuleh, ngai in, keima ngei in taksa zosia, hinna ding ah hatna nei zosia chu van nuai ah kipat hi’mangthai dingin lei ah hin tui lêt sak ding ka hi. Lei chung ah thil um zosia thi sik sek ding a hiu.

THILSIAM THU 9:9

“Ngai un, keima’n nangmau kiang leh la nung ua la suanteu kiang tiang inle ka thuthung chu ka hi’det hi.

1 LENGTE 8:59

Lalpa âng ah ka dotna thute hi, Lalpa I Pathian kiang ah sun leh jan in um zing hen la; a suakpa thu leh a mi Israelte’n nisi’n a mamaw dungzui ua a dotnau gual in ama’n umsak ta hen;

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 46:5

Pathian chu khawpi lailung in a um ah, kilîng pua’n a; Pathian in phalvak ah chun hun panpi in a.

ISAI 31:5

Vacha’n a bu chung sâng tak ah lêng ah, a note a venbit gual in, sepai honte Lalpa chun Jerusalem vêng bit ding ahi ngal a; vêng bit in, hukdok intin, hinghoi in humbit ding ahi.

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 44:3

Gam gawchâk chung in tui hun sungtha’ng ka tin, tâng gawchâk ah chun luichate hun luansak ding ka hi’n; la tu leh chate chung un ka thagau sungtha’ng ka tin, la suan leh pâkteu chung in, maljawlna hun sungtha ding ka hi’ngal a.

ISAI 46:4

la têk nung ua, la samkân tiang unle, hun som ding chu Keima hi ka hi. Ka siamsa la hiu ah, hun enkol zing ding ka hi’n, hun pua’ng ka tin, hun hukdam ding ka hi.

ISAI 46:9

nidang lai ah thiltung te kha hezing un; Keima hi Pathian chu ka hi’n, kuama dang a um paw’ngal a. Keima hi Pathian ka hi, keima tawhbang kuama dang a um puai.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 5:6

Tho hâ ta pua’ng ka tin, hâthiang talo ding ka hi’n, ling leh khauguite’n dêp ta’n a; a chung ah gua zuksak talo dingin, van sûmte thu pia ding ka hi.

ISAI 58:11

Lalpa‘n hun pui huai zing ta’n tin, tâng gawchâk mun inle, la tâksap zosia hun tua intin, la gu leh châng zosia hihat in a. Tichun, tui in a chapno zing, huan tawhbang ta’n la tin, tuinâk pha tak, a tui kang ngai lo gual chu, hung hita’n la.

ISAI 60:16

Nam tinte hausakna leh, leng leh lalte nei leh lam zosia chomgam ta’n la; zia tak chuleh, Jakob, Mihatpa, nangma hun Tanpa, la Hukdampa chu, Keima Lalpa hi ka hi ti hun he ta’n lau.

EZEKIEL 34:11

Lalpa Pathian in zia gual hin a gen ta’ngal ah: Keima’n ka belamte chu kihawl ing ka tin, hawldok ding ka hi.

EZEKIEL 34:24

Chun, Keima Lalpa hi a Pathian uh hi’ng ka tin; chuleh, ka suak David chu a lak ua hotu hita’n ah; Keima Lalpa hin zia gual chun ka gen ta’ngal a.

EZEKIEL 37:14

La sung un ka thagau koi ing ka tin, hing kit ta’n la tiu in; chuleh, nangmau gam ma ma ah chun hun koi kit ding ka hi; ziaphat chuleh, Keima Lalpa hin ka gen dungzui in, hun bawl ding ka hi ti he ta’n lau,” Lalpa chun a ti tai, ti in.

EZEKIEL 37:28

A lak ua ka mun thiangtho a umden phat leh, Israelte suthiangpa chu Keima, Lalpa hi ka hi ti he ta’n au.

1 SAMUEL 2:9

A mi ginumte keng chu vêng tup intin, himaleh, mi nunsiate vang, thim lak ah paithâk in hung um in au; thagum hatna ziak mai in kuama’n, zaw’na a chang diak pawngâl ua.