ISAI 27:13 - PATHIAN LEKHABU THIANGTHO (BSI)

¹³ Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 27:13 ပူးပေါင်းရင်းမြစ်များ

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

1 KHANGTHU 15:24

Thiampute lak ah Shebaniah, Joshaphat, Nathanel, Amasai, Zekariah, Benaiah leh Eliezer cheng hi, Pathian Thuthung thingkuang ma-âng ah pengkul mût dingah guatdaw a hiu ah, Obed-edom tawh Jehiah chule thuthung thingkuang umna kotkhak vêng ah pang dingah guat a hiu hi.

SAM 47:5

Pathian chu kiko thawm tawh a chia to in, Lalpa chu pêngkul gi tawh a chia to tai.

SAM 81:3

Thathak leh I kût hunbiu thalik lai tak inle, pengkul mût un.

SAM 89:15

Luaithena husa hete leh, aw Lalpa, la mêlvâk ah chiate chu mi hampha a hiu hi;

ISAI 11:11

Zia ni phat chuleh, Lalpa‘n a mite lak ah a um nalai sunte chu, Assuria, Aigupta, Pathros, Ethiopia, Elam, Shinar, Hamath leh tuisuagiat pang ah gam zosia ah kipat huai khawm dingin a khut chu a vêl in hun lâm kit ta’n a.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 11:16

Tichun, Aigupta gam ah kipat, Israelte hungna ding lampi a um gual khan, a mipi nutsia ah um sunte â dingin, Assuria ah kipat in lamlian hung um ta’n a.

ISAI 18:3

Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 19:21

Aiguptate kiang in Lalpa chu kihiatsak ta’n a; ziaphat chuleh, Aiguptate’n Lalpa chu he ta’n tin uh, kithoina leh hâlmang thilpiak in ho ta’n tin uh, Lalpa kiang ah thutiamte bawl intiu in, a thutiam uh mualsua in au.

ISAI 19:22

Lalpa‘n Aiguptate suchimit intin, a sukchimit te chu hi’dam kit in a; Lalpa lam hun nga ta’n tiu in, tichun, ama’nle a dotnau a la ngaitha’n, hi’dam in a.

ISAI 2:11

Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:2

Tu’nung lam leh Lalpa In umna tâng chu, tâng sâng pen hung hi’ntin; tâng dang zosia sâng ah chawisa’n in um ta’n a; chuleh, namtin hung kitawl lut ta’n au.

ISAI 2:3

Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 25:6

Zia tâng ah hin sepai honte Lalpa chun mi zosia â ding ah an tui tak, uain kumlui takte leh, sa leh theng ah kisiam an tui tak leh, uain thiang chîk leh kumlui takte’n, luaithe’na siam ding ahi.

ISAI 43:6

mal gam kiang in, “Hun pedok un,” ti’ng ka tin; sim gam kiang inle, “Tuchak ta kiu in, gamla tak ah kipat in ka chapate chu hun pui unla, leimong lam ah kipat in, ka chanute hun pui khawm tau in,

ISAI 49:7

Israelte Tandokpa leh a Mithiangtho, nam tinte musit leh ki’dak ah um, vaihawmte suakpa Lalpa chun zia gual hin a gen hi: “Lengte’n la pawtdok uh mu’n dingdok intiu in, lalte’n hun mu’n, la ma’n bokkhup in au. Lalpa ginum leh, Israel Mithiangthopa’n nang uh, hun têldokpa ziakin,” ti in.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

ISAI 66:18

A lungthim ua a ngaituanau zosia leh a thilbawl zosiau chu ka he ngal a; chuleh, namtin leh pautinte pui khawm dingin ka hung kuan hi; tichun, hung khawm intiu in, ka lopina chu mu ta’n au;

ISAI 66:23

Thathak ah kipat thathak kit tiang, sabbath ni kipat a sabbath ni kit tiang in, keima ei ho dingin mi zosia hung ta’n au, Lalpa‘n a tii.

JEREMIAH 31:6

“Hung un, Lalpa I Pathian kiang un, Zion ah chia to hitiu,” ti ah Ephraim tânggam ah gâlvêngte kiko dawna ni ding chu, hung tung ngei ngei ding ahi tai.

JEREMIAH 43:7

Lalpa thu a ngai lo ziak un, Aigupta gam a hung tung tau a. Tichun, Tahpanhes khua chu a hung tung tau hi.

JEREMIAH 44:28

Chemjam ah kipat suakcha sunte chu, Aigupta gam ah kipat in Judah gam ah tawmcha hung kit in au; Judah mi nutsia ah um sun, Aigupta gam ah chêng ding ah hungte chun, kei thugen a hem, amau thugen guitung zaw a hem ti hechian ta’n au.

EZEKIEL 20:34

La kithejaknau namtin leh gam tin ah kipat in, khut hat tak lâmsa’n, ka lungnatna leibua’n hun puikhawm kit ing ka tin;

EZEKIEL 20:41

La kithejaknau ah kipat ka hun pui khawm kit phat leh, gimtui gual in hun pom ta’ng ka; namtin mit mu in la lak un ka thianthona hun tâklang ta’ng ka.

EZEKIEL 39:25

Ziaziakchun, Lalpa Pathian in zia gual hin a gen hi: Tu’hin, Jakob vangphatna pia kit ing ka tin, Israel Inkuan zosia chung in ja’ngai ta’ng ka; tichun, ka min thiangtho â dingin thangtawm ta’ng ka.

DANIAL 11:45

Tuisuagiat tawh, tâng thiangtho mêlpha tak kikâl in a lal In puanbûk jak ta’n a. Himaleh, a tawpna chu hung tung tho tho intin, kuama’n panpi pua’n au, a hun ti tai.

HOSEA 11:11

Aigupta gam ah kipat vacha gual ah kithing kawmah hung in, Assuria gam ah kipat in vakhu gual in hung in au; amau In chiat un pui kit ing ka, Lalpa chun a tii.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

HOSEA 9:3

Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

THIAMPUTE LEKHABU 25:9

a tha sagi’na, a ni sawm tin ni, Tatna ni ah chun pengkul ngai tak in mût in la tin; chuleh, la gam sung pumpiu ah le pengkul la va mûtsak ding ahi.

MIKAH 7:14

Muan umna huan gam lailung ah, gammâng lak ah chang tat la gochan belam hon la mite chu, la khetbûk mang in ching tup inla; masang lai gual ah khan Bashan leh, Gilead ah vâk in um chiat tau hen.

ZEKARIAH 14:16

Ziaphat chuleh, Jerusalem hun do namtin lak ah hing leh dam nalai sunte chu kumsin ah Bawkcha Kût mang ding leh Lalpen, sepai honte Lalpa chibai bûk dingin chia to zing ta’n au.

ZEKARIAH 8:7

Sepai honte Lalpa‘n zia gual hin a gen hi: Ka mite chu sualam gam ah kipat leh, tumlam gam ah kipat in hun hukdok ing ka tin;

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 24:31

Pengkul gi nasa tak tawh, a vansawlchâkte hun sawldok intin, kawl kil li ah kipat, van tawp langkhat lam ah kipat a langkhat lam tiang in, a mi têlchuamte chu hun lakhawm in au.

LUKA 4:18

“Liangvaite kiang ah chanchinpha gen ding ah ei guat ziakin, Lalpa Thagau chu ka chung in a um hi. Ama chun saltângte kiang ah pawtdawna thu leh, mitthûmte kiang ah mitvakna nei kitna dingte, tawden ah umte thâdok ding leh,

ROMTE 10:18

Ahi’n la, a bil un a hepuau ah a hem? He e: “A thawm uh lei chung zosia’n a kithang in, a thuu chu kawl kîmvêl tiang in a thang suak tai,” ti ahi.

1 THESSALONITE 4:16

Lalpa ngei chu thupiak kiko thawm tawh, vansawlchâk chungnungpen kona tawh, Pathian pengkul gi tawh, van ah kipat hung ding ahi ngal a: Chuleh, Khrista ging ah thi tate kha tho masa’n tiu in;

HEBRAITE 12:22

Himaleh, Zion tâng, Pathian hing khawpi, van Jerusalem, vansawlchâk simsênlote umna;

THUPUAN 10:7

Vansawlchâk sagina chun pengkul mût ding ah kisa’n, a aw sua nite chu a tun phat leh, a suak jawlneite kiang ah a la gen gual khan, Pathian thugûk chu bukim ta’n a,” ti in.

THUPUAN 8:2

Ziaphatchun, Pathian ma ah vansawlchâk pasagi ding ka mu’n; pengkul pasagi a hun piau a.

THUPUAN 8:6

Ziaphatchun, vansawlchâk pasagi pengkul pasagi chawite kha mût dingin a hung kisa tau a.

THUPUAN 9:14

zia chun pengkul chawi vansawlchâk pagukna kiang ah chun, “Euphrates luipi ah vansawlchâk pali kân ah umte kha thâdok in,” a hun tia.