ISAI 27:11 - PATHIAN LEKHABU THIANGTHO (BSI)

¹¹ Thingbâkte chu a hung keu phat leh, nutsia in a um un; numeite’n thingkhua dingin a mang sek tau hi. Zia namte hi hetthiamna neilote ahi ngal un; ziaziakchun, amau Siampa chun, lainatna nei ta pua’n tin, amau a la guanggalpa chun a chung un, doisakna hi’lang ta pua’n a.

ISAI 27:11 ပူးပေါင်းရင်းမြစ်များ

SAM 106:40

Tichun, Lalpa chu a mite chung in a lungawi ta pua’n; a gochante chu a kidak ta’n;

ISAI 1:3

Bawngchal in a neipa a hia’n, sabiltung in a enkolpa anpiakna a hia’i; maleh, Israelte’n a hepuau in, ka mite’n a hechian puau hi.

ISAI 18:5

Grep ga law masang ah, a pâk a pul nung ah, a pâkte chu grep ga min a hung suak tau a; a selthakte chu chemkon in hâthiang intin; a bâkjamte chu sâttha’n a.

ISAI 43:1

Himaleh, aw Jakob, nangma hun siampa, aw Israel, nangma hun guanggalpa, Lalpa chun zia gual hin a gen hi: Lau him him kin, ka hun tandok ta’ngal in; la min in ka hun ko ta’n, keima â la hi.

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 44:2

Nanghaw hun siampa, sûl ah kipat hun guanggalpa leh, hun panpi zing ding Lalpa chun zia gual hin a gen hi: Aw Jakob, ka suakpa lau kin la, ka hun têlchuam Jeshurun lau kin.

ISAI 44:24

Nang hun Tandokpa leh sûl ah kipat, hun guanggalpa Lalpa chun: Keima hi Lalpa, thil zosia siampa, vante kaimalpa chu keima hi ka hi’n, keima bep in lei hi ka jak pal ahi;

ISAI 5:13

Ziaziakchun, hetna a nei lo ziak un, ka mipite chu sal ah pui in a um tau in; a milianteu chule gilkial in a thi tau in, mipite chule dangchâk in a keu zo tau hi.

ISAI 9:17

Ziaziakchun ahi, Lalpa‘n a khanglaiteu a lainat lo ah, a nauchagateu leh a meithâiteu le a lungsiat lo; mi tin in Pathian neilo leh, thil phalo bawl ah zuau thu a gen ziak un. A lungnatna hâi thei lo in a chung un, a khut a lâm nalai lai ahi.

JEREMIAH 11:16

Tu’ma lam ah khan Lalpa‘n, “Oliv thinghing, ga pha leh hoi,” ti min a hun sak ah. Ahi’n, tu’hin vang van-gi tawh mei in hun hâl intin, a bakte chu kâng tum ta’n a.

JEREMIAH 13:14

chuleh, amau chu kisuktua sak ing ka tin, nu leh pa chu a chateu tawh, ti’n Lalpa‘n a gen hi. Amau ka suksiat phat leh lainatna nei pua’ng ka tin, khat chale hawi lo ding ka hi, ti’n vagen in,” ei ti tai.

JEREMIAH 16:5

Lalpa‘n zia gual hin a gen a: lusûnna In ah lut kin la, a sûn ding inle chia kin la, amau ziak inle lungkham him him kin; zia mite lak ah kipat hin ka thamuanna, ka ngilneina leh ka lainatnate chu ka lakmang ahi ta’ngal a, Lalpa‘n a tii.

JEREMIAH 25:37

Lalpa lungnatna huaisia tak ziakin, huang nuam tak te chule suksiat ahi tai.

JEREMIAH 4:22

“Ka mipite chu a ngol ziak un, ei he’pha pua’n au; chapang mawl a hiu ah, hiatthiamna neilote a hiu; thil phalo bawl dan a thiam ma mau ah, thilpha bawl dan vang a hepuau hi”.

JEREMIAH 8:7

Vanlaijawl ah tuivakang in bawn, a hun ding a kihiat ah; vapâlte, pialpîmte leh tuiva te’nle, a hung hun ding chiat uh a kihiat thei un; himaleh, ka mipite’n vang, kei a Lalpau dan thuguatte hi a hepuau hi.

EZEKIEL 19:12

Himaleh, thangtawmna ah bawdaw in a um ah, lei tual se’na’n mat ahi; sualam hui in a mût keu in, a gate chu heu in a um ah, a kung det chu a keugawp ta’n; mei in a kâng tum tai.

EZEKIEL 20:47

Negeb gammâng kiang in, Lalpa thugen hi ngai un: Lalpa Pathian in zia gual hin a gen hi: La lak un mei hun sêm ing ka tin, zia mei chun la lak ua thinghing hi’n, a keu hileh kâng tum in ah; zia meikuang chu mit pua’n tin, simlam ah kipat mallam tiang ah mite maichang zosia kâng ta’n a.

EZEKIEL 9:10

Ke’n vang kimulosak pua’ng ka tin, daidawp diak pua’ng ka; a thilbawl dungzui un a luchung un tunsak zaw ta’ng ka,” a hun ti tai.

HOSEA 4:14

La chanuteu nawchi man leh, la moteu a ângkawmnau chu gawt pua’ng ka; pawsalte le nawchizuakte tawh a kipui chuam un, tempul ah nawchizuakte tawh a kithawi khawm un; tichun, hetthiamna neilote chu a puksia tau hi.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

MATTHAI 13:15

Zia mite lungchang hi a ngong zo ta’n, a bengteule a ngong zo tai, a mit uh a sîng un, achutiloleh, a mit un en in mu kha’n tiu in, a bil un he kha’n au; a lungthim un hethiam intiu in; hung kihei kik kha’n tiu in; amau a la hi’dam kha’ng ka, a ti kha.

MATTHAI 13:19

Kuale, gam thu chu bil ah he’, hethiam lo chu buchi lampi pâm ah ketha tawhbang ahi. Migilopa chu a hung ah, amau ah chi kitu chu a hung lâkmang piak sek hi.

MATTHAI 3:10

Heicha chu thingbul tin in a koi tau hi; ga pha sua lo taphot phûk in mei ah pai lut ding a hiu.

JOHAN 15:6

Mi keima ah a um zing lo chun, bâk gual ah sâtthâk ah um in, a hung vuai sek hi; tichun, a chomkhawm un, mei lak in a pai lut un, a kâng sek hi.

ROMTE 1:28

Chun, Pathian het a nop lo ziak un, thil mêlpha lo tak tak bawl ding ah a doi lo gual lungthim nei phal in, Pathian in a kihei mangsan tai.

ROMTE 1:31

ngolnate, ginumlote, lungthim beite leh mihuhamte a hi tau hi;

DAN LEKHABU 4:6

Chingthei tak ah la zui ua leh, namdangte mit mu ah la pilnateu leh la hetthiamnau tâklat ah um in, zia dan thuthungte hi a het phat ua leh, “Zia nam thupi tak hi nam pil leh hetthiamna nei mi ahi ngei uh hilam e!” hun ti’n au.

1 THESSALONITE 2:16

amau chun, Jentelte kiang ah hukhin a hitheina ding ua thu gen ei khâm ui. Tichun, a gitlo te’nau a hi’dim zing un; himaleh, Pathian lungnatna chu a chung un a hung tung tai.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.