ISAI 27:10 - PATHIAN LEKHABU THIANGTHO (BSI)

¹⁰ Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 27:10 ပူးပေါင်းရင်းမြစ်များ

ISAI 17:2

A khawpiteu chule kumkhua nutsia hung hita’n au; gan honte tatna mun hung hi’ntin, kuama a naw lau ding umlo ah, thamuang tak ah a kualna mun uh hung hita’n a.

ISAI 17:9

Zia ni phat chuleh, a khawpi detteu chu Hivte leh Amor mi te’n Israelte ziak ah a nutsianau munte gual chu hung hi’ntin, a hawm ah nutsia hita’n au.

ISAI 24:10

Buaina khawpi chu suksiat a hita’n, In zosia chu kuama lut thei talo ding ah, kamchak suak ahi tai.

ISAI 25:2

Nang in khawpi chu thilsia kisung vûm in la siam ah, khawpi kul ah ki-ûmte chule la hisia’n; mêlmate lal In haw chu khawpi hita lo dingin la siam ah, tundin kit hita pua’n au.

ISAI 32:19

Chuleh, gammâng sukdai hi’ntin, tichun, khawpi chule nuaisia in um ta’n a.

ISAI 35:1

Gamthip leh gam gawchâk chu hung lim ta’n tin, gamkeu chu kipak in hung lûn kit ding ahi; sahei gual in,

ISAI 49:21

Ziaphat chuleh, la lungguk in, “Ziate haw hi kua ei hun hinpiak a hitau em? Kei chu la chate sûn ah cha nei theilo, sal ah pui mang ah um leh, naw mang ah um ka hita’n, a leh, ziate haw hi kua’n a la kaitua ahi tam? Keima ngawn ah nutsia in ka la um ah, ziate haw hi khoi tak ah hung kipan a hiu em?” hun ti ta’n lau.

ISAI 64:10

La khawpi thiangthote chu gamthip a chang zo tau a, Zion chu gamthip a suak ta’n; Jerusalem chu a hawm ah nutsia ahi tai.

ISAI 7:21

Zia ni phat chuleh, mi pakhat in bawnglâ khat leh belam pani a vul chun,

ISAI 7:25

chuleh, tâng gam tudâl ah a kãl seknau munte kha, hampa lingnei leh khauguite huphulna ziakin, lou ah bawl lo hung suak ta’n tin; bawng hon leh belam hon thâjanna mun hung hizaw ta’n a.

JEREMIAH 25:37

Lalpa lungnatna huaisia tak ziakin, huang nuam tak te chule suksiat ahi tai.

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 26:6

ziaphat chuleh, zia In hi Shilloh gual in siam ing ka tin, zia khawpi hi lei chung nam zosiate hânsia dong in siam ding ka hi, ti in.

JEREMIAH 52:27

Chuleh, Babulon Lengpa chun zia zosia chu Hamath gam ah Riblah ah chun a that sik sek tai. Chutichun, Judai gam ah mite chu a gam paw lam un sal ah puimang in a um zo tau hi.

KÂ LATE 1:4

Zion zotna lampite chun a sûn ui, kuama kût mang ding a chia tâk lo ziak un; a kul kotkhak zosiau a thawmhau ta’n, a thiamputeu le a thûm tau; a nungakteu a lungkham tau a, a vang uh a se ta luai.

KÂ LATE 5:18

Zion tâng a châkvai tâk ziakin, si-alte a chung in a ta zo tau hi.

EZEKIEL 36:4

ziaziakchun, Aw Israel tâng sangte haw, Lalpa Pathian thugen hi a la ngai tiam un: Lalpa Pathian in mual leh tângte, luite leh guamte chomnâm ah um leh nutsia ah um khawpite, a kîmvêl ah nam zosia suam gam leh nuisan ah hung umte kiang in:

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.