ISAI 26:8 - PATHIAN LEKHABU THIANGTHO (BSI)

⁸ Aw Lalpa, la vaihawmna lampi chun, nangma chan bep ka la ngâk ui; la min leh la minthanna chu ka thangai pen uh ahi.

ISAI 26:8 ပူးပေါင်းရင်းမြစ်များ

2 SAMUEL 23:5

Pathian âng in ka Insung mi chu zia gual hi hilo a hem? Ama chun kei tawh kumtuang dai ding thuthung a siam ta’n, bangkim kitup leh det tak in a um tai. Ka thangai leh ka lungtup zosia chu, ama’n ei lawtinsak lo ding a hem?

SAM 106:3

Vaihawmna dik zuite chu mi hampha a hiu in, bangtik lai ah le dik tak ah bawl zingte ngei chu.

SAM 130:5

Lalpa chu ka ngâk ah, ka thagau in a ngâk zing ah, a thu ah kinepna ka nei in;

SAM 18:23

A âng ah demna bei ka hi’n, diklona lak ah kipat in ka kikoi kâng sek hi.

SAM 42:2

Ka hinna Pathian thangai in, Pathian hing ngai in a dangchâk hi. Bangtik leh Pathian kiang tung in, a mêl ka mu diam maw?

SAM 65:6

La tha hâtna’n tângte chu la phudet ta hen; hatna’n la tâi la gâk tai.

SAM 73:25

Van ah nang lo’ngal kua a hem ka nei? Lei ah le nangsâng ah ka doizawk a um puai.

SAM 84:2

Ka hinna’n Lalpa biak In huang sung chu a ngaina hen, a chau pha hial tai; ka thinlung leh ka phe hi, Pathian hing kiang ah chun kipak in a kikodok tai.

PAWTDAWNA THU 3:15

Pathian in Mosi kiang in: “Israel mipite kiang in zia gual hin gen in: JEHOVAH la pu, la pateu Abraham Pathian, Isak Pathian leh Jakob Pathian chun la kiang un ei sawl ka hi. Zia hi kumtuang ah ka min chu ahi’n; zia gual ah hin khang zosia tiang ah hetzing ah um ding ka hi.

SOLOMON LÂ 5:8

Aw Jerusalem ah nungakte haw, ka lawmnu chu la muu leh, zia hi ei hun gen piak dingin, ka hun ni la hiu: Ama ngai ah thakhamvei ka hi.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 24:15

Ziaziakchun, sualam ah mite chun, Lalpa chu choihoina piau inla, tuisuagiat pangjul ah gamte’nle Lalpa, Israel Pathian min chu chawihoi tau in!

ISAI 25:1

Aw Lalpa, nang chu ka Pathian la hi; la kumtuang lemguatna ginum leh thutak in la tuansua ah, thil lamdang tak la bawl ziakin, la min pâk in, hun chawihoi ing ka.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 26:13

Aw Lalpa, ka Pathian uh, nangma tilo hotu dangte’n, ka chung un vai a hawm un, maleh, nang min bep suang ing kau.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 33:2

Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 49:23

Lengte chu la pateu hung hita’n tiu in, lengnute chule a hun dontu la nuu hung hita’n au. La ma-âng un lei tual si hial in hung bokkhup intiu in, la kengpêk ua leivui nasan, hun liak thian piak ta’n au. Ziaphat chuleh, Keima hi Lalpa ka hi ti hun he ta’n lau; keima ei ngâkte chu mualpho ngai ngai pua’n au.

ISAI 51:4

Ka mipite haw, ka thugen ngai unla, ka nam têlte haw, ei ngaisak tiam un; keima ah kipat in kihilna hung pawt intin, ka vaihawmna thu le mi tinte salvâk dingin, hung pawt in a.

ISAI 56:1

Lalpa chun zia gual hin a gen a: Thu dik in vaihawm unla, dik tak in bawl un; ka hukdamna chu hung tung pai ta’n tin, ka hukdawna chule hung kilang pai ziang ding ahi ngal a.

MIKAH 4:5

Chitinte’n amau pathian chiat zui ta ding ahi ngal un; ei hawn vang, Lalpa, I Pathian min un, kumtuang kumtuang in zui tai tiu.

MIKAH 7:7

Ke’n vang, Lalpa lam en zing ing ka tin, ka hukdamna Pathian chu ngâk zing ing ka; ka Pathian in ei ngaitha ding ahi.

MALAKI 4:4

Ka suakpa Mosi zilsakna leh Horeb tâng ah Israelte â ding ah ka thuguatte, ka dan thute leh ka thupiakte kha hezing un.

KISIMNA LEKHABU 36:13

Ziate hi Lalpa chun Israelte â ding ah a thupiak leh a dan thu guatte, Moab phâicham, Jordan lui pang ah, Jeriko khaw zawn ah Mosi khut ah a piakte chu ahi.

LUKA 1:6

Amau nupân chun Lalpa thupiakte leh sep ding ah umte chu kitûp tak ah a sep ziak un, Pathian mit mu in midik leh demna umlo a hiu a.

NASEPTE 1:4

Amau tawh a um khawm lai un, a kiang un, “Jerusalem khua hi nusia kiu in la, Pathian thil tiamsa, la kiang ua ka la gen la het tâk uh kha ngâk zing un,” ti’n thu a pia.

ROMTE 8:25

I mu nailo I kineppiu chun, zia chu gunchu tak in I ngak ham ham sek ui.

2 THESSALONITE 3:5

Chun, Lalpa‘n la lungthim uh chu Pathian hepina leh Khrista detna ah chun hun pui lût ta hen.