ISAI 26:7 - PATHIAN LEKHABU THIANGTHO (BSI)

⁷ Midiktatte lampi chu a nâm ah, Nang Midikpa chun midikte lampi chu, la hi’ngil piak sek hi.

ISAI 26:7 ပူးပေါင်းရင်းမြစ်များ

1 KHANGTHU 29:17

Ka Pathian, nang in lungthim lam la enchian sek in, dikna la kipakpi hi ti ka hia’i. Ka lungthim dik tak ah zia thil zosia hi kiphal takah ka hun piak ahi; chuleh, tu’hin, la mipite hinle kipak tak leh kiphal tak ah a hun piak uh ahi ti ka mui.

JOB LEKHABU 31:6

bûkna dik tak in ei te’ unla, Pathian in ka dik zia he hen!

SAM 1:6

Lalpa‘n mi dikte lampi chu a entha zing in, mi nunsiate lampi chu vâng mangthai ding ahi.

SAM 11:4

Lalpa chu a tempul thiangtho in a um a, Lalpa lalchutpha chu van ah a um hi. Mihing chate a mit in a entha zing in, a patep zing hi.

SAM 11:7

Lalpa chu a dik ngal ah; dik tak ah nasep dawte a ngaina’n, mi diktatte’n a mêl mu ding a hiu.

SAM 25:4

Aw Lalpa, la lampite chu ei hetsak inla, la lampite chu ei hil ta’n.

SAM 25:5

La thutak ah chun ei pui inla, ei hil ta’n; ka hukhinna Pathian chu nang la hi’ngal a; nitum in ka hun ngâk zing hi.

SAM 27:11

Aw Lalpa, la lampite ei hil inla, ka mêlmate ziak ah hin lamphei ah ei pui in.

SAM 5:9

A kam un ginumna a um pua’n; a lunggil uh siat bawlna ngen ahi’n; a gawl uh thân kihongsa ahi’n; a lei un mi a lêm in a pâkcha sek ui.

THUPILTE 11:5

Demna bei mi chu a dikna chun lampi zang ah pui zing intin; ahi’n, mi nunsia chu amau nunsiatna ma ma in kipûk in au.

THUPILTE 20:7

Midik, dem kâi lo ah um, ama dungsûn a chate chu mi vangpha a hiu!

THUPILTE 21:8

Midiklote lampi chu a kawi in, mi lungthim thiangte lampi chu a zang hi.

THUPILTE 3:6

La lampi zosia’n ama dong zing le chin, ama’n la lampi hun siamzan piak in a.

THUPILTE 4:18

Midikte lampi chu vang jingkal khawvak, sûn a hung hi masia a vâk phat deu deu gual ahi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 35:8

Zia tak ah chun lam tuangpi hung kithung intin, “Lamlian Thiangtho” ti hi’n a; mibuakte chun zia lamlian chu haw pua’n tiu in, Pathian mite â ding bep hita’n a. A haw tapo ngaituana bei nasa’n, gam mang pua’n au.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 52:12

Kinaw tak ah la chiau ngai pua’n tin, lauthawng ah taidaw le ngai pua’n a; Lalpa chun la mau pui intin, Israelte Pathian chun la nung uh, hun dâl ding ahi ngâl a.

ISAI 57:2

lam dik ah chiate chu a thamuang un, a lupna chung unle chawldam in au.

JEREMIAH 10:23

Aw Lalpa, mihingte hi a nop dan dan ua, umthei ahi puau ti ka hia’i, mihing thitheite hin a um ding dan tak un, a kãl uh a suan thei puau hi.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

ZEPHANIAH 3:5

A sung ua um Lalpa chu a dik a; diklo a bawl ngai puai. Jingkal si’n ah a vaihawmna chu, phalvak si’n ah thawn lo in a sulang a; himaleh, midiklote’n vang zachâtna châng a hepuau hi.

1 KORINTH 4:5

Chutichun, a hun masang in bangma genchian kiu in; Lalpa chun thim ah thil sêlgukte chu vâk ah hun tâkdok intin, lungthim ah tupnate le hilang in a. Ziaphat chuleh, mi zosia’n Pathian ah kipat pakchak law chiat ta’n au.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

EPHESA 2:10

Thilpha hi’ding ah Khrista Jesu ah chun siam ah um in, ama khutsuak I hingal un; zia thilpha hi’ chu I khawsak dan ding ua Pathian in a siamkholsa ahi.

1 JOHAN 3:10

Zia hin Pathian chate leh diabol chate chu tâklat ahi: thil diklo bawl taphot chu Pathian ah kipat ahi puau in, a suapite hepilo taphot chule ahi diak puau hi.

1 JOHAN 3:7

Naute haw, kuama’n hun thêm zo kiu hen. Thil dik bawl taphot chu ama a dik gual in, midik a hiu.