ISAI 26:6 - PATHIAN LEKHABU THIANGTHO (BSI)

⁶ Migentheite leh mi vaichate keng ah tawden a, pal lumlet in um ta’n au.

ISAI 26:6 ပူးပေါင်းရင်းမြစ်များ

2 LENGTE 9:33

Ama chun, “Amanu chu hun sawn thau in,” a tia. Tichun, a hun sawn thauah; a thisan chu Inbâng leh sakolte chung in a kithe’nât suk ah, sakolte chun a hun childên tau hi.

ISAI 11:4

himaleh, dik tak in migentheite vaihawm piak intin, lei ah mi nunnemte le kibang chiat in, thutanna bawl piak ta’n a; a kam ah mol chun lei hi jep intin, a mûk ah hû chun mi nunsiate that in a.

ISAI 25:10

Zia tâng ah hin Lalpa khut chu, kichawl den ta ding ahi ngal a. Bupawl buaksia khûk ah chotchil ahi gual in, Moab mite chu a umna mun un chotchil in hung um ta’n au.

ISAI 28:3

Ephraim zukhamte kiletsakpi, pakcha lal lukhuk chu a keng in chuan dên ding ahi.

ISAI 29:19

Mi nunnem chun Lalpa ah kipat kipakna thak chang intin, mite lak ah migenthei chunle, Israel Mithiangtho ah chun lim ma ma ta’n a.

ISAI 3:14

Lalpa‘n a mipite lak ah upate leh, lal chate chung thu vaihawm dingin a lût hi; grep huan ne zo chu nang uh la hiu a, gentheite suam gam chu, la In sung ua umte ma a hiu.

ISAI 3:15

Migentheite la gawtnawi un, ka mipite la khet gawp uh chu, bang la ti’nau ahi em? Sepai honte Lalpa Pathian in a tii.

ISAI 37:25

Tuikulte ka cho in, a tuite ka dawn tai; ka kengpêk in Aigupta gam ah, luicha tui zosia ka chuan kang tai, la ti hen.

ISAI 60:14

Nangma hun sugentheite suan leh pâkte chule, la kiang lam ah chun a boksa’n hung ta’n tiu in; chuleh, nang a la musit zosia kha, la kengbul ah hung bokkhup ta’n au; ziaphat chuleh, nangma chu Lalpa khawpi, Israel Mithiangtho Zion, hun ti ta’n au.

JEREMIAH 50:45

Ziaziakchun, Babulon do-na ding ah Lalpa thil guanggal leh, Kaldaite gam do-na ding ah a thil tupte hi ngaituau in: Matheilo in gan hon lak ah a note chu kaimang hung hi’n tiu in, gancha huang chu lauthawnsak ta’n a.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

ZEPHANIAH 3:11

Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

MALAKI 4:3

Migilote chu tawden ta’n lau; zia ka hun bawl guatna ni ah chun amau chu la kengpêk nuai ua leivui gual bep hita ding a hiu, sepai honte Lalpa chun a tii.

LUKA 10:19

Ngai un, gûlte, ainuvette chotden theina leh mêlma chung ah thuneina ka piak la hiu; bangma’n hun hi’liam thei pua’n au.

ROMTE 16:20

Tichun, chamna Pathian chun Setan chu la kengpêk nuai un chuan jawt vak ta’n a. Lalpa Khrista lungsiatna chu la kiang un um ta hen.

1 KORINTH 1:26

Unaute haw, a hun kona hi ngaitua tiam un: taksa lam ah mipil, mi thilhithei leh mi lopite ko a hilo dan uh hi.

JAKOB 2:5

Ka suapi doitakte haw, ngai un. Pathian in zia khawvel ah gentheite hi ginna ah hausa ding leh, a hepite kiang ah a tiam lenggam chu lua ding ah a têl hilo a hem?

JOSHUA 10:24

Zia Leng pangate chu Joshua kiang ah a hun pui tung phat un, Joshua’n Israelte zosia chu a ko khawm ah; chuleh, a gâl kuanpite lak ah hotute kiang ah chun, “Hun nai unla, zia leng pangate ngawng hi la keng un chuan den un,” a tia. Tichun, a hun nai un, a keng un a ngawngcheng uh a chawt dên piak tau hi.

THUPUAN 2:26

A zotu leh a tawp tiang ah ka nâte sêmpha zingte kiang ah chun: Namte chung ah thuneina pia’ng ka tin,

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.