ISAI 26:3 - PATHIAN LEKHABU THIANGTHO (BSI)

³ A lungthim nangma chung bep ah nga’n, nang bep hun taksangte ngei chu, thamuanna dik tak piak hi’n au.

ISAI 26:3 ပူးပေါင်းရင်းမြစ်များ

1 KHANGTHU 5:20

chuleh, amau in panpi’na a mu phât un, Hagar suante leh a kithuapi zosiau chu a khut ua chun piak in a um tau a; kido’na chun Pathian kiang in a kiko ua, ama a muan ziak un, ama’n a dotnau a lawtin piak ta ahi.

2 KHANGTHU 13:18

Tichun, Judah mipite chun a pu leh a pateu Pathian, Lalpa a kisuanpi ziak un, Israelte chu zo in a nuaisia tau hi.

2 KHANGTHU 16:8

Ethiopia leh Lubiate sepai tam tak tawh, sakol kângtalai leh a chung chuang mi tam dan huaisia takte kha hilo a hiu em? Himaleh, Lalpa ah la kingak ziakin la khut in a hun pia ahi kha.

SAM 119:165

La dan ngaina mite chun, thamuanna nasa tak a nei ui; bangma’n a kipal pûksak thei puai.

SAM 125:1

Lalpa muang mite chu Zion tâng, suklîn gual lo, kumtuang ah um zing ding gual chu a hiu in.

SAM 9:10

Chuleh, la min hete chun a hun taksang un; aw Lalpa, nang in vang a hun hawlte chu la kilepsan ngai puai.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 26:12

Aw Lalpa, kei uh â dingin, thamuanna chu hi’det ding la hi’n; nangma’n ka thilbawl zosiau, lei sukpitin piak ta’ngal a.

ISAI 27:5

Ahiloleh, a bitna ding un, ei hung bêl vânglak ziang uh hen la; Ka kikâl un kilemna hung bawl uh hen.

ISAI 31:1

Aiguptate panpi’na hawl ah chiasukte, sakol hatna kisuanpite, sakol kângtalai tam ziak ah kimuangte, sakol hat ma ma te muang ah, Israel Mithiangtho ngaisak lo leh, Lalpa ngaisaklote chu, a chung uh a gik na lawm lawm e!

ISAI 32:17

Dikna ziakin thamuanna um intin, dikna ziakin thamuan hiat hiatna leh, kumtuang ah taksanna um zing ta’n a.

ISAI 32:18

Ka mite chu chênna mun muang ah, bit tak ah chêng in, chawldam um tak in chêngden ta’n au.

ISAI 42:19

Ka suakpa sâng ah mitthûm zaw leh, ka tângsam ah ka hun sawlpa sâng ah, bengngong zaw kua a hem um? Ka mi têlchuam gual ah mitthûm leh, Lalpa nasempa tuk ah mitthûm a um em?

ISAI 42:6

Keima, Lalpa chu ka hi’n, dikna’n ka hun ko in, la khut in ka hun tûk in, ka hun vêng bit hi; nam tinte â ding ah thuthung hiding in ka hun pia’n, namtin salvâk ding leh,

ISAI 48:2

Khawpi thiangtho min ah kiminvua te, Israelte Pathian ah kinga ah, la kisaktheipi ma mau chu; a min, sepai honte Lalpa ahi.

ISAI 49:8

Lalpa‘n zia gual hin a gen a: Doisakna hun in ka la dawnhu a, hukdamna ni hin ka hun panpi tai; gam nutsia sa lua kit ding leh, go ah lua ding gam chu hawm piak dingin, nam tinte â ding ah thuthung gual in, hun pia ding ka hi.

ISAI 50:1

Lalpa‘n zia gual hin a gen a: La nuu ka la nolna lekha khoi ah a um em? Kua kiang ah ka bat ditna ding ah ka piak a hem? Ahipuai, la gitlona ziak un kizuak mang la hiu a, la thil bawlkhialnateu ziak ah la nuu chu, naw mang a la hi tai.

ISAI 50:10

La lak ua kua’n Lalpa kicha, a suakpa thu ngaitha, vak nei lo ah thim nuai ah chia a, Lalpa min suang zing ah, a Pathian ah kinga zing la um awm?

ISAI 66:12

Zia gual hin Lalpa‘n a tii: Ngaitia, a chung ah vangphatna chu, lui gual in hun luan jaksak ing ka tin; namtin hausakna chu lui luanglet gual in, hung luang lut ta’n tin; nawi gual in chêp ta’n la tin, nang hun enkol ah a khut ah hun pâi in, a khup chung ah kichopsak in um ta’n la.

JEREMIAH 39:18

Matheilo in hun hukdok tei ding ka hiziak in, chemjam ah thâlup in um pua’n la; keima lei ginchâk ziakin la hinna chu gâl lâk ah taidok gual in um ta’n la, Lalpa‘n a tii, ti in.

DANIAL 3:17

Aw lengpa, a na ka sep uh Pathian chun meipi kuang lak leh nangma khut ah kipat ei hukdok thei ahi chun, ei hukdok mai hen.

DANIAL 3:28

Nebukadnezar in, “Sadrak, Meshak leh Abednegote Pathian chu pâk in um ta hen! Ama’n a vansawlchâk hun sawl in, ama muangah a nasêmte, lengpa thupiak le jalo ah a Pathian uh tilo pathian dang nasep leh ho sâng ah, a taksau pedok ngam zaw te chu meipi lak ah kipat in a hukdok ta’ngal in.

DANIAL 6:23

Ziaphatchun, lengpa a kipak ma ma ziang ah, kul sung ah kipat Danial ladok dingin thu a pia tai. Tichun, Danial kul sung ah kipat in a ladok tau ah, a Pathian gin ziakin liamna neuchale a nei puai.

MIKAH 5:5

Chuleh, ama chu I kichamnau hita’n a. Assuriate’n I gam uh a hung sim ua, I lei chang uh a chotden phat uh leh, ei un amau do dingin belampu pasagi leh, vaihawmtu pagiat tungdok hitiu.

JOHAN 14:27

Thamuanna ka nutsia piak la hiu; keima thamuanna ngei chu ka hun piak la hiu; khawvel in a hun piak gual in ka hun pia puai. La lungthim uh lungkham ki’hen la, lau le lau diak ki’hen.

JOHAN 16:33

Keima ah thamuanna la neitheina ding un, zia thute hi ka hun hil la hiu. Khawvel ah hin gim genthei thuak in lau. Himaleh, thamuang tak in um un; keima’n khawvel ka zo tai,” a tia.

ROMTE 5:1

Ziaziakchun, ginna ziak ah thiamchang ah um in, I Lalpau Jesu Khrista jal in, Pathian tawh kicham in I um tau hi.

PHILIPPI 4:7

Chutichun, Pathian thamuanna, ngaituana’n a het zaw gual lo chun, la lungthim leh ngaituanateu chu Khrista Jesu ah chun venbit piak in a.