ISAI 26:16 - PATHIAN LEKHABU THIANGTHO (BSI)

¹⁶ Aw Lalpa, lungdonni’n a hun hawl un, la thununna a chung ua a tun phat leh, la kiang ah pauchapna a sungtha sek ui.

ISAI 26:16 ပူးပေါင်းရင်းမြစ်များ

SAM 142:2

A ma-âng in ka buaina ka tut in, a ma-âng in ka lungjinna thu ka hetsak hi.

SAM 27:8

Ka lunggil in, “Hung inla ka mêl hung hawl in!” a ti’n. “Lalpa, la mêl ahi ka hawl,” ka ti’n.

SAM 42:4

Ka hinna ka butthâk phatin, zia thilte hi ka hun he tai: mipi tawh kiton ah, limna leh pâkchâtna gi tawh, mi tam tak kût ni Pathian In zuan ah, ka pui lai hunte kha.

SAM 50:15

Lungdon ni’n ei ko lechin, hun hukhing ing ka tin, tichun, nang in ei chawihoi ding la hi!

SAM 77:3

Pathian ka vak ngaitua ah, ka thûm ta mai ah; ka lung ka gêl det det leh, ka thagau a basam hi.

SAM 78:34

Amau lak ah khenkhat a tha phatin ama a hawl un; a kisik un, gunchu tak in Pathian a hawl ui.

SAM 91:15

Ei hun ko phat uh leh dawnhu ing ka; a lungjin lai un umpi ing ka tin, hukdok in chawisâng ding ka hi.

ISAI 37:3

Isai kiang in zia gual hin a vagen tau a: “Hezekiah in zia gual hin a gen hi: Tu’ni hi lungkhamna, vauna leh simmaw ah umna ni ahi; chate hung piandaw hun chu a hita’n; ahi’n la, a piansakna dingin tha leh zung a um ta puai.

JEREMIAH 2:27

thingbul kiang ah, “Ka pa la hi,” tite leh, suangtum kiang in, “Nang ei hin ka hi,” tite zosia chu zakcha’n au. A mai lam uh ei ngat lo in, ei nungngatsan zaw tau ah; a buai phat uh leh, “Hung kipan inla, ei hukdok in,” a ti sek ui.

JEREMIAH 22:23

Aw, Lebanon tâng sidar thing lak ah bû sia ah chêngpa, la chung ah natna a hung tun ah, numei nauvei natna gual, la chung ah a hung tun phat leh, bang gual ah thûm in la tâu ta diam!

JEREMIAH 29:12

Ziaphat chuleh, lei ko ua, ka kiang ah la hung pauchap uh chun, hun ngaitha ding ka hi.

KÂ LATE 2:19

Jankhang lai leh janvên lim ah kipat in thodok unla, kap tau in! Lalpa âng ah la lungthim uh, tui gual in luan dawsak un! Kotzing kil tin ah gilkial ah, basam la chateu hinna dingin, la khut uh a chung un jak in!

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

HOSEA 7:14

A lunggil tak un ei ko puau a, a lupna chung ua thûm mai mai a hiu; a bu leh uain â ding ah amau kisuliam ahi zawu hi; ka chung in a hel zing ui.

KISIMNA LEKHABU 21:7

Mipite Mosi kiang ah hung in, “Lalpa tawh nangma ka gensiat uh hi ka la hi’khial tau; gûl haw hi la mang dingin Lalpa kiang ah ei dot piak in,” a tiu a. Tichun, Mosi chun mipite a dot piak tai.

THUPUAN 3:19

Ka lungsiatte chu ka gai sek ah, ka thunun sek hi; ziaziakchun, phatchuamngai inla, la lung hun hei ta’n.

VAIHAWMTE 10:15

Chun, Israelte’n Lalpa kiang in, “Ahi puai, thil ka bawlkhial ma mau hi; pha lasak dan dan in ka chung un bawl mai inla; ahi’n, tu’ni hin ei hukdok in!” a ti tau a.

1 SAMUEL 1:15

Himaleh, Hannah in, “Ka hipuai ka Lalpa; numei lungkham talua ka hi; zu leh khamthei thil ka dawn pua’n, Lalpa kiangah ka lunggil sungah umte ka gendok a hizawi.