ISAI 26:11 - PATHIAN LEKHABU THIANGTHO (BSI)

¹¹ Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 26:11 ပူးပေါင်းရင်းမြစ်များ

JOB LEKHABU 34:27

ama nusia ah, a dante a ngaisak lo ziak un,

SAM 10:12

Aw Lalpa, hung kipan in; aw Pathian, la khut hun lâm in; chotden ah umte hemil kin.

SAM 21:8

La khut in la mêlmate zosia mai dok sik sek intin; la khut changlam in nangma do zosia mai dok suak in a.

SAM 28:5

Lalpa nasepte leh a khut thilbawlte, a limsak lo ziak un; tundin kit tâk lo dingin, khen chim den ta’n a.

SAM 78:63

A tangvalteu chu mei in a kâng tum a, a nungakteu in kichenna La ding a nei ta puau hi.

SAM 86:17

Lei doichuamna tepte’na chu ei etsak inla; tichun, ei mudate chun a muu ah, a mualpho theina ding un. Lalpa, ei panpipa leh ei thamuanpa chu, nangma la hi.

PAWTDAWNA THU 9:14

Tu’chung ah ka hun gawtna ding hi nangma leh la miliante leh la mipite zosia chung ah tunsak ding ka hi; chutichun, keima gual hi lei chung zosia ah hin a dang umlo ahi ti la hettheina dingin.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

ISAI 10:17

Israelte Vâk chu mei gual hung hi’ntin; a Mithiangtho uh chule meikuang gual hung hi’n a; tichun, a ling leh a khauguite chu, ni khat sung in hun kâng tum ta’n a.

ISAI 11:13

Ephraimte îtsîkna chu hung bei ta’n tin, Judate huatna sât thâk in um ta’n a; Ephraim in Judah thangsia ta pua’n tin, Judah inle Ephraim haw ta pua’n a.

ISAI 18:3

Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 37:32

Jerusalem ah kipat a thibang sunte hung pawtdok intiu in, Zion tâng ah kipat a suakcha honting tak pawtdok in au; sepai honte Lalpa phatchuam ngaina chun zia chu bawl ding ahi.

ISAI 42:13

Sepai hangsan tak gual in Lalpa chu a kipan in, gâldo ah kuan gual in a kihântaw hi; a kiko in, ngai tak in a kiko hi, a hat dan a gâlte chung in a etsak tai.

ISAI 44:18

Amau chun bangma a hepuau ah, hettheina le a nei puau hi; khua a mu theilona ding un a mit uh a sîng un; a het theilona ding un a lungthim uh chule hithim piak a hiu.

ISAI 44:9

Milim siamte chu bangmalo mai mai a hiu in, a thil ngaisân ma mateu chunle phatchuamna a nei puai; a hiatpituteu chunle bangma a mu puau ah, het le a hepuau hi. Tichun, mualphona bep tuak in au.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 59:17

Diktatna chu awmphaw gual in a âk a, a luchung in hukdamna thîk lukhuk a khuk hi; phuba lâkna chu sil leh chên gual ah, kithuamna’n a mang a, hachang thakna chun a kithuam hi.

ISAI 60:14

Nangma hun sugentheite suan leh pâkte chule, la kiang lam ah chun a boksa’n hung ta’n tiu in; chuleh, nang a la musit zosia kha, la kengbul ah hung bokkhup ta’n au; ziaphat chuleh, nangma chu Lalpa khawpi, Israel Mithiangtho Zion, hun ti ta’n au.

ISAI 63:15

La chênna thiangtho leh ja’um tak, van ah kipat in hun thîl suk in en tiam in. La phatchuam ngaina leh la hatna kha, khoilam ah um ahi tam? La lungthim ah lei ngainatna leh, lei khawtuana keima ah kipat hin lâkmang ahi tai.

ISAI 66:15

Ngai tiam u, a lungnatna chule hachangthak tak in, meikuang sunkhum gual ah vauhil dingin, Lalpa chu meikuang ah hung intin, a sakol kângtalaite chule, thigawpi gual hi’n a.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

ISAI 66:5

Nanghaw a thu lau ah kithing sekte haw, Lalpa thugen hi a la ngai un: Ka min ziak ah nanghaw hun hua, hun pâm pai la suapiteu chun; Lalpa chu chawihoi in um hen, la kipaknau ka mutheina ding un! a tiu a. Himaleh, amau a hiu chulam, mualpho tak ah um dingte chu.

ISAI 9:18

Mei in hampa leh ling a kât tum ah, gammâng nawngte a kât thian a, a meikhu van lam ah a kitun to gual in, nunsiatna chun mei gual in a kâng sek ngal a.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

ISAI 9:7

A thuneina khang jel intin, David lalchutpha leh a lenggam chun kichamna um zing ta’n a. Ama’n dikna leh thu tak ah tungding in tudet zing in a; tu’kipat leh kuamtuang tiang in. Sepai honte Lalpa phatchuam ngaina’n zia gual chun bawl ding ahi.

JEREMIAH 44:28

Chemjam ah kipat suakcha sunte chu, Aigupta gam ah kipat in Judah gam ah tawmcha hung kit in au; Judah mi nutsia ah um sun, Aigupta gam ah chêng ding ah hungte chun, kei thugen a hem, amau thugen guitung zaw a hem ti hechian ta’n au.

JEREMIAH 5:3

Aw Lalpa, thu dikna hawl hilo la hem? Amau chu la vaw ta’n, maleh khawk a sa puau a; la sawi ta’n, ahi’n la, a kisudik nuam puau hi. A maichangteu suangpi sâng ah tâk zaw’n a kisiam un, kile’kit a nuam puau hi.

MIKAH 5:9

La khut la mêlmate chung ah lek in la tin, la mêlmate zosia chu paithâk in um ta’n au.

MIKAH 7:10

Ziaphat chuleh, ka mêlma: “Lalpa la Pathian chu khoi ah um a hem?” ei tite chun mu ta’n tin, mualpho ta’n a. A pukna chu ka mit in mu’n tin; tu’hin chu lam dung ah buanthuak gual ah, chotden in um ta’n a.

MIKAH 7:16

Namtin in zia chu mun tiu in, a tatna zosiau ah zakcha ta’n au; a mûk uh hum intiu in, a beng uh ngong zo ta’n au;

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

LUKA 16:23

Mithi khua chun nat genthei tak thuak in a um ta’n; a dakdaw leh, gamla tak ah Abraham ângsung ah Lazar um chu a mu tai.

NASEPTE 28:27

Zia mite lung hi a la tâk ta’n, a bil uh a la ngong ah, a mitteu le a si’ng un, achutilo leh a mit un mu’n tiu in, a bil un hia’n tiu in, a lung unle he ta’n tiu in, kihei kit intiu in, Keima’n a la hi’dam kha ding ka hi, ti hi.

2 THESSALONITE 1:8

Pathian helo mi leh I Lalpa Jesu chanchinpha ginglote chung ah phuba a lâk ding chu;

HEBRAITE 10:27

vaihawmna lau um tak leh a dote kâng ding lungnatna mei chu um zaw ta’n a.

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

THUPUAN 19:20

Sahâng chu a man ua, jawlnei lêm a ma-âng ah thilmak bawl sek leh, sahâng tepte’na nei ding ah mi thêm zo sek kha, a paniu in mei leh kât ah kâng meidil ah chun a hing in a pai lut tau a.

THUPUAN 3:9

Juda tak hilo pi, juau thu Juda kitite, Setan lawi kikhopna pangsekte kha ka hun pia ahi; amau hun sawl ing ka tin, la kengbul ah kûn sak ing ka, ka hun hepi dan hi a hetna ding un.

1 SAMUEL 6:9

Chuleh, en zui un; Beth-shemesh lam a zot chun a gam lam uh zuan hi ding a hiu; ziaphat chuleh, zia gual ah natna hun tut hi ama ziak ahi ti kichian ta’nah; achutiloleh vang, ei gawt hi ama khut hilo ahi ti hetthei hin tin, a tung ding mawng ahi ti kihechian ta’nah,” ti in.