ISAI 26:10 - PATHIAN LEKHABU THIANGTHO (BSI)

¹⁰ Mi nunsiate chu doisak hi maleu, felna a zil nuam diak puau in; dik tak ah chêngte gam ah hin, lepchia tak in a bawl sek un, Lalpa ja’umna chule a mu ngai puau hi.

ISAI 26:10 ပူးပေါင်းရင်းမြစ်များ

2 LENGTE 13:6

Himaleh, Jeroboam Inkuan gitlonate, Israelte gitlona lampi chu a nusia diak puau ah, ziate chu a zui zaw tau in; dawikhuam chule Samari ah a um zing hi.

SAM 106:43

Tam veipi amau a hukdok ah, himaleh, a lemguat dungzui un, a chung in a kiphin tei tei nalai ui, a dukdak lonau ziakin sawt niam in a um tau hi.

SAM 143:10

La doilam bawl dingin ei zilsak in, ka Pathian a la hi’ngal a. La thagau pha tak chun lamphei ah ei pui hen.

SAM 69:27

A gitlonau ah chun gitlona belap piak inla; nang ah kipat in ngaidamna mu kiu hen.

PAWTDAWNA THU 8:15

Ahi’n, Pharaoh chun a thawveng tai ti a het phat in a lungthim a hikhau kit ah; amau chu a limsak nuam diak puai: Lalpa’n a la gensa gual in.

PAWTDAWNA THU 9:30

Himaleh, nangma leh la miliante hin vang Lalpa chu lau tak tak lo la hiu ti ka hechian hi,” a tia.

PAWTDAWNA THU 9:34

Himaleh, Pharaoh in gialte, guate leh van-gite chu a chawl tai ti a mu phâtin, a gilo zaw diak a; chuleh, ama tawh a miliante chun a lungthim uh a sutâk zaw diak tau hi.

THUPILTE 1:32

Mimawlte chiapetna chun thi’n la tiu in; mingolte lungawina chun hun hi’mangthai in a;

THUGENTU 3:16

Chuleh, khawvel ah hin thudikna ding mun ah phatlo na um leh, dikna ding mun ah siatna um ta mai chule ka mu hen.

THUGENTU 8:11

Thil phalo bawlte thiamlo chansakna, thutanna bawl pai ziang a hilo na ziakin, mihingte lunggil ah chun thil phalo bawl guatna a nei ta sek ui.

ISAI 1:21

Bangtidan ah khawpi ginum chu, nawchizuak hung suak ziang thei a dia aw! dik tak ah vaihawm sek leh, diktatna dim ahi siat tawh, tu’hin la tualthat a hita mai a!

ISAI 2:10

Lalpa lau umna leh a lalna, lopi tak ah kipat kisêlna dingin, suangpi bêl inla, leivui lak in kisêl in.

ISAI 24:5

Lei chu a sung ah chêngte sukbuak in a um zo tai; amau chun dan a botsiau ah, chawn dan a zui puau ah, kumtuang thuthung a bawsiat tak ziak un.

ISAI 27:13

Chuleh, zia ni phat chuleh, pengkul lian tak chu mût hita’n a. Ziaphat chuleh, Assuria gam ah matsua ah umte leh, Aigupta gam ah nawmang ah um zosia chu hung khawm in, Jerusalem ah tâng Thiangtho ah chun Lalpa hung ho ta’n au.

ISAI 32:6

Mingol chun ngolhuai tak ah thugen in, thil phalo ngen a ngaitua a. Lalpa doi lo lam ngen bawl leh gen in, gilkialte an a pe ngai puau a, dangchâkte dawn dingle a pe ngai diak puau hi.

ISAI 32:7

Michavaite chu chavai tak ah um in, thil phalo ngen a ngaituau a; migentheite siatna ding ngaitua’n zuau a gen un, mitasamte dikna thu le a le’lam in a heimang sek ui.

ISAI 5:12

tingtang, pekkhuang, lilu tawh uain limpi luaithe ah, kinoptel tak ah um sekte haw, Lalpa thilbawl ngaisak lo ah, a khut nasepte en ngailote chung chu a gik hi!

JEREMIAH 2:7

Gam pha tak ah a gate leh, a phatna chên dingin ka hun puilût la hiu, himaleh, la tun phat un, ka gam chu la supawlche tau a, ka gochan chu thil ki’dak um la sua tau hi.

JEREMIAH 31:23

Sepai honte Lalpa, Israelte Pathian in zia gual hin a gen a: A gam lam ua ka pui kit phat leh, Judai gam leh a khawpiteu ah chun zia gual paukam hi kimang kit ta’n a: “Aw, diktatna mun, Aw tâng thiangtho, Lalpa‘n hun maljawl hen,” ti in.

HOSEA 11:7

Ka mite chun ei nutsia gua’n a kiheimang tau hi. Chungnung Penpa chu ko maleu, ama’n a phong ding diak puai.

HOSEA 13:6

Amau ka vâk lai khan a vâ un, a lungkim ma mau a; a vâ phat un a lungthim uh a hung chapo ta’n; tichun, ei hemil kit ta mai sek ui.

HOSEA 9:3

Lalpa gam ah hin umden pua’n au; Ephraim vang Aigupta lam ah kile’kit intin; Assuria gam ah chun an thianglo ne ta’n au.

MIKAH 2:10

Kipan inla, chia in; zia tak hi kichawlna ding mun a hipaw ngal a, buakna a dim tâk ziak un, siatna huaisia tak in, nang uh le hun susia ding a hiu.

MATTHAI 4:5

Ziazaw chun, diabol chun khawthiangtho ah chun a pui lût a, Pathian Biak In sip zum ah chun a dinsak ah, a kiang in,

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

THUPUAN 2:21

A lungheina dingin hun chomkhat ka pia’n; himaleh, a thanhuaina kipat chun a lung a hei diak him him puai.

1 SAMUEL 15:17

Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.