ISAI 24:8 - PATHIAN LEKHABU THIANGTHO (BSI)

⁸ Khuangneu gitte a chawlnga ta’n, kipakna husa a thip zo ta’n, theile git le a thip zo tai.

ISAI 24:8 ပူးပေါင်းရင်းမြစ်များ

JOB LEKHABU 3:7

Ahi, zia jan chun kuama piang ki’hen la, zia ni’ chun kipakna husa him him gidok ki’hen.

JOB LEKHABU 30:31

Ka theile chu lusûnna’n a chang in, ka lilu git chu kâna aw’n a chang zo tai.

SAM 137:2

Huisûmte ah chun I tingtangteu I bâng sek ui.

ISAI 16:10

Lou mun thâichi phatna munte ah, kipakna leh limna lâkmang a hita’n; grep huante ah le La sakna a um ta pua’n, kuama a kiko ta puau hi; uain sûkna khûk ah kuama’n, uain a sûkdok ta puau hi; grep lâk hun ah kiko thawm a thip tai.

ISAI 5:12

tingtang, pekkhuang, lilu tawh uain limpi luaithe ah, kinoptel tak ah um sekte haw, Lalpa thilbawl ngaisak lo ah, a khut nasepte en ngailote chung chu a gik hi!

ISAI 5:14

Ziaziakchun, Sheol gilkialna a hi’pung un, te’ theilo ding khop ah lian in a kam a ka lian tai; Jerusalem ah miliante leh, a mipite leh ama ah khawhelo khop ah husa leh, kiletsakpi zosia chu a lût suk tau hi.

JEREMIAH 16:9

Israelte Pathian, sepai honte Lalpa‘n zia gual hin a gen ngal a: La damsung un la mit muu in, limna husa, mo lopna, mo thâkna leh kipakna husa him him zia mun ah kipat hin suthip ding ka hi.

JEREMIAH 25:10

Chuleh, a lak ua kipat limna husa, kipakna thil git leh mo neipa aw hihen la, mo nu aw hitaleh, buhêkna khawl git leh thaumei vakna zosia naw mang ta’ng ka.

JEREMIAH 7:34

Chun, Judai khawpi leh Jerusalem khawlai dung ah chun kipakna husate, limna husate, monu leh mopa husate suthip ing ka tin, gam chu a hawm ah um ta ding ahi ngal a.

KÂ LATE 5:14

Upate chun khawpi kotkhak a nusia tau in; tangvalte’n le a La sak uh a chawlsan zo tau hi.

EZEKIEL 26:13

La La sak husate thipsak ing ka tin, la tingtang giteu het hi kit ta pua’n a.

EZEKIEL 28:13

Pathian huan, Eden ah la um hi; suang mantam chitin: karnelian, topaz leh jaspar, krusolit, beril leh onik, saphir, karbankul leh emeral, zosia hi la kicheina a hiu a; la kicheina zosia chu sana ah kisiam ngen ahi. Nangma kisiam ni khan ziate zosia hi, nang â ding ah siam ahi tau hi.

HOSEA 2:11

A kipakna hun zosia, a kûtte, a thathakte, a sabbath nite leh, a gualnop nibîk zosiate sukbei piak ding ka hi.

AMOS 6:7

Ziaziakchun, sal ah chia mang masate lak in pang in’au, lupna nuam takah kichawldamna chu bei ta’n a.

THUPUAN 18:22

Chun, tingtang git hoi takte, La sak thiamte, lilu git hoi takte, pengkul gitte la sung ah hin, het kit ni um ta pua’n tin; chuleh, mi khutthiamte leh, thiamna chuam chuam neite le, mu phâk hita pua’n tiu in, sumhêk kihêk gitte le het kit hita pua’n a.