ISAI 24:6 - PATHIAN LEKHABU THIANGTHO (BSI)

⁶ Ziaziakchun, hânsia chun lei a val zo ta’n, a sung ah chêngte’n a mawna ziak un a thuak tau hi; tichun, lei chung ah chêngte a kiam un, mi tawmcha bep nutsia a hitau hi.

ISAI 24:6 ပူးပေါင်းရင်းမြစ်များ

2 LENGTE 24:12

Ziaphatchun, Judai gam ah Lengpa Jehoiakhin chu, Babulon Lengpa kiang ah chun, ama tawh, a nu tawh, a suakte tawh, a khawnbawlte tawh, a vaihawmna, kum giat a ti’n kum ah chun Jehoiakhin chu a pui mang tai.

2 LENGTE 25:12

Himaleh, Lengpa vêng ah pang sepai hotu chun, a gam ah michaga khenkhatte chu zia gam ah grep um sunte enkol ding leh a ga haw sûk ah pang dingin a nusia tai.

ISAI 1:31

Mihat chule meikuangchaw ding ah kibawl, thingthem tawhbang bep hung hi’ntin, a thilbawl uh le meisi gual bep hung hita’n a; amau leh a thilbawl uh kâng tum khawm intin, a phelmit ding kuama um pua’n a.

ISAI 1:9

Sepai honte Lalpa‘n tawmcha khat ei la hawil lo vâng leh, Sodom gual in a la um tai tiu in, Gomorrah gual a la hita ding I hiu.

ISAI 34:5

Ka chemjam in van ah thil umte, a dawn kham tâk ziakin, ngai un, Edom tawh siatna tuak khawm ding ah tiam ah um, mipite chung ah vaihawm dingin, hung kuan suk ding ahi.

ISAI 43:28

Ziaziakchun, mun thiangtho ah, miliante chu ka hun hi’buak ta’n, Jakob chu siatna tuak dingin ka pedok ta’n; Israel chule mite daichâkvai dingin ka pedok ta ahi.

ISAI 5:24

Sepai honte Lalpa thuhilna a pom lo ziak uh leh, Israel Mithiangtho a musit tâk ziak un, meikuang in bupawl a kat tum a, mei in hamsawl a kat tum gual in, a zung uh muatden intin, a pâk lun lai uh leivui gual in leng mang in a.

ISAI 9:19

Sepai honte Lalpa lungnatna ziakin, gam pumpi a kâng ta’n; mipite chu a meisel ah a pan tâk ziak un, khat cha’nle midang khat a hukdok thei ta puau hi.

JEREMIAH 12:4

Gam in bang chan sûn ah, gamlak hampa zosia bang ding ah vuaitha ding a hiu em? A sung ah chêngte nunsiat ziak leh, a gam ah mipite’n, “I um dan uh ei mu puai,” a ti ziak un, gam sate leh vachate zosia, phiatnâm a hitau hi.

JEREMIAH 5:14

Ziaziakchun, sepai honte Pathian, Lalpa chun zia gual hin a gen hi: Zia gual thu chu a gen ziak un, la kam ah chun ka thute chu, meikuang gual in ka hun siam in, zia mipite hi thingkhua gual in, ti chun, mei in amau chu hun kâng tum in a.

EZEKIEL 5:3

Chuleh, a lak ah tam lo la’n la, la puanâk chual mong in chûn in.

THIAMPUTE LEKHABU 26:22

Gam sahângte hun sawl ing ka tin, la lak ua la chateu hun tokmang in, la ganchateu hun ne zo in, nang uh hun hi’kiam intin, la lamlianteu le nutsia hung hita’n a.

MALAKI 2:2

Sepai honte Lalpa chun, “Ka min lopina ding ah ka thu la ngaithâk lo ua, la lunggil ua la vop zing lo ua chun, la maljawlna donteu chu hânsia law ding ka hi. La lunggil ua la vop zing lo ziak un, hânsia ka law ta him ahi,” a ti ahi

MALAKI 3:9

Keima lei suam ziak un, la nam pumpiu hânsia pua la hitau hi.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

MALAKI 4:6

Ama chun pate lungthim chate lam ah, chate lungthim pate lam ah kihei sak intin; chutilochun, keima hi la gam uh hânsialaw ah gawt dingin hung kha’ng ka.

MATTHAI 27:25

Ziaphatchun, mipi zosia chun a hun dawnhuu a, “A thisan chu keimau leh ka chateu chung in um ta hen,” a tiu a.

MATTHAI 7:14

Hinna lutna kotkhak chu a chîp in, a lampile a haksa’n, a mu te le tawmcha a hiu.

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

DAN LEKHABU 28:62

Lalpa la Pathian thu la mat nop lo ziak un, tu’ma lam ah van ah aksi jat hial ah tamte kha, tawmcha bep hung hita’n lau.

DAN LEKHABU 4:27

Lalpa‘n nam tin lak ah hun thejak intin, namtin lak ah kipat a hun pui kit ding tawmcha bep suakcha ta’n lau.

2 PETER 3:10

Himaleh, Lalpa ni chu gucha gual in hung in a; ziaphat chuleh, vante chu git ngai tak ah mangthai in, thilbulte le mei ah haltui hita’n a; lei leh a sung ah thil kibawlte zosia chu kâng tum ta’n a.