ISAI 24:20 - PATHIAN LEKHABU THIANGTHO (BSI)

²⁰ Zukham gual in lei hi a hoi dong dong in, bûkcha gual in lei hi a kilâwng hi; a bawsiatna a chung in a gik ma ma in, hung kipûk intin, thodok kit ta pua’n a.

ISAI 24:20 ပူးပေါင်းရင်းမြစ်များ

THILSIAM THU 41:31

Hausakna hun kha a zuitu kial ziak ah chun, zia gam ah te hinle he’pha ta pua’n au; kial chu nasa ma ma ding ahi ngal in.

JOB LEKHABU 12:25

Thim nuai ah vâk bei in a kimai a kimai un; zukham gual in a umsak hi.

SAM 107:27

a kizial chûk chûk un, zukham gual in a hawi dong dong un; a lungthuai gam tau in, bangma ti dan a he ta puau hi.

SAM 38:4

Ka mantheilona hin ka puak zaw gual lo, puak gik gual in, ka lujang a del ket kût hi.

ISAI 1:28

Ahi’n, migilote leh thil hikhial te chu, hisiat khawm in um ta’n tin uh; chuleh, Lalpa ngaisaklote chu, sukchimit in um in au.

ISAI 1:8

Zion chanu chu grep huan ah bûk lui gual leh, changmai lei honna dailîm gual leh, khawpi mi sal ah mat gam gual ah nutsia in a um tai.

ISAI 19:14

Lalpa‘n a lak un buaina thagau a sunthâk khum tai; zukham vuang dong dong ah a luak gual in, Aigupta chule a thilbawl zosia in a hawi dong dong tai.

ISAI 24:1

Ngai un, Lalpa‘n khawvel pumpi hisia’n, chên mawna hun siam in, lei hi a bungbu lam ah umsak in, a sung ah chêng zosia the’chek ding ahi.

ISAI 28:7

Amau hinle uain a dawn kham un, zukha kham in a hoi dong dong ui; thiampu tawh jawlneite’n le zukha a dawn kham ui. Uain dawn ziakin a ngaituanau a buai zo ta’n, zukha dawn kham ziakin a hoi dong dong tau hi; a kilâkna muu le a dik ta pua’n, a thutannau in a kisui tau hi.

ISAI 29:9

Ki-ngolsak unla, ngolden tau in, kimulosak unla, mitthûm den tau in! Dawn kham un, zu chu hilo in; hoi dong dong tau in, zukha kham chu hilo in!

ISAI 38:12

Belamchingte puanbûk gual in, ka chênna In chu phiat ah um in, keima ah kipat lâk mang in a um ta’n; puan-gatte’n a puan ga lai a zial daw gual un, ka hinna ka zialdok ta’n; puankol ah kipat ei ât tan ta’n tin; sun kâl a hem, jan khat kâl a hem ah, ka hinna hi’tawp mai ding hi’n la, ti’n ka ngaitua a.

ISAI 43:27

La suantu bul pen in thil a la hi’khial ta’n, la paulettuteu inle thil a la bawl khial zo tau hi.

ISAI 66:24

Chuleh, hung pawtdok intiu in, ka chung ah helte thiluang chu hung en ta’n au; a than uh la thi ta pua’n tin, a meikuang uh le mit ni um ta pua’n tin, mi zosia mu ding ah thil tizat um tak hizing ta’n au, ti in.

JEREMIAH 25:27

Ziazaw chun, a kiang un zia gual hin la gen ding ahi, ei ti’n: Sepai honte Lalpa, Israelte Pathian chun zia gual hin a gen hi, ti’n la: La lak un chemjam ka lênsak ding ziakin, dawn unla, dawn kham unla, lawdok unla, kipuk unla, thodok kit ta kiu in, ti’n gen a.

JEREMIAH 4:24

Tângte ka vak et leh, ngai tia, a kithing un; mualte zosia le a kilok lumlet zo tau hi.

JEREMIAH 51:29

Babulon gam ah kuama chêng talo ah, a hawm ngawn ah nutsiasak ding leh, Babulon chung thu ah Lalpa thil guanggal dan a het un, gam pumpi lau ah kithing in a kilîng hi.

JEREMIAH 8:4

A kiang un Lalpa‘n zia gual hin a gen hi va ti’n: Mi a kipûk phat leh, thodok kit ngai lo a hiu em? A gam man uh chun, hung kile’kit ngai lo a hiu em?

KÂ LATE 1:14

Ka bawsiatnate ziakin, ngawngkol tawh hêndên ka hi’n; a khut in ei kân khawm a; ka ngâwng ah bât in, ka tha zosia a ke tai; ka nan zaw lo dingte khut in, Lalpa‘n ei pedok tai.

DANIAL 11:19

Ziaphatchun, ama gam ngei ah kulpite lam chu ngat intin; ahi’n la, kisui in, kilîk intin, hawl mu zaw hita pua’n a.

AMOS 8:14

Samaria ah Ashimah sal ah kihaksial ah, ‘Aw Dan, la Pathian a hin gual in,’ ti leh, ‘Beer-sheba khua zotna lampi a hin gual in,’ tite chu kipûk in au; bangtik inle thokit ta pua’n au,” a tii.

NAHUM 1:5

A ma-âng in tângte a kithing un, mualte a tuitha zo tau hi; a âng in leilung leh a sung ah um zosia a kithing setau hi.

THUPUAN 18:21

Chun, vansawlchâk hat tak hin suang lian tak sumhêk suang gual hi a hun la, tuisuagiat in a paitha, “Babulon khawpi lopi chu zia gual hin paithâk hi’ntin, muphâk hita pua’n ah, a tia.