ISAI 24:10 - PATHIAN LEKHABU THIANGTHO (BSI)

¹⁰ Buaina khawpi chu suksiat a hita’n, In zosia chu kuama lut thei talo ding ah, kamchak suak ahi tai.

ISAI 24:10 ပူးပေါင်းရင်းမြစ်များ

THILSIAM THU 11:9

Ziaziakchun, a min in Babel a sau ah; Lalpa’n zia tak ah chun mi zosia pau a la sukdanglam tâk ziakin: zia kipat chun Lalpa’n amau chu lei chung zosia’n a thejak ta ahi.

2 LENGTE 25:4

Ziaphatchun, khawpi kulbâng mun khat a phevang ua, Lengpa tawh a sepaite chu zia jan ah chun Lengpa huan pâm ah, kulbâng thua ni kikâl ah chia in kul kotkhak ah Kaldaite, amau ûm kîmvêlte lak chu hawtheng in a taidok ua, Arabah lam zuan in a tai pek tau a.

ISAI 23:1

Tura siatna ding thu chu: Aw nanghaw Tarshish longliante haw, kap tau in; la kulpiu chu hisiat ahi ta’ngâl a. Kupra ah kipat a hung tun un, zia thu chu a he bep ngâl a.

ISAI 24:12

Khawpi sung chu a hawm ah nutsia a hita’n, a kul kotkhakte chule suksiat sik sek ahi tai.

ISAI 25:2

Nang in khawpi chu thilsia kisung vûm in la siam ah, khawpi kul ah ki-ûmte chule la hisia’n; mêlmate lal In haw chu khawpi hita lo dingin la siam ah, tundin kit hita pua’n au.

ISAI 26:5

Mi kingaisângte chu kainiam in, khawpi kiletsak chu a susia ta’ngal a. Leitual tawh kikim in a kainiam a, leivui lak in a paitha tai.

ISAI 27:10

Kulbâng ah ki-ûm khawpi chu, nutsia in um intin, chênna munte chu nutsia leh jamsan ah um in, gamthip chang ta’n a. Zia chun bawng no ta hiat hiat ta’n tin, a nop a ning ah kual in, a dua selthakte chu ne gam ta’n au.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

ISAI 32:19

Chuleh, gammâng sukdai hi’ntin, tichun, khawpi chule nuaisia in um ta’n a.

ISAI 34:11

Ahi’n, a gam chu muthîl leh saphute’n lua ta’n tin uh, simbu leh va-ak chêng ta’n au. A chung ah lungjinna khauzang leh, a miliante chu buaina suang chun hun delkhum ta’n a.

JEREMIAH 39:4

Judai gam ah Lengpa Zedekiah tawh a sepai zosia’n a mu phât un, lengpa huan lam ah a bâng thuani kikâl ah kigel gu’n, jan kâl in Arabah lam in a la tai mang tau a.

JEREMIAH 39:8

Kaldaite chun lengpa In leh mipite In haw chu mei ah hâl in, Jerusalem kulbâng chu a suchim dik dek tau a.

JEREMIAH 52:7

Ziaphatchun, khawpi kulbâng khel hawm in, sepaite chu jan kâl in lengpa huan lam ah bângthua kikâl in a la tai mang zo tau ah, Kaldai sepaite chun khawpi ûm kîmvêl in a la chang zing un. Arabah lam zuan in a jam mang tau a.

MIKAH 2:13

A phu vang masate chu a masa’n chia intiu in; a kêlkotte phu sia’n chia theng ngal in au; a lengpau chun ma pui intin, Lalpa chu a luchang in pang ta’n a.

MIKAH 3:12

Ziaziakchun, nangma ziakin Zion chu, lou gual ah kaibuat in hung um in a; Jerusalem chu ki’dak buaksia paikhawmna mun hung hi’ntin, tempul umna mual chule gammâng thingbuk lak hung suak in a.

LUKA 19:43

Bangtik ni a hem leh la mêlmate chun kul in hun ûm khum intiu in; hun châng kîmvêl intiu in, a ning a ning in hun ûm bichil intiu in.

LUKA 21:24

Chemjam in thi’n tiu in, nam zosia kiang ah sal ah pui in um intiu in; Jentelte ni bukim masia Jerusalem chu Jentelte chotden in um in a.

THUPUAN 18:2

Aw ngai tak in a hung kiko a: “Babulon khawlopi chu a chim tai! a chim tai! Thithate chênna leh thagau buak zosia kikhopna leh, vacha buak leh huat umte chênna, gamsa buak leh huat umte chênna a suak tai.