ISAI 22:2 - PATHIAN LEKHABU THIANGTHO (BSI)

² nang, limna leh kipakna ziak ah, kiko chiak veng vung khawpi hilo maw? La sung ah mithite chu chemjam leh kidona thi ahi puau hi.

ISAI 22:2 ပူးပေါင်းရင်းမြစ်များ

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 23:7

Zia khawpi hi maw khawpi kumlui leh la kisaktheipi ma mau. Ama keng ma ma ah gamla tak tak ah tawmang ah um chu!

ISAI 32:13

ka mite chênna mun hampa leh, ham lingnei in a chup zaw tâk ziak leh, ahi, khawpi lim tak leh, a sung ah limna Inte a se zo ta’ngal a.

ISAI 32:14

Lal In chu taisan ah um in, mipi ah dim khawpi chule, nutsia ah hung um ding ahi ngal un; tângsâng leh a chung ah gâlvênbûk chu, gammâng hung hiden ta’n tin, gam sabiltungte kipakna mun leh, belam hon tatna mun hung hita’n a;

ISAI 37:33

Ziaziakchun, Lalpa‘n zia gual hin Assuria lengpa chung thu ding chu a gen hi: Zia khawpi sung hin hung lut pua’n tin, thalchang khat ziang le hung kâpdok pua’n a. A phaw le hun paw lut pua’n tin, khawpi lutna dinginle panmun hung bawl pua’n a.

ISAI 37:36

Ziaphatchun, Lalpa vansawlchâk a hung kipandok ah, Assuriate giamun ah sepai nuai khat sîng giat leh sang nga a hung that ta’n; jingkal khua a hung vak phatin, mithi ngen a hitau a.

JEREMIAH 14:18

Gamlak ah chia leng, chemjam ah thite mu’ng ka tin, khawpi sung lut leng, kial thuak ah nat thuakte mu ding ka hi! Jawlnei hi’n, thiampu hitaleh, gam pumpi’n amau lawkna ding bep hawl in, a vak vêl vêl un, hetna him him a nei puau hi.

JEREMIAH 38:2

Lalpa‘n zia gual hin a gen hi: Kuale zia khawpi sung ah umden taphot chu, chemjam, kial leh natpi’n thi ding a hiu; ahi’n, kuale Kaldaite khut ah kipedok ziang tapo chu hing intin, a dam sung siau chu gâlhing mat gual ah um in, hing ding a hiu.

JEREMIAH 52:6

Tha li’na, a ni kua tin ni kipat in khawpi sung ah chun a gam ah mipite nêk ding an a um tâk lo ziakin, kial a huaisia ta ma ma ziang a.

KÂ LATE 1:1

Bang ding ah khawpi, mipi ah dim kha, thawmhau tak ah chu mai! Namte lak ah lopi tak ah um kha, bangtidan ah meithâi gual ah, hung um mai a ta’m! Gambung chung ah lengnu chu, Sia’mâng lakah khat gual bep in a um tai.

KÂ LATE 2:20

Aw Lalpa, hun en inla, ngaitua tia! Kuate chung ah zia gual hi bawl la hem? Numeite’n amau gil ah ga ngei, a nau awi laiteu sa chu, ne mai ding a hitau em? Thiampu leh jawlnei chu, Lalpa mun thiangtho ah, tha ah um ding a hiu em?

EZEKIEL 22:5

La kiangnai leh gamla um zosia’n hun nuisan in au; nang minsiatna pua leh buaina dim la hi.

ZEPHANIAH 2:15

A haw kha taphot in huaisia sa’n, a khut uh thin khum in: “Zia hi maw khawpi kichawisâng leh bit kisa ma ma ah, Keima bep ka hi, keima tawhbang khawpi dang a um puai,” ti chu! Bang gual bep ah hawm ah nutsia ah um in, gamsate chênna hung hi mai a tam!