ISAI 22:12 - PATHIAN LEKHABU THIANGTHO (BSI)

¹² Zia ni ah chun, sepai honte Pathian chun, kap ah lusûn ding leh sam metkol ah, saidip puan sil dingin a hun ko a;

ISAI 22:12 ပူးပေါင်းရင်းမြစ်များ

2 KHANGTHU 35:25

Jeremiah in Josiah sûnna La a la phuak ah, tu’ni tiang hin pawsal Lasak thiam leh numei Lasak thiamte chun Josiah chu kâ La’n a awi nalai uh ahi. Zia chu Israelte lak ah chîndan ngai gual in a hun mang theng tau a, zia La te chu kâ La te lak ah zik lut in a um ta ahi.

EZRA 9:3

Zia thute chu ka het phat in, ka puanâk leh ka puansilte chu botthêk in, ka lujang sam leh ka khamulte chu bot tha’n a ngaina he lo in ka kichutha suk ta mai hi.

NEHEMIAH 9:9

Aigupta gam ah ka pu leh pateu genthei dan kha la mu’n; chuleh, Tuipi San pang ah a pauchapnau khale la hia’i.

JOB LEKHABU 1:20

Ziaphatchun, Job chu a dingdok ah, a puanâk a botthêk ah, a sam chu metmui in, lei tual ah kipuk in Pathian a ho tai.

THUGENTU 3:11

Thil tincheng chu ama hun tawh kituak chiat dingin a siam ah; chuleh, thil tung tasa leh a hung tung kit dingte ngaitua theina a pia’n; himaleh, a lim ah kipat a tawp tiang ah Pathian in a bawl dingte chu hetdaw theina a nei puau hi.

THUGENTU 3:4

kâ hun a um ah, nui hun a um hi; lusûn hun a um ah, lâm hun a um hi;

ISAI 15:2

Dibon chanu chu a kap dingin a thoimual in a kal to hi; Nebo leh Medeba tângvûmte chu Moab in a kâ khum tai. Luchang zosia metkol in, khamul zosia le met nâm ahi’n;

ISAI 26:10

Mi nunsiate chu doisak hi maleu, felna a zil nuam diak puau in; dik tak ah chêngte gam ah hin, lepchia tak in a bawl sek un, Lalpa ja’umna chule a mu ngai puau hi.

ISAI 29:1

A hei! Ariel, Ariel, David chênna khawpi la chung a gik hi! Kût nite chu a kithâk suak masia a kum a kum in belap hi hen.

ISAI 3:24

A gimtui uh ui ta’n tin, a ngaltuamnau thasâng un khauhual; a sam uh pha tak ah het malak sâng un, a luchang uh kol intin; puan man tam lopi tak malak in, saidip puan khu’khum hita’n tin; a mêlpha thei pen ah kithuam malak sâng in, zachatna’n kithuam ta’n au.

ISAI 32:11

Numei nuamsate haw, kithing unla, numei ngaisamte haw, kithing in, la nîk leh puan liptha’n, saidip puan chêng un.

ISAI 37:1

Lengpa Hezekiah in zia thu chu a het phat in, a puante botthêk in saidip puan a sil ah; chuleh, Lalpa In ah chun a valût a.

ISAI 37:2

Lal In sung ah vaihawmpa Eliakim tawh, lekhaziktu Shebna tawh thiampute lak ah upa deu deute chu saidip puan sil pum in Amoz chapa, jawlnei Isai kiang in a hun sawl ta’n.

ISAI 58:3

“Bang ding ah la mulo ding ah anngawl sek ka hiu em? La ngaisak lo ding ah bang a tia, kikoi niam sek ka hiu em?” la tiu a. Ngai tiam u, la anngawl niu ah chun, nang uh lunglutna dungzui bep ah bawl la hiu a, la nasêmteu chu, la êngbawl nalai ui.

JEREMIAH 16:6

Zia gam ah milian leh mineu chule thi gêl intiu in, vui hipua’n tiu in, kuama’nle sûn pua’nau; amau thi ziakin kuama ki-âtliam leh sam metkol le um diak pua’nau.

JEREMIAH 16:8

Luaithe’na In ah le, amau tawh ne leh dawn dingin la chia lo ding ahi.

JEREMIAH 4:8

“Lalpa lungnatna huaisia tak chu, ei haw ah kipat heimang ahi puai, ti’n kap ah sûn in, saidip puan sil tau in”.

JEREMIAH 7:29

La sam uh tan un la pai mang un; Lalpa‘n ama chok lungna bepte nam chu paitha’n, a nungngat tâk ziakin, tângsipte ah chun Kâ La sa tau in.

EZEKIEL 27:31

nang sûnna’n a luu a metkol un, saidip puan a sil ui; thasia tak ah kap in, a sûn tau hi.

DANIAL 5:1

Lengpa Belshazzar in a milian leh lalte sang khat â dingin luaithena thupi tak a siam ah, mi sangkhatte chu tawh zu a dawn khawm tau a.

HOSEA 9:1

Aw Israel, kipâk kin! Namdangte gual in lim kin; nawchizuak in, la Pathian la nusia ta’ngâl a. Buphual jawl tin cheng ah nawchi man la ngaina tai.

JOEL 1:13

Nang uh thiampute haw, saidip puan sil in sûn tau in; nanghaw mâichâm ah nasêmte haw, thûm in mau tau in. Nanghaw ka Pathian nasêmte haw, hung unla, jankhua’n saidip puan sil tau in! La Pathian In ua kipat in, thâi thillat leh dawnchi thillatte a chawl tai.

JOEL 1:8

Nungak in saidip puan sil ah, a khangdawng lai pawsal a sûn gual in kap un.

JOEL 2:12

Ahi’n la, tu’hin le Lalpa‘n, la lungthim zosiau in anngawl ah, kap leh lusûn kawm in ka kiangah, hung kihei kit un;

JOEL 2:17

Lalpa nasêm thiampute le, mâichâm leh hulliap kikâl in kap tau hen. “Aw Lalpa, la mite hawi inla, la gochante nuizatbûk leh, namdangte gensim di’n siam kin. Bang ziak ah namdangte lak ah, ‘A Pathian uh khawi ah um a tam?’ ti ah a um ding,” ti tau hen.

AMOS 8:10

La luaithenateu chu lusûnna chansak ka tin, la La sak zosia chu, kâ La chansak ing ka tin; kawng zosia saidip puan chên sak ing ka tin, mi tin chu lukol in umsak ing ka; zia chu chapa changkhat sûnna gual leh, a tawpna tiang ah haksa hisak ing ka.

JONAH 3:6

Zia thu chu Nineveh khua lengpa’n a hun het phat in, a lalchutpha ah kipat dingdok in, a lal puan a lîptha, saidip puan sil in, leivui lak in a kichu tai.

MIKAH 1:16

La cha doi takteu hung liangvai dingte sûnna’n, la luchang uh metkol in, mulukol gual hial ah lukol in hung um tau in; la chateu sal ah pui mang in a um zo ta’ngal un.

JAKOB 5:1

Tu’hin, mi hausate haw, la chung ua thokgimna hung tung dingte ziakin kap in mau un.