ISAI 20:2 - PATHIAN LEKHABU THIANGTHO (BSI)

² Amoz chapa Isai kiang in Lalpa‘n zia gual hin a hun gen a: “Chia in la, la kawng ah saidip puan chu liptha’n la, la kengtawdap khale sût in,” a hun ti’n. Tichun, a ti gual ah chun ama’nle a bawl ah, ngawnchang leh kengtawdap bei in a chia a.

ISAI 20:2 ပူးပေါင်းရင်းမြစ်များ

2 SAMUEL 15:30

Himaleh, David chu Oliv tâng lamto ah chun kengtaw but lo leh puan kilukhu ah kap kawm kawm in a kal to ah; a kiang ah um zosia chunle puan kilukhu chiat ah kap kawm kawm in a zui tau hi.

2 SAMUEL 6:20

David chu a In sung mite malzawl dingin a hung kit ah. Himaleh, Saul chanu Mikhal chu David lamtua dingin a hung pawt ah, a kiang in, “Tu’ni hin Israelte lengpa chu a lopi na e! A suak numeite lak ah mi zakmaw, mi manlote gual in ngawnchang in la hung um ziang lawm lawm ah!” a tia.

2 LENGTE 1:8

Amau chun a dawnhuu a, “Mi mul hau tak, a kawng ah savun kawnggâk kigâk ahi,” a tiu a. Ama chun, “Tishbi mi Elijah ahi chu,” a tia.

SAM 30:11

Ka pûldona chu lim ah lâmna la chansak ta’n, ka saidip puan sil ei lipthâk piak in, kipakna’n lei thuam ta ahi;

PAWTDAWNA THU 3:5

Ziaphatchun, ama’n, “Hun nai kin! La kengtawdap kha sût in; la dinna mun kha mun thiangtho ahi ngal in,” a hun tia.

ISAI 1:1

Amoz chapa Isai in Judai gam ah lengte: Uzziah, Jotham, Ahaz leh Hezekiah a lal lai un, Judah leh Jerusalem chung thu ah kilâkna a la mu lawk a.

ISAI 13:1

Amoz chapa Isai in Babulon chungchâng ah a thil mu lawk chu zia gual hi ahi:

ISAI 37:2

Lal In sung ah vaihawmpa Eliakim tawh, lekhaziktu Shebna tawh thiampute lak ah upa deu deute chu saidip puan sil pum in Amoz chapa, jawlnei Isai kiang in a hun sawl ta’n.

JEREMIAH 48:37

Mizosia’n sam mêt mui in, a khamul uh a mêt nâm tau hi; khut zosia âtliam ah um in, kawng zosia’n saidip puan ah gâk ahi tai.

EZEKIEL 24:17

A gûkcha’n, thûm inla, mithi chu sûn kin. La dialkop inla, la kengtawdap but zing in; la mûk tuam kin la, lusûnna an le ne kin.

EZEKIEL 24:23

La dial uh kop in la tiu in, la kengtawu le but in; lusûn in, kap pua’n la tiu in; himaleh, la thil bawlkhialnau ah mangthai in kikâ khum tua ta’n lau.

EZEKIEL 4:1

Aw mihing, nang in chêktang la’n la, la âng ah koi in. A chung ah Jerusalem khawpi lim jik inla;

EZEKIEL 4:5

A chung ua gawtna tung ding, ni khat tawh kum khat kituk ding ah hisap in, ni za thum leh sawmkua la lup ding ahi; tichun, Israel Inkuante gawtna ding chu la puak ding ahi.

MIKAH 1:11

Aw Saphir ah chêngte haw, ngawnchang leh mualpho tak in la lampi chiat un chia tau in; Zaanan ah chêngte haw, hung pawtdok kiu in; Beth-ezel inle a sûn ta’n, nang hun panpi ta pua’n a.

MIKAH 1:8

Ziaziak hin lungngai a kap in, mau ding ka hi; ngawnchang leh keng ngawn ah chia ing ka tin; si-alte gual ah ham in, vasakolte gual in thûmsak ing ka.

ZEKARIAH 13:4

Zia ni chun, jawlnei zosia’n a thil muteu a gen daw lai un, kisathei tak in um pua’n tiu in, mithepna dingin a jawlnei puan chualteu chule âk diak ta pua’n au;

MATTHAI 16:24

Jesu’n a nungzuite kiang in, Kua’n le ei zui a nop leh ama kihemil in, ama kros kiput in ei zui hen.

MATTHAI 3:4

Zia Johan chun sangawngsau mul puan a sil ah, a kawng chu savun kawnggâk in a gâk ah; a an chu gam bepi leh gam khuaizu ahi.

JOHAN 21:7

Nungzuite lak ah Jesu’n a hepi khan, Peter kiang in, “Lalpa ei vei!” a vak tia. Simon Peter chun Lalpa ahi ti a het phat in, a puanâk a âk ah, ama chu a ngawnchang ah um ahi’n, tui lak ah chun a chawmtha tai.

NASEPTE 19:16

Zia thitha buak voppa chu a chung un a chawmdok ah, a zo kei ziang ta’n, a kidelnau ah chun liam leh ngawnchang in zia In ah kipat chun a jamdok tau hi.

NASEPTE 21:11

A hung tun phatin, Paul kawnggâk chu a la, a khut leh a keng a kikân a, “Thagau Thiangtho chun, ‘Zia kawnggâk neipa Jerusalem ah Judate chun zia gual hin kân intiu in, Jentelte khut in pedok ding a hiu,’ a tii,” ti’n a hun gen a.

JOSHUA 5:15

Lalpa, sepaite lamkaipa chun Joshua kiang in: “La kengtawdap kha sût in, la dinna mun kha mun thiangtho ahi ngâl in,” a hun ti ta’n. Tichun, Joshua chun a sûttha ngâl tai.

THUPUAN 11:3

Ka thu ei hetpi panite kiang in thu pia’ng ka tin, amau chun saidippuan sil in ni sang khat za ni leh sawmguk sung thu gen in au,” a tia.

1 SAMUEL 19:24

Ama’nle a puante chu liptha’n, Samuel ma-âng ah chun Thagau a chang ta’n. Zia ni leh a jan kit khawvak tiang in a ngawnchang in a lumden ziang tai. Ziaziakchun, “Saul le jawlnei lak ah pang hita lo a hem?” a la ti khawlaw hial uh ahi.