ISAI 2:8 - PATHIAN LEKHABU THIANGTHO (BSI)

⁸ A gam uh milim in a dim ah, a khutsuak uh, amau khutzung ma ma’n a bawlsate chu a ho ui.

ISAI 2:8 ပူးပေါင်းရင်းမြစ်များ

1 LENGTE 16:7

Jeroboam Inkuante gual ah a umna a khut nasep ah Pathian a lungnatsakna, Lalpa mit muah thil phalo zosia a bawlna ngei leh, ama a tha ziakin Hanani chapa jawlnei Jehu kiang in, Lalpa chun Baasha leh a Inkuante kãl in thu a hun gen tai.

2 LENGTE 17:10

Thingbuk nuai leh tâng sâng sâng ah te chun milim siamkawm a kikoi chel chul ziang tau a.

2 LENGTE 17:16

Tichun, Lalpa a Pathian uh thupiakte chu zui talo in, milim sunthaw bawngno lim pani leh dawikhuam a hun siam ua; van ah umte zosia a hun ho ua, Baal nâte a hun sêm tau hi.

2 KHANGTHU 27:2

A pa Uzziah gual in Lalpa mittung in thilpha a bawl ah, a pa gual in vang Lalpa tempul sung in a lut puai. Himaleh, a mipite chun vang thil mantheilo tak ah bawl uh chu a chîng zing nalai ui.

ISAI 17:8

amau khutsuak mâichâmte leh a khutzung un a siamte leh, a dawikhuamteu, ahiloleh a gimtui hâlna mâichâmteu chu ngaisak ta pua’n au.

ISAI 26:13

Aw Lalpa, ka Pathian uh, nangma tilo hotu dangte’n, ka chung un vai a hawm un, maleh, nang min bep suang ing kau.

ISAI 37:19

chuleh, a pathianteu chule mei lak in a la se’lut piak zo tau ah, ziate chu pathian le chu a hipaw him un; mihing khutsuak, thing leh suang ah kisiam a hiziak un hisiat ah um him a hiu a.

ISAI 40:19

Milim maw? Mi khutthiam in a siam a, sana siampa’n sana tui luan khum in, dangka khaidiat le a bawl piak a.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 57:5

Gangpi thing leh thinghing bulnuai tincheng ah, thanghuai tak in la kikawi un; nanghaw, phâijawl tincheng leh, suangpi kawhawm tincheng ah la chasenteu, kithoina that sekte kha hilo la hiu em?

JEREMIAH 1:16

Ei nusia ah pathian dangte kiang ah gimtui hâlte leh, amau khutsuak ho-te chung ah hin a gitlonau zosia ziakin, a chung ua ka vaihawmnate chu puangdok ing ka.

JEREMIAH 11:13

Aw Judah, la khawpi jat ah tam pathian la kinei un; Jerusalem ah kotzing jat ah tam in Baal ho’na ding mâichâm la siam un, ziate chu la mualphona ding uh mâichâmte chu a hiu.

JEREMIAH 2:28

Ahileh, la pathian ding ah la kisiamte kha, khoilam tung zo a hitau em? La buaina kipat hun hukdok thei a hiu chun, hung kipanleu hiding a pom. Aw Judah, la khawpi jat ah tam, pathiante la nei uh hilo maw!

HOSEA 12:11

Gilead ah thudiklo’na a um ah, bangmalo mai hung suak têi ding a hiu. Gilead ah chun bawngchalte’n a kithawi un, tichun, a mâichâmteu chu jawtlam chung ah, suang kisia khawm gual in hung um in a.

HOSEA 13:2

Tu’tiang hinle thil phalo a la bawl nalai un, amau lemhiatna dungzui in dangka thîk milimte, khutthiamte khutsuak in a kisiam tau hi: “Ziate kiang ah hin kithoina thilpiakte chu lân un,” a tiu a. Bawngno lim chu mipite’n a chawp tau hi!

HOSEA 14:3

Assuria in ei hukdam pua’n tin, a sakol chung ah chuang pua’ng kau; ka khutsuakteu kiang in, ‘Ka Pathian uh la hiu,’ ti ta pua’ng kau. Nangma ah chun nauchagate’n, ja’ngaina a mu sek ngal un,” ti in.

HOSEA 8:6

Israel lak ah kipat in mi khutthiam khat in a siam ahi’n, Pathian khutsuak ahi puai. Samaria ah bawngno lim chu khet gawp hi’n a.

MIKAH 5:12

la khut ah kipat in dawithiamna zosia sumang ing ka tin, âisân thiamnate nei diak ta pua’n la;

NASEPTE 17:16

Paul chun Athen khua amau a la ngâk sung in zia khawpi chu milim ah dim ahi dan a mudaw ziakin a dâ ma ma a.

DAN LEKHABU 4:28

Zia tak ah chun, khut ah siamkawm thing leh suangte, muthei lo, ho thei lo, ne thei lo, gimle hethei lo, pau thei lo milim kisiam pathiante hun ho in la tiu in;

THUPUAN 9:20

Zia gawtna thi lo sunte chun a khut nasepteu, thithate, sana milimte, dangka milimte, sum-eng milimte, thing milimte, khua mu theilo, hethei lo leh chia theilote chu ho lo dingin a lung uh a hei diak puau a.