ISAI 2:3 - PATHIAN LEKHABU THIANGTHO (BSI)

³ Mipi tam tak hung khawm intin uh: “Hung un, Lalpa tâng, Jakob Pathian In ah chun chia to hitiu; a lampite I zuitheina ding ua, a lampite ei hiltheina dingin,” ti’n au. Zion ah kipat in dan hung pawt intin, Jerusalem ah kipat in, Lalpa thu hung pawt ding ahi ngâl a.

ISAI 2:3 ပူးပေါင်းရင်းမြစ်များ

ESTHER 9:27

lekhathot ah a zik ziak leh a ni guat dungzui tak ah chun, kum si’n leh zia nikhuate chu, Judate’n amau hukdawna ni chu a suan a pâk zosiau leh amau thilbawl bawlpi nuam tapote’n a chan ding un a phuang tau ah, a chãng ngal tau hi.

SAM 102:23

Ama’n ka vanglai ni’n ka thâ a hi’kia’n, ka damsung nikhua a hi’chom tai.

SAM 110:2

Lalpa‘n la hatna lal tiang chu, Zion ah kipat in sawldok intin; la mêlmate lak ah vaihawm ta’n.

SAM 119:171

Nang in la thuguatte chu lei hil tâk ziakin, ka mûk in pâkna La tui gual in luangdok ta hen.

SAM 122:1

“Lalpa In ah chia hitiu,” a ti lai uh khan ka kipak a.

SAM 48:1

I Pathian khawpi Lalpa chu a lopi hen, lopi tak ah chawihoi ding ahi!

ISAI 1:26

Tichun, a lim ah gual khan, la vaihawmteu tungding kit ing ka tin, a lim ah kipat gual khan, la lemguattuteu kha le, tungding kit ing ka. Ziazaw chuleh, nang chu dikna khawpi leh, khawpi ginum, ti hung hita’n la.

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

ISAI 19:23

Zia ni phat chuleh, Aigupta ah kipat Assuria zotna lamlian hung kithung ta’n tin, Assuriate chu Aigupta gam ah hung intiu in, Aiguptate le Assuria gam ah chia ta’n au; tichun, Aiguptate tawh Assuriate chun Pathian ho khawm ta’n au.

ISAI 28:9

Hetthiamna chu kua a hil guat a, a thu chu kua kiang ah a hilchian guat a hita diam, nawichep hâi pan pante leh, nawichep lai kikaithate kiang ah maw?

ISAI 44:5

Mi khat in, “Lalpa â ka hi,” hun ti’n tin; midang khat chu Jakob min ah ko in hung um in au; midangte chun a khutbân un: “Lalpa â,” ti zik intiu in, Israel chu a nam min dingin hun mang ta’n au.

ISAI 56:5

Ka Insung, ka bâng in a ûm kîmvêlna sung ma ma hin, chapate leh chanute sâng ah phazaw, amau hetzingna ding pia’ng ka; kumtuang ah a min ding uh pia’ng ka tin, tichun, bangmatik in pai thâk hita pua’n a.

ISAI 56:7

amau chu ka tâng thiangtho ah pui tung ing ka tin, ka In pauchapna In ah chun, kipak tak ah um dingin siam ing ka. A hâlmang thillatteu leh a kithoinateu chu, ka mâichâm ah pom hita’n a. Ka In chu mi zosia â ding ah pauchapna In, hung hiding ahi ngal a.

ISAI 60:3

La vâk ah chun namtin hung khawm intin uh, la jingkal phalvakna lam zuan in, lei ah lalte le hung khawm in au.

ISAI 65:11

Himaleh, nanghaw Lalpa nungngat ah, ka tâng thiangtho hemil ah, vangphatna Pathian hona dawkan bawl ah, vangphatna ding ah zu no sungdimte chu,

ISAI 66:20

Israel chate’n Lalpa In ah bêl thiangtho ah thillat ding a hun choi sek gual ua khan, Jerusalem ah ka tâng thiangtho ah chun, Lalpa kiang ah lat dingin namtin lak ah kipat in la suapiteu chu, sakol chung ah te, sabiltung chung ah te leh gancha hat tak tak te chung in hun pui khawm in au.

JEREMIAH 12:16

Ziaphat chuleh, gunchu tak ah ka mite umchan zosia a zil ua, “Lalpa chu a hinnâk leh,” ti ah ka mite Baal min ah kitiam dan a la zilsak gual ua, ka min ah kitiam dan a kizilsak nâk uh chun, ka mite lak ah chun tung ding khawm ta’ng ka.

JEREMIAH 26:18

“Moreseth khua jawlnei Mikah in, Judai gam ah Lengpa Hezekiah dam lai in thu a gen a, Judai gam ah mipi zosiate kiang in: ‘Sepai honte Lalpa‘n zia gual hin thu a gen hi,’ a ti’n: ‘Zion chu lou gual ah kai hi’n a; Jerusalem khua chu ki’dak kipaikhawm vûm gual hi’ntin, tempul umna tâng le gammâng hung suak in a,’ ti in,” a tia.

JEREMIAH 31:6

“Hung un, Lalpa I Pathian kiang un, Zion ah chia to hitiu,” ti ah Ephraim tânggam ah gâlvêngte kiko dawna ni ding chu, hung tung ngei ngei ding ahi tai.

EZEKIEL 40:2

kilâkna’n Pathian in Israel gam ah ei la pui tung ah, tângsâng tak in ei koi ah, simlam kâi in khawpi tawh bang khat a um a.

HOSEA 3:5

Zia nung chuleh, Israelte hung kile’kit in, Lalpa a Pathian uh leh David, a leng uh chu hun hawl ta’n au; ni nunung lam ah chun Lalpa leh a phatna chu lau kawm in zuan in au.

HOSEA 6:3

Lalpa chu hia’i tiu in, hetzing gaw tai tiu; a hung kilatna ding chu phalvak gual ah kichian ahi; ama chu I kiang un gawtui gual in hung intin, khâl gawtui in lei a chap no gual in hung tung in a.”

MIKAH 4:2

nam tam takte hung khawm in, “Hung un, Lalpa tâng tiang in, Jakob Pathian In ah chia to hitiu; a lampite chu I zuitheina ding leh, a lampi chanchin ei hiltheina dingin,” ti’n au. Zion ah kipat in gitlona hung pawt in, Jerusalem ah kipat in, Lalpa thu hung pawt ding ahi ngal a.

MATTHAI 7:24

Kuale zia ka thugen hi he ah mang tapo chu, mipil suangpi chung ah Insapa gual chu hi’n a.

LUKA 11:28

Himaleh, ama chun, “Ahi, himaleh, Pathian thu he ah zuite chu mi hampha zaw a hiu,” a tia.

LUKA 24:47

Ziaphat chuleh, Jerusalem ah kipat in namtin kiang in, gitlona ngaidamna thu leh gitlo haisanna thute ama min in genjak in au;

JOHAN 4:22

Nang un la hetlopiu la ho sek un; kei un vang ka biak uh chu ka hiau ahi; Judate lak ah kipat hukdamna chu hung pawt ding ahi ngal a.

JOHAN 7:17

Kua’nle ama doigual a bawl chun, ka thugenle hia’n tin, keima phuakkawm a hilo dan leh, Pathian ah kipat ahi dan hethei ngei in au.

NASEPTE 1:8

Himaleh, Thagau Thiangtho chu la chung ua a hung tun phat leh, thilhitheina nei ta’n lau; tichun, Jerusalem, Judea gam leh Samaria gam leh kawlkil tiang ah, ka thu hiatpite hung hiding la hiu,” ti’n a dawnhu a.

NASEPTE 10:33

Ziaphatchun, a ko ding ah mi ka hun sawl pai ziang ahi; la hung hi a phai. Lalpa‘n thu a piak tapo he ding in, ka leng un Pathian mit mu in zia hin ka um ui,” a tia.

ROMTE 10:18

Ahi’n la, a bil un a hepuau ah a hem? He e: “A thawm uh lei chung zosia’n a kithang in, a thuu chu kawl kîmvêl tiang in a thang suak tai,” ti ahi.

DAN LEKHABU 33:19

Tâng ah mipi a ko khawm un, kithoina dik tak chu a pia tau a; tuisuagiat ah hausakna a lua un, piunêl ah go phûmguk a chên ui.

DAN LEKHABU 6:1

Tu’hin la gam luana ding mun uh la gâl kâi ua, la lua phat ua leh la zui ding uh, Lalpa la Pathian un thu ei piak, nang uh ka hun hil ding ah thupiakte, dante leh vaihawmna dan thute chu ziate hi a hiu;

JAKOB 1:25

Himaleh, kuale dan buting, zalenna dan chu pha tak ah en ah, thuak-hat tak ah, a ngaithâk zaw leh hemil kit ziang lo ah sêmdok zaw te chu, zia mite chu a thil hiu ah maljawl in um ding a hiu.