ISAI 2:20 - PATHIAN LEKHABU THIANGTHO (BSI)

²⁰ Ziaphat chuleh, a ho ding ua a bawl uh, a sana leh dangka milimteu chu, bûi leh bâkte chênna ding bep in, pai mang ta’n au;

ISAI 2:20 ပူးပေါင်းရင်းမြစ်များ

THILSIAM THU 35:4

Chutichun, pathian dang a la nei zosiau leh a bil ua a bateu zosia, Jakob kiang in a hun piau ah; Jakob in ziate chu Shekhem khua kiang daipâm ah gangpi thingbul nuai ah chun a vui mang tai.

THUGENTU 3:6

nei hun a um ah, matsua hun a um hi; vop phat hun a um ah, pai mang hun a um hi;

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

ISAI 17:8

amau khutsuak mâichâmte leh a khutzung un a siamte leh, a dawikhuamteu, ahiloleh a gimtui hâlna mâichâmteu chu ngaisak ta pua’n au.

ISAI 30:22

Ziaphat chuleh, dangka tuiluan ah milim kisiamte leh, sana tuiluan ah milim kisiamte chu hun khên tel ta’n lau. Puansia ki’dak um tak gual in pai mang in, “Pawt mang tau in,” hun ti ta’n la.

ISAI 31:7

Zia ni phat chuleh, mi tin in la kiang ua la thîk milimteu leh, la sana milimteu, la gitlona khutsuakteu chu hun paimang ding la hi ta’ngal un.

ISAI 40:19

Milim maw? Mi khutthiam in a siam a, sana siampa’n sana tui luan khum in, dangka khaidiat le a bawl piak a.

ISAI 46:1

Bêl chu a kûntha’n, Nebo chu a chutha suk ta’n; a milimteu chu gancha leh gan honte’n a puau a; zia la thil lim puak tawl tawlteu kha, gancha’n gim tak ah a puak ding bep uh, a hung hi zo tau hi.

ISAI 46:6

A sakhau ua kipat in sana a sungdok a, dangka thîkte chu bûkna te’te chun; sana bawl mi a gawi un, a pathian ding uh a bawl piak un; ziate ma-âng ah chun a bokkhup un, a ho tau hi!

EZEKIEL 14:6

Ziaziakchun, Israel Inkuante kiang in, Lalpa Pathian in zia gual hin a gen hi: Kisik unla, la milimteu kiheisan tau in; chun, la ki’dak umnau zosia kiheimangsan tau in.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

EZEKIEL 7:19

A dangka thîkteu kotzingte ah thejak intiu in, a sanateu le buaksia gual in koi ta’n au. Lalpa lungnatna nikhua chun, a dangka leh sanateu chun hukdok thei ta pua’n a. Ziate ah chun a gilkialnau nêm pua’n tin, a gil uh le vâsak diak pua’n a. Zia chu a khawlo’nau ah a kisuinau ahi tâk ziakin.

HOSEA 14:8

Aw Ephraim, milimte chu ka bang ah pang ding a hem? Nangma dawnhu ah, hun vêngpa chu keima ka hi’ngal a. Châk thing hing zing gual chu ka hi’n, la ginumna chu keima ah kipat hung ahi.

THIAMPUTE LEKHABU 11:19

Tuivapi, Tuivakengsang leh Vatuthaw leh Bâk haw hi.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.

LUKA 23:30

zia ni tak chuleh, mual kiang in, ‘Ei deldên in,’ ti’n tiu in; tâng kiang ah chun, ‘Ei khu’khum in,’ ti’n au.