ISAI 2:19 - PATHIAN LEKHABU THIANGTHO (BSI)

¹⁹ Lei chung hilau ding ah a hung kuan phat leh, Lalpa lalna a lopi ding ziak leh, a lau um ma ma ding ziakin, suangpi kawlhawm leh, lei kawhawmte ah chun tâi lut un.

ISAI 2:19 ပူးပေါင်းရင်းမြစ်များ

2 SAMUEL 22:46

Gamdang mite a lungthuai zo tau in, A kulpiu ah kipat kithing sa’n a hung pawtdok tau hi.

JOB LEKHABU 9:6

lei chu a umna mun in a sawi lîng ah, a kingakna khuampite le a hi’lîng hi;

SAM 7:6

Aw Lalpa, lungna’n hung kipan inla; ka mêlmate lungnatna do dingin hung kuan inla; Aw ka Pathian, hung kipan in; vaihawmna la guat ta ngal a.

ISAI 13:13

Ziaziakchun, sepai honte Lalpa lungnatna hun, a lung kitongkhon ni a hung tun phat leh, vante kithinsak ing ka tin, lei chule a umna mun ah kipat, thindaw in hung um ta’n a.

ISAI 2:10

Lalpa lau umna leh a lalna, lopi tak ah kipat kisêlna dingin, suangpi bêl inla, leivui lak in kisêl in.

ISAI 2:21

lei chung hi’lau ding ah a hung phat leh, Lalpa lau umna leh a lalna lopi tak ziakin, suangpi kêk kâl leh kawlpûk kâl ah chun kisêl mang ta’n au.

ISAI 24:1

Ngai un, Lalpa‘n khawvel pumpi hisia’n, chên mawna hun siam in, lei hi a bungbu lam ah umsak in, a sung ah chêng zosia the’chek ding ahi.

ISAI 24:18

Thawm gi tizat um lau ah jam tapo chu, pum ah ke’lut intiu in; zia pum ah suakcha sunte chu thâng ah awk in au. Van tukvante chu a kihong ah, lei kingakna bulpite chu a kilaw lîng tâk ziakin.

ISAI 24:19

Lei hi suksiat dim dem a hita’n, lei hi puaitel zaw a hita’n, lei hi nasa tak ah lawlîng ahi tai.

ISAI 30:32

Lalpa‘n a moltum ah a vok tawh kituak in, a mipite chun khuang leh dâk sâi in au. Pathian ma ma chun Assuriate chu hun do ding ahi ngal a.

ISAI 33:10

Lalpa chun, “Tu’hin kipan ing ka tin, tu’hin kichawisâng ta’ng ka tin, tu’hin choisa’n in hung um ta’ng ka.

ISAI 7:19

Tichun, hung khawm intin uh, kênliang zosia, suangpi kawlhawm zosia, lingbuk zosia leh hampa hing mun zosia ah chun chêng ta’n au.

JEREMIAH 16:16

Tu’hin, sanga mante tam tak hun sawldok ing ka tin, amau chu va man khawm in au; ziazaw chuleh, gamvâk mi tam tak le sawldok ing ka tin, amau chun tâng tin leh mual tin ah kipat leh kawl suangpi kikâl ah um natiang in hun man khawm sik sek in au, Lalpa‘n a tii.

JEREMIAH 4:29

Sakol chungchuang mite husa leh, thal kap mite ziakin khawpi zosia, jamsia’n au; gammâng ah tai lut intiu in, suangpi lak in kal to in au; khawpi zosia nutsia in a um tau ah, a sung ah kuama a chêng ta puau hi.

JEREMIAH 48:28

Aw, Moab gam ah chêngte haw, khawpi nusiau inla, suangbûk ah vachêng tau in! Kawlhawm gei ah bu sep, vakhu gual in vachêng ziang tau in.

EZEKIEL 33:27

A kiang un zia gual hin vagen in, Lalpa Pathian in zia gual hin a gen hi, vati’n la: Kihaksial in ka kitiam hi, nutsia’na nung ah chêng nalaite chu chemjam in thi’n au; gamlak ah um zosia gamsa nêkzaw dingin pia’ng ka tin; kulpi det leh kawlhawm ah kisêlte chu hîpi’n thi’n au.

HOSEA 10:8

Israelte gitlona, Aven, munsângte chu suksiat hita’n a. A mâichâm umna mun in ling leh lênling kek in a. Tângte kiang ah chun, “Ei khu un,” mualte kiang ah chun, “Ei delkhum un,” ti ta’n au.

MIKAH 7:17

lei ah bokvâk ah khawsa gul gual in leivui liak ta’n au; a kul ua kipat lau ah kithing kawm in hung pawtdok ta’n au; Lalpa I Pathian uh lau in, hung kihei intin uh, nangma lau in um ta’n au.

NAHUM 3:11

Nangma (Nineveh) le kham in la tin, kisêlmangna ding hawl inla; mêlmate ah kipat kisêlna ding hawl inla.

HAGGAI 2:6

Khatvei chu, tu’nung naicha sung in, vante, lei leh tuisuagiat leh khawmual hun loklîng ding ka hi, sepai honte Lalpa‘n a ti hen;

HAGGAI 2:7

nam zosia hun chok lîng ing ka, tichun, nam zosia go thilte hun lakhawm ing ka tin, zia In hi hausakna’n hung dim ta’n ah, sepai honte Lalpa chun a tii.

LUKA 23:30

zia ni tak chuleh, mual kiang in, ‘Ei deldên in,’ ti’n tiu in; tâng kiang ah chun, ‘Ei khu’khum in,’ ti’n au.

2 THESSALONITE 1:9

amau chun kumtuang ah manthaina, gawtna leh Lalpa umna kipat leh a thilhitheina lopina kipat pâmpaina thuak intiu in;

HEBRAITE 11:38

amau â dingin lei chung hi umna tâk ei puai. Gamthip leh tâng ah te vâkvâi in, kawlhawm leh leihawm sung ah te’n a chêng sek ui.

HEBRAITE 12:26

A aw chun lei hi a hi’lîng kha ta’n; ahi’n, tu’vang hin, “Lei bep hilo, van tawh le khatvei hi’lîng ding ka hi,” ti’n a kitiam tangal a.

THUPUAN 11:13

Zia hundan sung ngei ah chun lîn nasa tak leh huaisia tak a hung kilîng a; khawpi mun sawm ah khen mun khat chu a chim ta’n; linlîng ah chun mi sang sagi a thiu ah; a thi bang sunte chu a lau ma mau ah, van Pathian chu lopina a pia tau hi.

THUPUAN 11:19

Tichun, van ah Pathian tempul um chu a hung kihong ta’n; a thuthung thingkuang chule tempul ah mu thei in a um tai; ziaphatchun, kawlphete, awte, van-gite leh linlîngte hung um in, gial nasa takte a hung ke tai.

THUPUAN 16:18

Ziaphatchun, awte, kawlphete, van-gite a hung pawt ah; linlîng huaisia tak a hung ling ah, lei ah mihingte um nung a hin zia gual ah linlîng nasa hi a um kha nai puai.

THUPUAN 20:11

Lalchutpha vam lopi chung ah kichu chu ka mu’n, a ma-âng ah kipat chun lei leh van a tai mang tau a; amau â dingin mun a um ta puai.

THUPUAN 9:6

Zia sung ah chun mite’n thina hawl intin uh, himaleh mu pua’n au; thi nuam maleu thina chun nusia ta’n a.

1 SAMUEL 13:6

Israelte chu a pang zo talo a hiu ti a kihiat phat un, mipite chu kawlhawm ah te, kawhawm ah te, suangpi lak ah te, thân kuak ah te leh tuikul ah te chun a kisêl mang zo tau a.

1 SAMUEL 14:11

Tichun, Philistin sepaite chu a paniu in a vakimu sak tau ah; zia phat ah chun Philistinte chun, “En tiam u, Hebraite kawhawm ah a kisêlnau ah kipat in a hung pawtdok ui,” a tiu a.