ISAI 2:11 - PATHIAN LEKHABU THIANGTHO (BSI)

¹¹ Mi kingaisângte chu hi’niam in um intin uh, mi kisathei zosia chu hi’tawm in um in au; zia hun chuleh Lalpa bep chu, choisa’n ah um ding ahi.

ISAI 2:11 ပူးပေါင်းရင်းမြစ်များ

2 SAMUEL 22:28

Mi kingainiamte chu la hukdok in, himaleh, la mit chun mi huhamte a kiak theina ding un, la châng zing sek hi.

SAM 18:27

Nang in mi kingainiamte la hukdok sek in, mi kingaisângte vang chu la bêng niam sek hi.

SAM 18:28

Ka thaumei ei detpiak chu nangma la hi; Lalpa ka Pathian in keima ah thimna ei hi’vâk piak tai.

SAM 20:8

Amau chu kisui in kipûk in au; ei haw vang tho in, dingchang ding I hiu.

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

SAM 46:11

Sepai honte Lalpa chun ei umpi hi; Jakob Pathian chu I kisêlnau ahi.

SAM 94:2

Aw lei chung ah vaihawmpa, hung kipan inla, mi kisatheite kisaktheina gûn chu hun pia ta’n!

THUPILTE 16:5

Lunggil ah chapote chu Lalpa‘n ki’dak um a sa hen; zia gual mite chun gawtna pel lo hial ding a hiu ti hezing in.

THUPILTE 30:13

Mi mittêt sâng chî le a um un, a mitteu chu a sângha’ nau e!

ISAI 10:12

Lalpa‘n Zion tâng leh Jerusalem chung ah a thilbawl ding cheng a bawl zaw phat leh, Assuria lengpa kisaktheina leh kiletsak takah a kilopisak ziakin hun gawt ding ka hi.

ISAI 12:1

Zia ni phat chuleh, zia gual hin hun gen ta’n la: Aw Lalpa, ka chung ah lungna male chin, la lungnatna chu lamang in; lei thamuan tâk ziakin hun pâk ing ka.

ISAI 12:4

chuleh, zia ni phat chuleh, zia gual hin hun gen ta’n lau: Lalpa kiang ah kipak thu gen unla, a min chu ko un; nam tinte kiang in a thilbawl hiatsak unla, a min chu choisân in a um tai, ti tâklang tau in.

ISAI 13:11

Khawvel chu a gitlona ziakin gawt ing ka tin, mi nunsiale a thilbawl siat ziakin gawt ta’ng ka; chuleh, mihuhamte kisaktheina le hitawp ing ka tin, leng gilo leh lungpawngte chu koi niam ding ka hi.

ISAI 14:15

Himaleh, Sheol ah paithâk in la um ta’n, lei kawkhûk thûk ah chun la tung tai.

ISAI 2:17

Mihing kingaisânna chu hi’niam hi’ntin, mi tin kisaktheina chu hi’tawm in um in a; ziaphat chuleh, Lalpa bep chu, choisân in um ta’n a.

ISAI 23:9

Sepai honte Lalpa guanggal ahi, mi lopite kisuanpi zosia bangmalo sua ding leh, lei chung zosia’n a ngaisân uh hi’mualphona dingin.

ISAI 24:21

Zia ni phat chuleh, van mun ah chun, van sepai honte leh, lei ah lalte chu lei chung ah hin, Lalpa‘n hun gawt ta’n a.

ISAI 25:9

Zia ni phat chuleh, zia gual hin kigen in a: En tiam u, zia hi I Pathian uh, ei hukdok ding ah sawtpi I la ngâk uh kha ahi. Zia hi I la ngâk uh Lalpa chu ahi; a hukdamna hin lim in kipak hitiu.

ISAI 26:1

Zia ni phat chuleh, Judah gam ah zia La hi sak hunghita’n a: Khawpi det tak I nei ui; gual zaw’na chu kulbâng leh khawpi ûmna gual in a siam hi.

ISAI 28:5

Zia hun chuleh, sepai honte Lalpa chu, a mipi um nalai sunte â dingin, a lopinau pâkcha khî leh, a lallukhuk uh jemna hung hita’n tin;

ISAI 29:18

Zia ni phat chuleh, bengngongte chunle, lekhazial sung ah thute chu hethei ta’n tin uh; mitthûmte mit chunle, khawthim nuai leh thim lak inle, khua hun mu thei ta ding ahi.

ISAI 30:18

Ziaziakchun, Lalpa‘n lainat tak in nanghaw a hun ngak zing a, ziaziakchun, a zainemna hun etsak dingin, ama a kichawisâng hi. Lalpa chu dik tak ah vaihawm Pathian ahi ngal a; ama ngâk zosia chu mi hampha a hiu!

ISAI 30:23

Lei ah la thâichi tûte â dingin gua hun zuksak ta’n tin; chuleh, lei in ga a hun suadaw chu tam tak, tui tak takte ngen hung hita’n a. Zia ni phat chuleh, la ganchate hampa phatna gam lian leh kiningting tak ah chun ta hiat hiat ta’n au.

ISAI 37:23

La simmaw ah la hosiat chu kua a hem? Kua dodâlna ding ah la aw khati sânsak ah, la mit kha khati têt sânten la hem? Israel Mithiangtho dodâlna ahi kha lam!

ISAI 4:1

Zia hun chuleh, numei sagi’n pawsal khat mantom intin uh, a kiang in: “Ka nêk ding uh kihawl in, ka sil leh chên ding uh kingaitua ing ka tin uh; pawsal bei ka hi’nau liakhu’na’n, ka pawsal un um mai mai in,” hun tin au.

ISAI 40:23

Lal chate chu bangmalo in a koi in, khawvel gam vaihawmte chu bangmalo mai in a siam hi.

ISAI 52:6

Ziaziakchun, ka mipite’n ka min hun he ta’n tiu in; zia hun phat chuleh, a kiang ua thugen chu keima ka hi ti hun he ta’n au; keima a genpa chu zia hin ka um hi.

JEREMIAH 12:9

Ka gochante chu sa-uakte’n ducha, a nêk zaw ding ua thu ka pia a hem? Sasial ne vachate’n a ûm zing ua a hem? Chia inla, gamsa zosia hun ko khawm inla, a ne zo dingin hun pui khawm in.

JEREMIAH 9:24

a suang nuam tapo in, Keima Lalpa hi, ngilneinate, vaihawm diknate, felnate leh zia lei chung ah mang sek ka hi ti ei hiatthiamnau chu suang zaw tau hen; zia chu ka lung lam ahi ngal ah, Lalpa‘n a tii.

EZEKIEL 38:14

Ziaziakchun, mihing, Gog kiang in zia gual hin gen in: Lalpa Pathian in zia gual hin a gen hi: Ka mipi Israel, gâl muang ah bit tak ah a um phat uh leh, hung kichok phûl in la tin,

EZEKIEL 38:19

Ka îtthîkna leh ka siatso lai tak in thupuan ka bawl tai: Zia hun chuleh, Israel gam nasa tak in kithing in a;

EZEKIEL 39:11

Ziaphat chuleh, tuisuagiat sualam ah khualzinte Phâicham, Israel gam ah chun Gogte kivuina ding pia’ng ka; khualzin tuate chiana ding dâl ta’n au; Gog tawh a mipite zosia zia chun kivui ding ahi ngâl un; zia mun chu, Hamon-gog Phâizawl, ti hita’n a.

EZEKIEL 39:22

Zia kipat chun, Israel Inkuante zosia’n Lalpa a Pathian uh ka hi’dan hun hechiat ta’n au.

DANIAL 4:34

A hunte chu a bei phatin, keima, Nebukadnezar in van lam ka etto ah, ngaituana pangai ka hun nei kit phatin; Hat Chungnung chu ka pâkcha tai. Ama kumtuang ah hingzingpa chu pâk in ka chawihoi ta’n: A lalna’n kumtuang a dai in, a lenggam in khang zosia a dai hi;

HOSEA 2:16

Zia ni chuleh, “Ka Baal” ei ti lo in, “Ka Pawsal,” ei tizaw ta’n la, Lalpa‘n a tii.

HOSEA 2:18

Zia ni chun gamsate, chunglêng vachate leh lei ah bokvâkte tawh thuthung nang â dingin siam ing ka tin; thalpite leh chemjamte; chuleh, kidona lei ah kipat in subei ing ka tin; bit tak in lup thâksak ta’ng ka.

HOSEA 2:21

Zia ni chun hun dawnhu ta’ng ka, Lalpa‘n a ti’n; vante dawnhu ing ka tin, amau in ei dawnhu ta’n au;

JOEL 3:18

Zia ni chuleh, tângte chun uain thum vatsak ta’n tin, mualte ah chun bawngnawi luang intin, Judai gam ah lui guam zosia chun, tui luang ta’n a; Lalpa In ah kipat in tuinâk hung luangdok intin, Wadi Shittim chu tui in buak khum ta’n a.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

OBADIAH 1:8

Zia ni chuleh Edom lak ah, mipilte sumangthai ing ka tin, Esau tâng ah kipat hetthiamna, sumangthai ing ka, Lalpaa tii.

MIKAH 2:3

Tichun, Lalpazia gual hin a gen hi: Tu’hin, zia Inkuante chung ah hin thil phalo ka guanggal hen; zia kipat chun suakcha pua’n au; kisathei tak in vak kit ngai talo ding la hiu, zia chu hun phalo tak hiding ahi ngal a.

MIKAH 4:6

Lalpa “Ziaphat chuleh, kengbaite kai khawm ing ka tin, del mang ah um leh ka sukgenthei ah umte chu, kai khawm ding ka hi,” a tii.

MIKAH 5:10

Zia ni chuleh Lalpa la sakolteu chu, nangmau ah kipat in sumangthai ta’ng ka tin, la sakol kângtalai zosiau le susia ding ka hi;

ZEPHANIAH 3:11

Zia ni chuleh, ka chung ah la tatlêkna leh, la thilbawl zosia ziakin zakcha pua’n la tin; ziaphat chuleh, la lakah mi kisatheite chu, ladok ding ka hi’tâk ziakin, ka tâng thiangtho ah chun kisuang tak in umzing ta pua’n la.

ZEPHANIAH 3:16

Ziaphat chuleh, Jerusalem kiang in: Aw Zion, lau kin la; la khutte hizoi kin.

ZEKARIAH 9:16

Ziaphat chuleh, Lalpa a Pathian un hukdok ta’n a, amau chu a gan-gual mipite a hiziak un; lallukhuk ah suang mantam um gual in a gam uh chun vâk ta’n au.

MALAKI 4:1

Ngai un, Lalpa ni chu! Mi kiletsak zosia leh thil phalo bawl taphot kâng tum intin, thukkhûk ah meikuang gual chu hung tung ding ahi tai; zia ni hung tung ding chun kâng tum in tin; tichun, a zung leh a bâk natiang in khêk nei pua’n a.

LUKA 18:14

Ka hil la hiu, a masa pa sâng in zia pa chu thiamchang ah um in a In lam in a chia suk tai. Ama kichawisâng tapo sukniam hi’n tiu in, kingainiamte chu choisa’n in um in au,” a tia.

2 KORINTH 10:17

“A suang tapo in Lalpa chu suang tau hen,”

2 KORINTH 10:5

Lungthim ah ngaitua kawm ah mi nialna leh Pathian do-na ah kigêl thilsâng tak te chu suchim in, lungthim ngaituana zosia chu suak ah pui in Khrista thu ka nunsak sek ui.

2 THESSALONITE 1:10

a mithiangthote suklopi ah um ding leh, ka hun thu hiatsak uh gin ziak ah a gingtute zosia lamdang sak ah um ding ah a hung phat leh,

1 PETER 5:5

Zia gual ma chun, khangdawng nalaite haw, upate nuai ah kitulut un. Ahi, la leng un na kiseptua piak chiat dingin thunuaigolna’n kivan unla: “Pathian in kiletsakte chu a dodâl in, kingaitawmte vang hepina a pesek hi,” ti ahi ngal a.