ISAI 19:4 - PATHIAN LEKHABU THIANGTHO (BSI)

⁴ chuleh, Aiguptate chu lal nunsia tak khut in pedok ing ka tin; leng tizat um tak chun a chung un vaihawm ta’n a, ti’n, sepai honte Lalpa, Chungnung penpa chun a la ti ta ahi.

ISAI 19:4 ပူးပေါင်းရင်းမြစ်များ

SAM 31:8

Chuleh, ei do-te khut in ei pedok kin la; ka keng hi mun awngthawl tak ah la lângkâi zaw tai.

ISAI 19:2

Aigupta mite do dingin Aiguptate ma ma chokphûl ing ka tin, amau leh amau kido intin uh, a Invêngteu chiat kidopi intin uh, khawpi khat in khawpi dang do intin, lenggam leh lenggam hung kido ta’n au;

ISAI 20:3

Ziaphatchun, Lalpa‘n, “Ka nasêmtu Isai in, ngawnchang leh kengtawdap bei ah, Aigupta leh Ethiopia chung ah thil hung tung ding tepte’na leh, etsakna ding ah kum thum sung a vâkvel gual hin,

ISAI 20:4

Assuria lengpa’n, Aigupta mite chu suangkul ngak ding ah man in, Ethiopia mite chu sal in pui ta’n tiu in, a têk a khang, nîk leh puan bei leh kengtawdap bei in, Aiguptate sukmualphona dingin pui in a.

JEREMIAH 46:26

Amau thalup ding ah hawl zing, Babulon Lengpa Nebukadrezar tawh, a sepai hotute khut in pedok ding ka hi. Zia nung tak chuleh, masanglai gual khan, Aigupta gam ah mite hung chêng kit in au, Lalpa‘n a tii,” ti’n a hun gen a.

EZEKIEL 29:19

Ziaziakchun, Lalpa Pathian in zia gual hin a gen hi: Babulon Lengpa Nebukadrezar kiang in Aigupta gam hi pia ding ka hi; a hausaknau zosia lâkpiak in, suam in chomgam intin; a sepaite law dingin pia’n a.

EZEKIEL 30:12

A luidungteu chu hi’kang ing ka tin, a gam uh migilote kiang in pia’ng ka; chuleh, a gam leh a sung ah um zosia le, gamdang mite khut in hisia’ng ka; Keima Lalpa hin ka ti ta ahi.

NAHUM 3:10

Chutisapi’nle mat in a um un, suak leh sal in a tâng ui; kotzing kisuktua’na tin ah chun, a nausenteu natiang, se’gawp dim dem a hiu in; a mi thupiteu chan dingin âi a sân un, a lak ua mi thupi zosia chu, thikkol ah bultuk a hitau hi.

1 SAMUEL 23:7

David chu Keilah khua’n a chia hi ti Saul a hil un. Chuleh, Saul in, “Khawpi kulpi leh thik dâi ah ki-ûm sung ah hung tai lut ahileh, David chu Pathian in ka khut ah ei pia a hita chu,” a ti’n.