ISAI 19:3 - PATHIAN LEKHABU THIANGTHO (BSI)

³ Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;

ISAI 19:3 ပူးပေါင်းရင်းမြစ်များ

2 SAMUEL 15:31

Ahithophel in Absalom a kithuapi hi ti David a hil un. Zia phat ah chun, David in, “Aw Lalpa, Ahithophel thuhilna chu bangmalo suaksak in,” ti’n a gen tai.

2 SAMUEL 17:14

Absalom tawh Israelte zosia chun, “Arkha mi Hushai lemguat dan chu Ahithophel lemguatna sâng in a pha zawi,” a ti chiat tau a. Lalpa chun Absalom chung ah siatna a tunsak theina dingin, Ahithophel lemguatna pha tak chu bangmalo sua dingin Lalpa‘n a la lemguatsa ahi ta’ngal a.

2 SAMUEL 17:23

Ahithophel chun a lemguatna a zui puau hi ti a het phat in, a sabiltung chung ah chuang in, khawpi lam ah a In zuan in a chia tai. A Insung a suktup zaw phatin a kikhâi lum ta’n; a thi phatin a pa thânkhuk in a vui tau hi.

2 LENGTE 1:2

Ahaziah chu a pindan chungnung ah kipat a ketha’n, a liam in a kipuk tai; tichun, thupawte a sawl ah, a kiang un, “Chiau in, Ekron pathian, Baal-zebub kiang in, zia ka liamna kipat hin ka damdok diam ti vadong un,” a tia.

1 KHANGTHU 10:13

Tichun, Saul chu a ginum lo ziakin a thi tai; Lalpa thupiak zui lo in Lalpa chung in a ginum pua’n; zia bep chule hilo in, Lalpa dong lo in thitha jawlte haw po a dong zaw ta’n,

SAM 107:27

a kizial chûk chûk un, zukham gual in a hawi dong dong un; a lungthuai gam tau in, bangma ti dan a he ta puau hi.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

SAM 76:12

ama’n lengte hinna sât tan in a, lei ah lalte â dingin a lau um hi.

THUPILTE 21:30

Lalpa doi lo lam ah mihing pilna, hetthiamna leh lem guatna lawting a um ngai puai.

ISAI 14:27

Sepai honte Lalpa guanggal ahi ngal a, kua’n thulsak thei ding a hem? A khut a thâkdaw tâk ngal leh, kua a hem jukkitsak thei ding?

ISAI 15:2

Dibon chanu chu a kap dingin a thoimual in a kal to hi; Nebo leh Medeba tângvûmte chu Moab in a kâ khum tai. Luchang zosia metkol in, khamul zosia le met nâm ahi’n;

ISAI 19:1

Aigupta siatna ding thu kigen chu: En un, Lalpa chu sûmpi hat tak ah leng chung ah chuang in, Aigupta lam in a hung hi; a ma-âng ah chun Aiguptate milim haw chu kithing intin, Aigupta mite lungchang chule a sung un timaw zo ta’n au.

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

ISAI 47:12

La khangdawng lai ah kipat la bawl tâk, la âisân thiam leh dawithiamte zosia chu tuchak zing in, la hung lawtin khâk pal ah, la mêlmate la hilau thei khâk leh.

ISAI 57:16

A kum a khua’n hun mawsak zing pua’ng ka tin, la chung inle lungna zing diak pua’ng ka; achutiloleh, ka ma-âng in thagau leh, a hinnau ka siam piak nasan chu, basam zo mai ding ahi ngal in.

ISAI 8:19

Tu’hin, mite’n la kiang un, “Thugen ah phun chul chul thithate leh âisân thiamte chu dong tau inla,” a hun ti phat uh leh, mite’n a Pathian uh dong zaw lo ding a hiu em? Kua’n mihing sâng ah mithi dong zaw ding a hem?

JEREMIAH 46:15

Bang ding ah la pathian uh Apis jamsia a hem? Bang ding ah la bawngchal pathian uh, pang zo talo a hem? Lalpa‘n a vok pâi ziak ahi.

EZEKIEL 21:7

Amau in la kiang ah, Bang ding ah thûm la hem? a hun ti phat uh leh a kiang un, Thil hung tung ding ziak ahi. Lungthim zosia tuitha’n tin, khut zosia zeng intin, ngaituana zosia basam intin, khûp zosia zawitha ta’n ah. En in, hung tung ding a hita’n, guitung ziang ding ahi tai, Lalpa Pathian in a tii, ti’n gen in, a ti’n.

EZEKIEL 22:14

Nangma ka hun gawt phat leh la sekdona a pang zo in, la khut chu a pang zo na diam? Keima Lalpa hin ka gen ta’n, bawl ngal ding ka hi.

DANIAL 1:20

Pilna thu leh hetthiamna lam thu ah lengpa’n a dot taphot chu, a gam sung ah mitvaidawi thiam leh âisân thiam zosia sâng in ale’ sawm in a thiam zawu a.

DANIAL 2:2

Tichun, lengpa chun mitvaidawi thiamte, âisân thiamte, dawithiamte leh Kaldai mipilte chu lengpa mang hilchian dingin a ko khawmsak tai. A hung phat un, lengpa kiang in a hung ding tau a;

DANIAL 5:7

Dawithiamte, Kaldaite leh âisân thiamte hun ko dingin a kikojak ta’n; chun, Babulon ah mipilte kiang ah chun lengpa’n: “Kuale zia lekha kizik hi sim ah, ei hilchian piak thei taphot chu, puansandup silsak ah, a ngawng ah sana khi awsak hi’ntin; chuleh, ka lenggam ah vaihawm a pathumna pansak ding ka hi,” ti’n a gen a.

1 SAMUEL 25:37

Jingkal in, Nabal chu a zudawn kham le a hung pha ta’n; a ji chun thil um dante chu a hil phat in, a lungphût a chawl in, suangtum gual ah khawhelo in a um tai.