ISAI 19:11 - PATHIAN LEKHABU THIANGTHO (BSI)

¹¹ Zoan ah lal chate chu a ngol zo tau a; Pharaoh lemguat thiamte lemguatna chule ngolhuai a suak tai. Bangatileh, Pharaoh kiang ah, “Kei hi, malai ah lengte suan ah mi, mipil khat ka hi,” ti’thei ding la hem?

ISAI 19:11 ပူးပေါင်းရင်းမြစ်များ

1 LENGTE 4:30

tichun, Solomon pilna chun sua lam mite zosia pilna tawh Aigupta zosia pilna a khûp a.

1 LENGTE 5:10

Tichun, Hiram chun sidar thing leh châk thingte Solomon in a poimaw zosia chu a pia tai.

JOB LEKHABU 12:17

Lemguattute lawsam in a puimang ah, vaihawmte a hi’ngol hi.

SAM 33:10

Lalpa‘n nam tin lunggel chu bangmalo a chansak ah; mi tin thil guanggal chu bangmalo a suaksak sek hi.

SAM 73:22

mimawl leh bangma helo ka hi hen; nang â dingin gamsa ngong tawhbang bep ka hi.

SAM 78:12

Aigupta gam sung Zoan phâizawl ah chun, a suanteu mit mu in thilmak takte a la bawlta ngal a.

SAM 78:43

Aigupta gam ah a tepte’na etsakte leh, Zoan phâijawl ah a thilmak bawlte kha le, a he ta puau hi.

SAM 92:6

Zia chu mimawl in a hethei pua’n, mingol inle a hechian thei diak puai.

PAWTDAWNA THU 8:14

Amau chun ukêngte chu a vum vum in a luak khawm ua, a gam in a ui veng vung ziang tai.

PAWTDAWNA THU 8:4

Ukêngte chu nangma leh la mipite chung leh la miliante chung ah hung kãl ding a hiu,’ ti vagen in,” a tia.

THUPILTE 30:2

A dik tak in, mihing dingin ka mawl talua’n, mihing hetna le ka nei puai.

ISAI 19:13

Zoan ah lal chate chu a ngol zo tau in, Memphis ah lal chate chu thep zaw ah um hita lo a hiu em? A nam puituteu chun Aigupta chu a pui khial tau hi.

ISAI 19:3

Aigupta mite thil guanggal zosia, ka hisiat piak ding ziakin, a sung ua a thagau uh chu suadok piak ing ka; tichun, milimte leh mithisate, thithate leh dawi leh kaute hun dong ta’n au;

ISAI 29:14

ziaziakchun, ngai un, zia mite chung ah hin, thil kidang leh mak tak, thil lamdang tak chu hun bawl nalai ding ka hi; a mi pilteu pilna chu bei ta’n tin, lem hete lem hetna chule, sêlgûk hi zo ta’n a,” ti in.

ISAI 30:4

Gam palaite chu Zoan leh, Hanes tiang tung hial ta maleu le,

ISAI 44:25

milepchiate subuaitu, âisân thiamte hi’ngol ah, mipilte bangmalo suaksak ah, a hetnau hi’ngolpa chu ka hi’n;

JEREMIAH 10:14

Mi tin chu mimawl leh hetna bei a hiu; sana sêkte chule a milim siamteu ziakin, sukmualpho in a um tau hi; a milim siam uh chu hinna nei lo, kithepna ngen ahi ngal a.

JEREMIAH 10:21

Belampute chu a ngong bel bul un, Lalpa a dong ngai puau a; ziaziakchun, a lamzang ngai puau a, a belam honteu le a taichek zo tau hi.

JEREMIAH 46:17

Aigupta Lengpa Pharaoh chu a min dingin, “Mi husia, A Hun pha Mangkhialpa,” ti’n ko un.

JEREMIAH 49:7

Edomte chung thu ah Lalpa‘n zia gual hin a gen hi: Teman ah pilna um talo a hem? Mipilte lemhiatna bei ta maw? A pilnau bei zo ta mai maw?

JEREMIAH 8:9

Lalpa thu gen a pom lo ziak un, mipil chu mualpho intin, buaisia’n, puimang in um ta’n au; amau ah bang pilna um ahi tam?

EZEKIEL 28:17

La mêlphatna ziakin la lungthim a kiletsak in; la lopina ziakin la pilna la hi’khawlo zo tai. Lei tual in ka hun paitha tai; etnop ah a hun mat ding un, lengte âng in ka hun koidok tai.

EZEKIEL 30:14

Pathros khua hi’sia’ng ka tin, Zoan khua mei in hâl ing ka tin, Thebes khua chungchâng ah vaihawmna thu tan khum ta’ng ka.

EZEKIEL 7:26

Siatna a sawn sawn in tung intin, gâl thuthang a sawn sawn in tung in a; jawlnei ah kipat kilâkna hawl veng vung ta’n au, thiampute ah kipat zilsakna bei ta’n tin, upate ah kipat puihuaina thugen le um diak ta pua’n a.

OBADIAH 1:7

La pankhawmpite zosia’n, a hun thêm tau ah, gamgi tiang a hun naw mang tau hi; la kizawppiten nangma a hunzo tau hi; la vaithum nete’nle la awkna ding, thâng a kam tau in, hetthiamna him him a um ta puai.

OBADIAH 1:8

Zia ni chuleh Edom lak ah, mipilte sumangthai ing ka tin, Esau tâng ah kipat hetthiamna, sumangthai ing ka, Lalpaa tii.

KISIMNA LEKHABU 13:22

Negeb zuan in a chia to ua, Hebron a tung un; zia tak ah chun Anak mite Ahiman, Sheshai tawh Talmaite a la chêng un. (Hebron chu Aigupta gam ah Zoan khua sâng ah kum sagi ah um masa zaw ahi.)

NASEPTE 7:22

Tichun, Mosi chu Aigupta pilna zosia zilsak a hung hi’zaw phatin, thugen leh nasep ah thilhithei tak a hung hi tai.