ISAI 18:7 - PATHIAN LEKHABU THIANGTHO (BSI)

⁷ Zia hun phat chuleh, sepai honte Lalpa â dingin kipakna thilpiak, mi sâng leh nal te, mi zosia tizat, a gamla leh a nai tuam ah mite, gâlhat leh guallel ngailote, luiliante’n a khenna gam ah chêngte chun, sepai honte Lalpa min lamna, Zion tâng ah chun hun chawi khawm ta’n au.

ISAI 18:7 ပူးပေါင်းရင်းမြစ်များ

2 KHANGTHU 32:23

Mi tam tak in Jerusalem khua Lalpa kiang ah thilpiakte hun chawi in, Judai gam ah Lengpa Hezekiah â dingin thilpiak lûl tak tak a hun pekhawm tau ah; zia kipat chun nam tinte mit mu ah nasa tak ah choisa’n in a hung um tai.

SAM 68:32

Lei ah lenggamte haw, Pathian chawihoi in La sau inla; Lalpa choihoina La sa tau in. (Selah)

ISAI 16:1

Gamthip lampi hun hawtheng in, Sela khua kipat in, gam vaihawmtu â ding belamno, Zion chanu umna mual ah chun a hun thot ui.

ISAI 18:2

phâiluang ah pum kisiam chung ah, Nail luipi dung ah kitawl ah, gam palai sawl sekte tak chu aw! Chia kin un, nanghaw thangko kin-gangte haw, a gam uh luiliante’n a khen uh, nam sâng leh mi tuai phate, a gamla leh a nai ah umte’n a kichâk uh, nam hat leh gal zo zingte kiang ah chun chiau in.

ISAI 18:4

Zia gual hin Lalpa‘n ka kiang in a gen ngal a: Sûnpi nilum lai tak gual leh, pawltâk khawlum lai ah jan daikia gual in, ka chênna mun ah kipat in thipbek in hun en suk ing ka.

ISAI 45:14

Zia gual hin Lalpa‘n a gen a: Aigupta gam ah hausakna leh, Ethiopia gam ah sumkawlveina thil zosia, mi duangting tak tak Sabeante chule, la kiang ah hung intiu in, nang uh chang ta’n la tiu in, la nung uh hun zui ta’n au; thîkkol but kawm ah hung in, la mau ah hung khiangkho ta’n au. La kiang ua la jangainau don in, “Nang uh kiang bep hin Pathian a um in, kuama dang kiang in a um puai; ama tilo ngâl Pathian dang him him a um puai,” hun ti ta’n au.

MIKAH 4:13

Aw Zion chanu, kipan inla, chil in; la kî chu thik gual leh, la tinte chu sum-eng gual in siam ding ka hi’ngal a; mi tam takte chu vaw gawp in la tin; zia chung ah punna chu Lalpa â dingin koi chuam inla, a hausaknau zosia chu leilung pumpi, Lalpa â dingin koi chuam ta’n lau.

HABAKKUK 1:7

A lau um in, a tizat um ma mau a, a vaihawmnau leh a lopinau chu, amau ah kipat in a pawt hi.

ZEPHANIAH 3:10

Ethiopia gam ah lui gâl lam te tiang ah, ka mipi kithejakte’n a thil piakteu hun chawi khawm ta’n au.

MALAKI 1:11

Ni suakna lam ah pat a tumna tiang in ka min namtin lak in a thang ta ngal a; muntin ah ka min in gimtui leh thillat thiangtho chu lat ahi ngal a; namtin lak in ka min chu a lopi ngal a, sepai honte Lalpa chun a ti ahi.

MATTHAI 2:11

In sung ah a lut ua, a nu Mari tawh nausen chu a muu a; bokkhup in chibai a bûk ua, a gobawmteu hong in, kipakna thilpiak sana, begaw leh murra a piau a;