ISAI 18:4 - PATHIAN LEKHABU THIANGTHO (BSI)

⁴ Zia gual hin Lalpa‘n ka kiang in a gen ngal a: Sûnpi nilum lai tak gual leh, pawltâk khawlum lai ah jan daikia gual in, ka chênna mun ah kipat in thipbek in hun en suk ing ka.

ISAI 18:4 ပူးပေါင်းရင်းမြစ်များ

2 SAMUEL 23:4

jingkal khawvak lim gual leh, sûmpi umlo jingkal ah nisa suak gual leh; hampa chung ah gawzu, val sit set gual chu ahi.

2 KHANGTHU 6:21

Chuleh, zia mun lam hi la ngat ah, la suakpa leh la mipi Israelte a hung pauchap phat ua leh, a dotnau dawnhu dingin a la ngaitha sek in; van ah la umna kipat in hun dawnhu sek inla, a la ngaitha piak inla, ngaidam sek in.

SAM 72:6

Lengpa chu hampa ki-âttan chung ah, gawtui kia gual leh, lei hul chung ah gawmal kia gual hita hen.

THUPILTE 19:12

Lengpa siatsona chu sakeibaknei kitum gual ahi’n, a doisakna ahileh vang hampa chung ah dâi kia gual ahi.

ISAI 12:6

Ngai tak in kiko unla, lim in La sa un; aw nanghaw Zion ah chêngte haw, la lak ua lopi tak ah um chu, Israel Mithiangtho chu ahi ngal a.

ISAI 14:32

Nam palai ah hungte chu kua’n bangti’n a dawnhu ta diam? “Lalpa‘n Zion a tungding ah, a mipite lak ah tasamte chun, ama ah chun bitna mu ta’n au”.

ISAI 18:7

Zia hun phat chuleh, sepai honte Lalpa â dingin kipakna thilpiak, mi sâng leh nal te, mi zosia tizat, a gamla leh a nai tuam ah mite, gâlhat leh guallel ngailote, luiliante’n a khenna gam ah chêngte chun, sepai honte Lalpa min lamna, Zion tâng ah chun hun chawi khawm ta’n au.

ISAI 26:19

La mithite chu hung hing kit intin uh, a luang damsau chu hung thodok kit in au. Aw nang uh, leivui chang zo sate haw, hung hal unla, kipak in La sa tau in! La daitui chu daichîm ahi’n, kum sawtpi a la thi tate chu, lei in hun hinsak kit in a.

ISAI 26:21

Zia lei chung ah chêngte bawsiatna gawt dingin, Lalpa chu a umna kipat hung pawtdok ding ahi ngal a; lei hin a chung ah thisan kisua chu hun tâklang ta’n tin, a mi tha’lupte chu sêlgu ta pua’n a.

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 46:13

Ka hukdamna chu ka hun koinai a, gamla tak in a um ta puai; ka hukdamna chun khawdâng sawt talo ding ahi. Ka lopina Israelte â dingin, ka hukdamna chu Zion ah koi ding ka hi.

ISAI 57:15

Mi chungnung, choisa’n ah um leh, kumtuang ah hing zing, a min Thiangtho kiti chun, zia gual hin a gen ta’ngal a: Mun sâng leh thiangtho ah chun ka chêng in, chuleh, mi kingainiamte hinna suhal ding leh, kisik ngawi ngawite lungthim, suhal kit dingin, lunggil ah kingainiamte leh, kisik ngawi ngawite kiang inle ka um hi.

HOSEA 14:5

Israelte â dingin jan daitui gual hi’ng ka tin; lili gual in hung pâk lûn intiu in; Lebanon gammâng thing gual in zung khaw in au.

HOSEA 5:15

A hi’khelnau a hun hetdawu ah, ka mai a hun hawl masiau chu, ka umna lam ah kile’kit ing ka. A lunggimna ziak un ka doisakna chu hun don ta’n au.

JOEL 3:17

Chutichun, kei Lalpa la Pathian uh, ka tâng thiangtho, Zion ah ka chêng hi ti hun he ta’n lau. Jerusalem chu thiangtho intin, mikhualte’nle haw malam kit ta pua’n au.

AMOS 3:7

A dik tak in Lalpa Pathian in a suak, jawlneite kiang ah thugûk hil masa lo in, bangma a bawl ngai puai.