ISAI 18:3 - PATHIAN LEKHABU THIANGTHO (BSI)

³ Ngai un, nanghaw lei chung ah chêng zosiate haw, mualvum ah tepte’na diallap hung kikhâi ding chu en un! Pengkul a hung kimut phat leh a la ngai un!

ISAI 18:3 ပူးပေါင်းရင်းမြစ်များ

SAM 50:1

Hat Chungnung, Lalpa Pathian chun thu a gen a, leilung hi ni sua’na lam ah kipat, a tumna lam tiang in a ko tai.

ISAI 1:2

Aw vante, hiau inla, aw lei chung, ngai in; Lalpa‘n thu a gen ta ngâl a: Chate ka hing ah, ka dontei ta’n, ahi’n, ei do in a hung pang tau hi.

ISAI 11:12

Nam tinte â dingin tepte’na diallap tâkdaw piak intin, Israelte lak ah nawdaw ah umte leh, Judah lak ah the’chek ah a la umte chu, lei killi’ kipat in hun lakhawm kit in a.

ISAI 13:2

Tângsâng tak chung ah diallap tâkdok unla, ngai tak in uau un; miliante kotpi a bulu theina ding un la khut un jap un.

ISAI 13:4

Ngai un, mipi tam tak husa gual in tâng lam ah husa! Ngai un, lenggamte leh namtinte kipun khawmna husa chu! Sepai honte Lalpa‘n kido’na dingin sepai hon a pui khawm hi!

ISAI 26:11

Aw Lalpa, la khut chu la tha tai, maleh, zia chu a mu puau hi. La mite â ding ah la phatchuam ngaina hun muu hen la, mualpho tau hen. La mêlmate â ding ah meikuang chun, kâng tum ta hen.

ISAI 31:9

A kulpi detdo takteu chu, tizat umna ziakin chim intin; sepai hotute’n le a panmunteu chu, lauthawng tak in nusia ta’n au,” ti’n, Zion ah meikuang leh, Jerusalem ah tummeipi Lalpa chun, a gen ta’ngal a.

ISAI 49:22

Lalpa Pathian in zia gual hin a gen hi: Nam tinte lam in ka khut lâm ing ka tin, mitin kiang ah ka tepte’na tâkdok ding ka hi; tichun, la chapateu chu hun âng pai in, la chanuteu chu hun liangkawlosot in lau.

ISAI 5:26

Gamla tak ah nam khat kona tepte’na hun bawl intin, leimong langkhat lam ah mite ko’na saisilît hun mût in a; a kinthei pen in, kin tak in, a hung taikhawm ui!

ISAI 7:18

Zia ni chuleh, Lalpa‘n Aigupta gam ah luinâkte ah thosi um zosia tawh, Aigupta gam ah khuai um zosia chu saisilît in hun ko khawm in a.

JEREMIAH 22:29

Aw gam, gam, gam! Lalpa thu hi ngai tiam un!

JEREMIAH 51:27

Zia gam chu do dingin kipan unla, namtin lak ah pengkul mut un; ama do dingin namtin siam unla, ama do dingin Ararat, Minni leh Ashkenaz lenggamte hi ko un; ama do’na gâl mapui ding guat unla, khaubepi hon gual in sakolte chu hun pui khawm un.

MIKAH 1:2

Nang uh chitinte leh lei lung leh, a sung ah um zosiate haw, ngai un; Lalpa chu a biak In thiangtho ah kipat in a hung pawt in, Lalpa Pathian chu nang uh kãl ah hiatpitu hita hen.

MIKAH 6:2

Mualte haw, Lalpa demna thu hi la ngaitha tau in; nanghaw lei kingaknate haw, ngaitha tau in; Lalpa’n a mite a nial tai. Israelte chule hun nial ding ahi ngal a.

MIKAH 6:9

Lalpa’n khawpi chu a hun ko hen: (la min ki’châk chu pilna dik ahi;) Aw phung tin leh khawpi ah mipite haw, hiau in!

ZEKARIAH 9:14

Ziaphat chuleh, a chung un Lalpa hung kilang ta’n tin, a thalchangte chu kawlphe gual in hung kikhawdok ta’n a. Lalpa Pathian chun pengkul mût in, mallam chîmpeite lak ah kipat in hung kijawtdok ta’n a.

MATTHAI 13:16

Nanghaw mit vang a hampha ahi; la nakhang uh le a hampha ahi, a hiat thei ziakin.

MATTHAI 13:9

Kuale hetna ding ah nakhang nei chun he tau hen,” a tia.