ISAI 17:8 - PATHIAN LEKHABU THIANGTHO (BSI)

⁸ amau khutsuak mâichâmte leh a khutzung un a siamte leh, a dawikhuamteu, ahiloleh a gimtui hâlna mâichâmteu chu ngaisak ta pua’n au.

ISAI 17:8 ပူးပေါင်းရင်းမြစ်များ

2 SAMUEL 22:42

A en vêl un, maleh amau hukdok ding kuama a um puai; Lalpa kiang in a kapdok unla, himaleh, ama’n a dawnhu puai.

2 KHANGTHU 14:5

Judai gam ah khawpi zosia kipat thoimual leh gimtui mâichâm kisiam zosia chu a thialnâm sik sek hi. Tichun, ama lal sung in lenggam chu thamuang tak in a um tai.

2 KHANGTHU 31:1

Zia zosia chu a hun bawl zaw phat un, zia kikhopna pang Israelte zosia chu Judai gam ah khawpite ah chun a chiauah, pathian lim ah kisiam suang khuamte leh dawikhuamte chu a khênchim tau ah; chuleh, Judai gam, Benjamin gam, Ephraim gam leh Manasseh gam sung ah thoimualte zosia a susia suak tau a. Zia gual ah chun Israel mipite chu a khawpiu chiat leh a In mun lam chiat un a chia kit tau hi.

2 KHANGTHU 34:4

Ama thu’n Baal hona mâichâmte chu a susiau ah; milim hona mâichâm a chung lam ah um haw chule a hun kai chim tau hi. Dawikhuamte leh milim sunthaw leh kikhuak ah kibawlte chule a khen chim ah; ziate chu a gawtbuang ah, ziate kiang ah kithoina a la bawl sekte haw thân lak ah chun a gawtbuangte chu a the’ tai.

PAWTDAWNA THU 34:13

A mâichâmteu la hisiat ding, a milimteu leh a dawikhuamteu chule la hichip ding ahi;

ISAI 1:29

La limpi ma ma gangpi thingte ziak ah chun mualpho ta’n la; huan ding ah la têlnau munte chule, la mualphonau hung hizaw ta’n a.

ISAI 10:20

Zia ni phat chuleh, Israelte lak ah a thibang sunte tawh, Jakob Inkuan ah a suakcha sunte chun, amau gawtte ah kinga talo in, Lalpa Israel Mithiangtho ah chun ti tak tak in kinga zaw ta’n au.

ISAI 17:9

Zia ni phat chuleh, a khawpi detteu chu Hivte leh Amor mi te’n Israelte ziak ah a nutsianau munte gual chu hung hi’ntin, a hawm ah nutsia hita’n au.

ISAI 2:8

A gam uh milim in a dim ah, a khutsuak uh, amau khutzung ma ma’n a bawlsate chu a ho ui.

ISAI 27:9

Zia jal ah chun Jakob mawna zosia sukthian hung hi’ntin, zia chu a gitlona zosia noimangna hita’n a; mâichâm ah suang te, suangmuat gual ah gawtbuang a hung hi’phat leh, dawikhuam leh mâichâmte â ding um ta pua’n a. Asherim zosia leh gimtui hâlna mâichâm zosia, a dial zo um ta pua’n au.

ISAI 30:22

Ziaphat chuleh, dangka tuiluan ah milim kisiamte leh, sana tuiluan ah milim kisiamte chu hun khên tel ta’n lau. Puansia ki’dak um tak gual in pai mang in, “Pawt mang tau in,” hun ti ta’n la.

ISAI 37:19

chuleh, a pathianteu chule mei lak in a la se’lut piak zo tau ah, ziate chu pathian le chu a hipaw him un; mihing khutsuak, thing leh suang ah kisiam a hiziak un hisiat ah um him a hiu a.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 44:15

Ziaphat chuleh, thingkhua ah mat thei in a hung khanglian ah. A khenkhatte mei awi ding ah tik in a kihailum ta’n; a khenkhatte chu thukkhûk in a tik ah, an huanna’n a mang tai. Chuleh, a dang cheng chu pathian in a siam ah, a ho ta’n; pathian lim in le a siam ah, a ma-âng chun bokkhup in a ho tai.

JEREMIAH 17:2

a tu leh chateu in thingbul tin leh mualvum tincheng leh, gamlak tincheng ah a mâichâmte uh leh a dawikhuamteu chu a hezing ngal un.

EZEKIEL 36:25

Tui thiangtho hun the’khum ing ka tin, la buakna zosia leh milimte ziak ah la buakna zosia lak ah kipat in hun hi’thiang ta’ng ka.

HOSEA 14:8

Aw Ephraim, milimte chu ka bang ah pang ding a hem? Nangma dawnhu ah, hun vêngpa chu keima ka hi’ngal a. Châk thing hing zing gual chu ka hi’n, la ginumna chu keima ah kipat hung ahi.

HOSEA 14:9

Mipil taphot chun ziate hi hechian tau hen; hiatthiamna nei taphot in zia chu he tau hen. Lalpa lampite chu a dik in, mi dikte’n zia chu a haw un; himaleh, bawlsiate vang, zia chun a kipal pûk sek ui.

ZEPHANIAH 1:3

Mihing leh ganhing zosia, sumangthai ding ka hi; chunglêng vachate leh, tuisuagiat ah sangate tawh sumangthai ding ka hi. Mi nunsiate kipalsak ing ka tin, lei chung ah kipat in mihing cha sumangthai ding ka hi, Lalpa‘n a tii.

ZEKARIAH 13:2

Zia ni chun, gam sung ah kipat thagau buakte leh Jawlneite paidok sik sek ing ka tin, amau hetzuina um ta pua’n a; chuleh, gam sung ah kipat in jawlneite leh thagau buakte paidok sik sek ta’ng ka, sepai honte Lalpa‘n a ti ahi.

DAN LEKHABU 7:5

Amau chu zia gual ah hin bawl un: A mâichâmteu chu hisiau inla, a suang phuteu khen bong unla, a dawikhuamteu chu phûk unla, a milim bawlteu chule hâl tum un.