ISAI 17:4 - PATHIAN LEKHABU THIANGTHO (BSI)

⁴ “Ziaphat chuleh, Jakob lopina chu kainiam hi’ntin; a thauna chu sukgawn hita’n a.

ISAI 17:4 ပူးပေါင်းရင်းမြစ်များ

THILSIAM THU 41:3

Ziazaw chun, bawngpi gawng chin chen leh gêp lik lek pasagi dang, Nail luipi’ kipat chun a hung pawtdok kit un; Nail luipi gei ah bawngpi dangte kiang ah chun a hung ding tau a.

2 LENGTE 17:3

Zia lai ah chun Assuria Lengpa Shalmaneser chu ama do dingin a hung kuan to ah, Hoshea chu a thunuai in a koi ziang ta’n, ziaphat ah chun thilpiakte chu a hun pia tai.

2 LENGTE 17:6

Hoshea leng ahi kum kua ahi’na chun, Assuria lengpa chun Samaria chu a hun la, Israelte chu Assuria lam ah chun sal in a pui mang ah; Gozan luilian pâm ah Halah mun leh Habor mun leh Mede khawpite ah chun a umsak tai.

ISAI 10:16

Ziaziakchun, sepai honte Lalpa, Chungnung penpa chun a sepai hangsan takte lak in, thachauna natna hun tun intin, a lopina’n meikuang gual in hun kângna ding ahi.

ISAI 10:3

Gawtna la hun tuak phat uh leh, gamla tak ah siatna chu, la chung ua a hung tun phat leh, bang la law ta diam? Pani’na hawl ah kua kiangah chia in, la hausatna kua kiangah nusia in,

ISAI 10:4

suangkul ngak ding ah sawl lut leh, a thite lak ah um ding bep in a um tau ah; Chutisapi’nle, a lung a dam diak puai, a khut a lâm nalai lai hi.

ISAI 17:3

Ephraim ah kulpite chu bei ta’n tin, Damaska ah kipat lenggam le bei ta’n a; Suria mite lak ah a thibang sunte chu, Israel chate lopina tawhbang bep hita’n au,” sepai honte Lalpa chun a tii.

ISAI 24:13

Oliv ga khet pul ah a um gual leh, grep lâk khawm hun kichai phat ah, chomkhialte lâk khawm gual in, lei chung ah namtin lak in um in au.

ISAI 24:16

Kawlmong ah kipat in, Mithiangtho pâkna La sak git I hiau hi. Himaleh, keima’n: Lungkham ah thi ding ka hi tai! Lungngai ah thi ding ka hi tai, ka chung a gik na e! Mi dawhathûk chun dawhathûk tak in a bawl in, dawhathûk chun dawhathûk zaw sêm in a bawl hi, ka ti hen.

ISAI 9:21

Manasseh in Ephraim a ne’n, Ephraim in Manasseh a ne’n; a paniu in Judah a do ui. Zia gual ah a bawl zaw nung chunle, a lungnatna a dai diak puai; a khut chu a lâm zing ngal a.

ISAI 9:8

Lalpa‘n Jakob kãl in thu a gen a, zia chu Israelte chung in a chu tai.

EZEKIEL 34:20

Ziaziakchun, Lalpa Pathian in a kiang un zia gual hin a gen hi: Keima ma’n belam thau leh a gawngte kikâl ah vaihawm ding ka hi.

AMOS 3:12

Lalpa‘n zia gual hin a tii: Belampu’n sakeibaknei kam ah kipat sakeng pani a hem, a bil them khat a hem a hukdaw gual in, Samaria ah chêng Israelte chu chutna ning khat leh lupna kilning khat a hem tawh hukdok in um in’au, ti in.

ZEPHANIAH 2:11

Lalpa chu a chung un huham intin, lei chung ah pathian zosia lau ah kithinsak ta’n tin; mitin in a umnau mun chiat ah kipat tuisuagiat pâm leh, tuikual gam zosia ah kipat in, a âng ah hung bokkhup ta’n au.