ISAI 17:13 - PATHIAN LEKHABU THIANGTHO (BSI)

¹³ Namtin tuisânglet husa gual in, a kitum lut lut ui; maleh, Pathian in amau chu vau intin, busi hui in a mut mang gual in, mual lak ah del chek ah um in, chîmpei in leivui a mûtlên gual in, gamla tak ah jam mang ta’n au.

ISAI 17:13 ပူးပေါင်းရင်းမြစ်များ

JOB LEKHABU 21:18

Bang jat vei tak hui in a mut mang sek chângvai leh, thigua’n a tawmang sek busi gual in a um sek awm?

JOB LEKHABU 38:11

a kiang un, “Zia tiang bep hi hung pha unla, a khêl lam vang la hung pêl lo ding uh ahi, zia tiang ah hin la tui kinawk le, a tawp sek ding ahi,” ka ti’piak a.

SAM 1:4

Mi nunsiate vang zia gual chu ahi puau hen, busi hui in a tawmang gual bep ahi zawu hi.

SAM 35:5

Busi hui in a taw mang gual in um uh hen la, Lalpa vansawlchâk in del mang ta hen!

SAM 65:7

Tuisuagiat gi hum hum, tui kinawk gite leh mipi husa lul lul te, hi’thippa chu nang la hi.

SAM 65:8

La tepte’na bawlte ziakin, kawl kîmvêl tiang ah chêngte chunle, a hun tizau a; jingkal â ding ah kotpi la bawl piak a, nitâk chu lim in la kikosak hi.

SAM 9:5

Namtin la zilgai ah, mi nunsiate la gawt chimit ah, a min uh le kumtuang, kumtuang â dingin la thai mang tai.

ISAI 14:25

Ka gam sung ah chun Assuriate chu hi’chimit ing ka tin; ka mualte chung ah chun palchek ding ka hi; ziaphat chuleh, a ngawngkol uh lâk thâk hita’n tin, a liangko ua kipat a puakgik uh lâk thâk hita’n a.

ISAI 21:15

Chemjam ah kipat leh chemjam jukdawsa lak ah kipat leh, thalpi kiloisa, kido’na lau um tak lak ah kipat hung taidok ahi ngâl un.

ISAI 22:18

hun pei luhâi ten intin, a zaw leh gam thawveng tak ah chun hun paimang in ah; zia tak ah chun thi ta’n la tin, la sakol kângtalai kisuanpi takte chule kizam tek tuk ta’n au. Aw nang, la pu Inkuante himualphotu ding bep hung hita’n la!

ISAI 27:1

Zia ni phat chuleh, Lalpa chun a chemjam hiam tak, thupi tak leh hat tak chu mang in, gulpi lengthei Leviathan gulpi kikual ngiau nguau chu hun gawt intin; chuleh, tuisuagiat ah dragon chu hun that in a.

ISAI 29:5

Himaleh, la mêlmate chu vang, leivui nêl gual bep hi’ntin uh, mi khawksak bei ah tawite chule, busi hui in a taw mang gual bep hung hita’n au. A kigin lo kâl un phutlo in, zia gual siatna chu a chung un tung intin;

ISAI 30:28

A hat git chu luicha tuilet, ngawng tiang ah luang gual chu ahi; nam tinte chu, khendanna leidâl ah sêp in, mite’n a kaimangna ding un kam khau bul ta’n au.

ISAI 34:17

Amau channa dingin âi a sân ta’n, a khut in a gam ding uh khen thâk piak in, khau a zan tai; zia tak chu kumtuang in lua ta’n tiu in, a khang a khang in chêng zing ta’n au.

ISAI 40:15

Namtin hile bâltin ah tui vat khat gual bep a hiu in, bûkna te’na kuak ah leivui bek gual bep a hiu; en un, ama’n thialkâl gamte hi, leivui nêl gual bep in a ladok sek hi.

ISAI 40:24

Phû ahi masang leh, tû ahi masang leh lei ah a zung uh a thâk masang un, a chung uh a hun mût sak phatin, a vuaitha zo tau ah; busi gual in huipi chun a tokmang tai.

ISAI 41:11

La chung ah hachang thak zosia chu, himualpho leh hi’zachat in um in au; nangma hun dâl tapo chu, bangmalo suak in mangthai in au.

ISAI 8:7

Lalpa chun Luipi tui hat tak leh tam tak, Assuria lengpa ngei chu, a lopina zosia tawh, a guam leh a luikam zosia luanglet gual in hun luan lutsak ding ahi;

DANIAL 2:35

Chuleh, thîk tawh, tung tawh, sum-eng tawh, sanate chu a leng un nipi lai ah buphual ah busi gual mai in a buang dim dem tau ah; chuleh, hui in a hun mût mang ta’n, a um nau him himle mu ding a um ta puai. Himaleh, zia milim hun sepnawn suangtum chu mual lian tak hung suak in, lei chung pumpi a hun lua suak tai.

HOSEA 13:3

Ziaziakchun, amau chu jingkal phâisûm a hem, jan dâichîm bei kit pai ziang sek gual a hem leh, phual ah busi hui in a mut mang gual leh, tukvan ah meikhu leng mang gual chu hi’n au.

ZEPHANIAH 2:2

busi hui in a mut mang gual ah naw mang ah la um masang un, la chung ua Lalpa lungnatna huaisia tak a hung tun ma ah, la chung ua Lalpa lungnatna lau um tak a hung tun masang hin.