ISAI 17:10 - PATHIAN LEKHABU THIANGTHO (BSI)

¹⁰ Nang in la hukdamna Pathian la hemil ta’n, la kisêlna Suangpi chu la he’pha ta paw’ngal a; ziaziakchun, thâichi doi um tak tak te chîng malehchin le,

ISAI 17:10 ပူးပေါင်းရင်းမြစ်များ

1 KHANGTHU 16:35

“Chuleh, a kiang in zia gual hin gen un: Aw, ka hukdamnau Pathian, ei hukdok inla, namtin lak ah kipat ei hukdok in ei pui khawm in; chutileh, la min thiangtho hi pakcha thei ing ka tiu in, nangma choihoina chu kisuanpi thei tâng kau.

SAM 106:13

Ahi’n la, a thilbawlte a hemil pai un, a lemguatna a ngâk zo ta puau hi.

SAM 106:21

Pathian, amau Hukdampa leh, Aigupta gam ah thil lopi takte, a la bawlpa chu a la hemil tau a.

SAM 18:2

Lalpa chu ka suangpi, ka kulpi det leh ei hukdokpa ahi; ka Pathian, ka kisêlna suangpi, ka phaw leh ka hukdamna kî leh ka kulpi ahi.

SAM 31:2

Keima lam ah la nakhang hun daw inla, ei hukhing kin in. Ka kisêlna suangpi leh, ei hukhingpa ding ah kulpi det hung hita’n.

SAM 65:5

Aw ka hukdampa Pathian, tizat um tak ah thilbawl in gâl zaw’na’n lei dawnhu ta’n: nang chu kawl kîmvêl tiang ah mi zosia leh, tuisuagiat gamla pen tiang ah umte kinepna chu la hi.

SAM 79:9

Aw ka hukhingpau Pathian, la min lopina dingin ei panpi in; la min ziakin ei hukdok inla, ka gitlonateu ngaidam in.

SAM 85:4

Aw, ka hukdamnau Pathian, ei tungding kit inla, ka chung ua la lung hilona chu koimang ta’n.

SAM 9:17

Pathian hemil nam zosia leh mi nunsiate chun, Sheol lam zuan ta’n au.

ISAI 12:2

Ngaitia, Pathian chu ka hukdamna ahi; ama ah kinga’ng ka tin, lau pua’ng ka; Lalpa Pathian chu ka hâtna leh ka La ahi’n, ka hukdamna a hung hi tai.

ISAI 17:9

Zia ni phat chuleh, a khawpi detteu chu Hivte leh Amor mi te’n Israelte ziak ah a nutsianau munte gual chu hung hi’ntin, a hawm ah nutsia hita’n au.

ISAI 18:5

Grep ga law masang ah, a pâk a pul nung ah, a pâkte chu grep ga min a hung suak tau a; a selthakte chu chemkon in hâthiang intin; a bâkjamte chu sâttha’n a.

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 26:4

Bangtik lai inle Lalpa chu ging in, Lalpa Jehovah, kumtuang suangpi det tak chu, la nei ngal a.

ISAI 30:29

Israelte Suangpi kiang ah chia ding ah, Lalpa tâng thiangtho ah theile tawh mite a chia lai ua, a lungthim uh a kipak ma ma gual leh, kût thiangtho la bawl jan ua lim tak ah la um gual un, La hun sa ta’n lau.

ISAI 33:2

Aw Lalpa, ka chung un ja’ngai in, nangma ngâk ka hi’ngal un. Jingkal si’n leh ka hatnau hung hi’n la, lungdon phat si’n leh ka hukdamnau hung hita’n.

ISAI 44:8

Lau kiu inla, lauthawng him him kiu in; masang lai ah kipat khan ka hun hilsa leh, ka la puanlatsa hita lo a hem? Ka thu hiatpite la hiu! Keima tilo ngal Pathian dang a um him him em? Suangpi det dang a um puai; pakhat chale ka hepuai.

ISAI 51:13

Nangma hun Siampa Lalpa chu la hemil ta’n, ama’n vante kaimal in, lei pumpi kingaknate a lem hi. Hi’mangthai ziang ding ah um hita, a hun nuaisiate lungnatna chu lau in, sun nitum in la um ui. Mi nuaisiate lungnatna chu, khoilam tung zo a tam?

ISAI 61:10

Lalpa ah chun nasa tak ah kipak in, ka pumpi’n ka Pathian chawihoi ing ka; ama’n hukdamna puan in ei thuam in, dikna puan ei khû ta’n, pâkkhi vui ah mopa a kithuam gual leh, mo chu sana kijem gual in, ei jem ta’ngal a.

ISAI 62:11

Ngai un, Lalpa‘n kawl kîmvêl tiang ah mite kiang in, zia thu hi a puang jak tai: Zion chanu kiang in zia gual hin gen un: “Ngai in, la hukdamna a hung tung tai; ngai in, a kipakman chu a chawi in, nasep man ah a piak ding chule, a ma-âng in a um hi,” ti in.

JEREMIAH 12:13

Gehu bu a chîng un la lingga a ât tau a; tha chawl tak in sêmgim maleu le, bangma lawkna a mu puau hi. Lalpa lungnatna huaisia tak ziakin, a ga luak uh chu mualphopi ta’n au.

JEREMIAH 17:13

Aw Lalpa, Israelte kinepna! Nang hun nusia zosia mualpho in au; nang hun nusia tapo chu, nuaimi lam ah tepte hita’n au; amau in hinna tuikhuk Lalpa chu, a nutsia tak ziak un.

JEREMIAH 2:32

Nungak in a kicheina matchâkte leh, monu’n a mo puan chu a hemil thei awm? Ka mite’n vang ni sim sên lo sung, ei hemil tau hi.

JEREMIAH 3:21

Tângsip kol vel vul lam ah kipat in, kâ thawm het ahi’n; zia chu Israelte kap kawm ah thil don chu a hiu, Lalpa, a Pathian uh hemil ah ah, a la tawi khawlo zaw tâk ziak uh ahi.

EZEKIEL 22:12

Nangma ah thisan sua’na dingin golgûkna a lau ah; sum bat man ding leh a sum pung la lau a; chuleh, la Invêngte neisa lâkpiak in kihihausat la guau a; tichun, keima lei hemil tau hi, Lalpa Pathian in a tii.

EZEKIEL 23:35

Ziaziakchun, Lalpa Pathian in: Keima ei hemil ah lei nungngatsan tâk ziakin, la thanhuaina leh la kizokna ziak ah la chung ah tung ding hi thuak in, ti’n a gen a.

HOSEA 4:6

Ka mite chu hetna a tâksap ziak un sukmangthai a hiu a; nang in hetna la paithâk ziakin, ka thiampu la hi’na kipat in ka hun paitha tai. La Pathian dan la hetmil tâk ziakin, ke’nle la chate hemil ding ka hi.

HOSEA 8:14

Israel in ama Siampa a hemil in, lal Inpite a sau a; Judah in khawpi kul neite a hi’pung a, ahi’n la, a khawpite chung ah mei sawl ing ka tin, a khawpi siamdette chu kâng tum in a.

JOEL 1:17

Thâichi mute chu lei tang keu in a kânggam ta’n; bu Inte chu a hawm ngen a hita’n; bubûkte chule a koi ding bu umlo ziakin, phel thâk ahi zo tai.

THIAMPUTE LEKHABU 26:16

ke’nle la chung un zia gual hin hun bawl ding ka hi: La chung un thil lau um hung tung intin, sukdam kit theilo natna leh luchang natna, la mit hi’thûm ding leh la hin nau chawpkang ding hivei hun lênsak ding ka hi. La thâichiteu la mêlmateu in nek zaw piak ding a hiu.

THIAMPUTE LEKHABU 26:20

La hatnau a thawn in sêng in la tin uh, la louteu in ga sua pua’n tin, gam ah thingte’n le ga sua diak pua’n au.

AMOS 5:11

Migentheite la tawden un, A bu neisun lei man ding ah lak piak a, chênna ding suang In kisak maleu, a sung in chêng diak pua’n lau; grep huan pha takte la bawl un, maleh, a gatui dawn pua’n lau.

HABAKKUK 3:18

Lalpa ah chun kipak zing ing ka tin; ka hukdamna Pathian ah chun kipak zing ing ka.

ZEPHANIAH 1:13

A hausaknau chu suam in um intin, a Inteu chule a hawm ah nutsia hung hi’n a. Inte sa maleu, chênna’n nei diak pua’n tiu in; grepte phu maleu, a grep phuteu tui chu dawn diak pua’n au.

DAN LEKHABU 28:30

La ji ding ua la hualsau chu pawsal dang khat in a la luppi ta’n au. In sa maleu chin chêng pua’n lau. Grep huan bawl maleu chinle ne diak pua’n lau.

DAN LEKHABU 32:15

Jakob in a vâ tawk in a ne’n; Jeshurun hung thau in, a hung mom tai. Nang chu la hung thau ah, la hung mom ah, la hung mâm tai! Ama siampa Pathian chu a kiheisan ah, a hukdamna Suangpi chu a hun simmaw tai.

DAN LEKHABU 32:18

Nangma hun hingtu Suangpi chu, la ngaisak puau ah, nang uh hun siampa Pathian chu, la hemil tau hi.

DAN LEKHABU 32:31

A dik tak in amau suangpi chu, ei uh Suangpi tawhbang ahi puai; I mêlmateu chu mingol ngen a hiu.

DAN LEKHABU 32:4

Ama I Suangpiu, a thilbawl ah pha bukim, a lampi zosia dikna ngen ahi. Pathian ginum leh zuau bawlna um lo, thu dik leh dik tak ah bawl ahi’n;

DAN LEKHABU 6:12

Aigupta gam ah suak leh saltânna In ah kipat nanghaw hun puidokpa, Lalpa la hetmil lona ding un chingthei un.

DAN LEKHABU 8:11

Lalpa la Pathian uh hemil ah, tu’ni ka hun thupiak a thuthungte, a dan thute leh a vaihawmna thute hi zui lo ah la um lona ding un chingthei tak in um tau in.

DAN LEKHABU 8:14

hung kingaisâng talua’n, Lalpa la Pathian uh, Aigupta gam ah suak leh sal tânna In ah kipat leh,

DAN LEKHABU 8:19

Ahi’n la, Lalpa la Pathian uh chu la hetmil ua, pathian dang la zui ua, a nau sêm ding ah la biak him him uh chun, mangthai ding la hiu ti tu’ni hin ti tak tak in ka hun hil khol la hiu.