ISAI 16:5 - PATHIAN LEKHABU THIANGTHO (BSI)

⁵ Lal chutpha khat chu ngilneina leh ja’ngaina’n, David puanbûk ah tundin hi’ntin; a chung ah dikna ngaina leh, ginumna ngaina, kin tak ah dikna leh, ginum tak ah vaihawmtu ding chu hung kichu ta’n a.

ISAI 16:5 ပူးပေါင်းရင်းမြစ်များ

2 SAMUEL 23:3

Israelte Pathian in thu a gen in, Israelte suangpi chun ka kiang in thu a la gen a; mipite chung ah dik tak ah vaihawm, Pathian lau kawm ah vaihawmpa chu,

2 SAMUEL 5:9

David in kulpi chu a lua den ta’n, a min inle David Khawpi a sak tai. Millo ah kipat in khawpi sung tiang huap in David in khawpi kul ding chu a siam tai.

2 SAMUEL 7:16

La Insung leh la lenggamte chu ka ma-âng ah hin sukdet hi’ntin, la lalchutpha chu kumtuang dai dingin namdet ta ding ka hi,” ti in.

1 LENGTE 10:9

La chung ah kipak ah Israel lalchutpha hun chutsakpa, Lalpa la Pathian chu pâk in um ta hen! Lalpa chun Israel kumkhua a hepi ziakin, diktatna leh thutanna bawl dingin, nang leng in a hun siam ta ahi,” a tia.

2 KHANGTHU 31:20

Hezekiah in Judai gam sung zosia’n zia gual chun a bawl ah; Lalpa a Pathian mit mu ah pha leh dik tak ngen in a bawl hi.

SAM 85:10

Ngilneina leh thutak kituak intiu in; dikna leh kichamna kichawptua ding a hiu.

SAM 89:14

Dik tatna leh vaihawmna dik, la lalchutpha kingakna ahi’n; ngilneina leh ginumna la ma-âng in a chiau hi.

SAM 96:13

Lalpa ma ah chun; ama a hung ngal a, lei chung vaihawm dingin a hung ngal a. Ama’n khawvel hi dik tak in vaihawm piak intin, mi zosia a thu tak in vaihawm piak ding ahi.

SAM 98:9

khawvel vaihawm ding ah hung Lalpa ma ngei ah chun. Ama’n khawvel hi dik tak in vaihawm piak intin, doichuam neilo in nam zosia vaihawm piak ding ahi.

SAM 99:4

Leng hat tak, vaihawmna dik ngaina, nang in doichuam diak neilona la tung dingin; Jakob Inkuante chung ah dik tak in vai la hawm hi.

THUPILTE 20:28

Thutakna leh ginumna’n lengpa chu a vêng bit sek in, a lalchutpha chu diktatna dopsan in a um hi.

THUPILTE 29:14

Migentheite dik tak ah vaihawm piak lengpa chu, a lalchutpha kumkhua’n hi’det in um in a.

ISAI 33:22

Lalpa chu I chung ua thutanpa ahi’n, Lalpa chu I vaihawmpau ahi’n, Lalpa chu I lengpau ahi’n, ei hukhing ding ahi ngal a.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

DANIAL 7:14

A kiang ah vaihawmna, lopina leh lalna piak ahi’n; tichun, mi zosia, nam zosia leh, pau zosia’n a na a septheina ding un. A vaihawmna’n kumtuang a dai in, tawp ngai ngai pua’n a; a lalna le hisiat thei hipua’n a.

DANIAL 7:27

Van nuai khawvel ah lalna zosia leh thuneina zosia, Chungnung Penpa mi thiangthote kiang ah piak hita’n a; a lenggam chu kumtuang lenggam hita’n tin, thuneina zosia’n ama na sêm in, a thu mang ta’n au, ti in.

AMOS 9:11

Zia ni chuleh, David bawkcha a la pûk ta chu, tungding kit ing ka tin, a siatnate siampha’ng ka tin, a chipnate lem to ing ka tin, masang lai ah gual khan sapha kit ing ka tin;

MIKAH 4:7

A kengbaite chu a um sun dingin hawi ing ka tin, pai mang ah umte chu, nam hat tak hiding in siam kit ing ka; LalpaZion tâng ah kipat in, a chung un tu’ kipat kumtuang tiang in vaihawm ta’n a.

ZEKARIAH 9:9

Aw Zion chanu, nasa tak in lim in! Aw Jerusalem chanu, ngai tak in kiko in! En in, la lal chu a hung hi; gâl zotu leh hat chu ama ahi’n; kingaitawm tak in sabiltung chung ah, sabiltungno tuaidawng chung ngei ah chuang in a hung hi.