ISAI 16:3 - PATHIAN LEKHABU THIANGTHO (BSI)

³ Amau chun: Lem ei guat piak unla, dikna’n vaihawm un; sûnchang lai in janthim gual in, nilîm ei bawl piak in; nawdok ah umte chu sêlgu’n la, galjamte chu kuama matsak kin.

ISAI 16:3 ပူးပေါင်းရင်းမြစ်များ

1 LENGTE 18:4

Jezebel in Lalpa jawlneite a la thâlup lai ah khan, Obadiah in jawlnei za khat a pui ah, kawlhawm khat ah sawmnga nga’n a sêl ah, vaithum leh tui in a la vâk a.)

ISAI 1:17

thilpha bawl zil un; vaihawmna dik hawl unla, tawden ah umte hukdok unla, nauchagate hûk unla, meithâite genpi un.

ISAI 25:4

Migentheite’n kisêlna’n a hun mang un, a lungdon lai ua tasamte kisêlna la hi’n; thigawpi lak ah bitna leh, nisa lak ah dailîm la hi. Phalbi lai ah thigawpi gual ah mi huhamte’n a nawu a,

ISAI 32:2

Amau chu hui lak ah kisêlna, thigawpi lak ah kihumbitna hi’ntin uh, gamkeu ah luicha tui luang leh, gamkeu cholmun umlo’na suangpi lîm gual hung hita’n au.

ISAI 56:8

Paithâk ah um Israelte puikhawm kitpa, Lalpa Pathian chun: A kiang ua puikhawmsate bân ah a dang, mi tam tak hun puikhawm nalai ding ka hi, a tingal a.

ISAI 58:7

Gilkialte nêk ding la piak ah, In leh lou bei gentheite la In ah la chênsak ah, nîk leh puan beite la thuam ah, la sang la suaiteu la kisêlmang san lo ding uh hilo maw?

ISAI 9:6

Ei uh â dingin nausen hung piang in, chapa piak in I um ta’ngal un; a liangko in thuneina a um ah, a min in Lemguattu, Mak, Pathian Hat, Kumtuang Pa leh Chamna Lal chapa sak ahi.

JEREMIAH 21:12

Aw, David Inkuante haw! Lalpa‘n zia gual hin a gen hi: Jingkal ah dikna’n vaihawm unla, nuaisia leh lâkpiak ah umte chu, amau nuaisiate leh lâkpiakte ah kipat chun hukdok un; achutiloleh, la gitlonau ziakin ka lungnatna, kuama’n a phelmit zaw lo ding un, mei gual in hung kuangjak mai ding ahi.

JEREMIAH 22:3

Lalpa‘n zia gual hin a gen hi: Dikna leh thu tak in sêm unla, sugentheipa khut ah kipat in suam ah um zosia chu hukdok un. Gam dang mite, nauchagate leh meithâite chung ah thil diklo leh thagum sua’na bawl kiu inla, zia mun ah hin maw’na neilote thisan chu sua kiu in.

DANIAL 4:27

Ziaziakchun, aw lengpa, ka hun thuhilna hi pom mai ta’n: La gitlona haisan in thil dik bawl in; la bawsiatnate haisan in, tawden ah umte chu lainat ta’n; chutileh, nuamsa tak ah la khawsakna hi zopsau piak hiding la hi, ti’n a dawnhu a.

ZEKARIAH 7:9

Sepai honte Lalpa‘n zia gual hin a gen hi: “Thudik in vaihawm unla, ja’ngaina leh lainatna’n kikhomtua chiat unla;

MATTHAI 25:35

ka gil a kial in nêk ding lei piau a; ka dang a châk in dawn ding lei piau a; malzin ka hi’ in lei zin tun un;

HEBRAITE 13:2

Malzin khawtua ding sumsial kiu in; zia gual a bawlnau ah hin khenkhat in a het lo kâl un vansawlchâkte a la zintun kha sek uh ahi.

VAIHAWMTE 9:15

Chun, lingvom chun thingte kiang in, ‘Gingcha tak ah la chung ua leng hi ding ah sathau lei nu’ guat ua leh, ka buk lim nuai ah hung kisêl un; a chutilo ding leh lingvom ah kipat in, meikuang hung pawt hen la, Lebanon ah sidar thing zosia kâng tum mai ta hen’ ” ti’n a dawnhu tai.