ISAI 16:11 - PATHIAN LEKHABU THIANGTHO (BSI)

¹¹ Ziaziakchun, Moab sûnna gawsem gual in, ka lungchang a phu dûp dûp in, ka hinna’n le Kir-heres lungsiat ziakin a phu zot zot hi.

ISAI 16:11 ပူးပေါင်းရင်းမြစ်များ

ISAI 15:5

Ka lungthim in Moab ka kâ khum in; a galjamte chu Zoar tiang leh, Eglath-shelishiyah tiang in a jam ui. Luhith lamto ah chun kap kawm kawm in a kal to un; Horonaim lampi chun siatna tâng a sam un;

ISAI 21:3

Ziaziakchun, ka kawng leh jang a na zo ta’n, numei nauvei gual in ka tai a nai; ka het theilona dingin kainiam in ka um in, ka mu theilona dingin hi’buai in ka um tai.

ISAI 63:15

La chênna thiangtho leh ja’um tak, van ah kipat in hun thîl suk in en tiam in. La phatchuam ngaina leh la hatna kha, khoilam ah um ahi tam? La lungthim ah lei ngainatna leh, lei khawtuana keima ah kipat hin lâkmang ahi tai.

JEREMIAH 31:20

Ephraim chu ka chapa dawi tak hilo a hem? Ka kipakna chu hilo a hem? Ama demna thu ka gen daw si’n leh, ama ka hezing hi. Ama ziakin ka lungthim a na ma ma hi; matheilo in a chung ah jaidaw ing ka, Lalpa‘n a tii.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 48:31

Ziaziakchun, Moab chu sûn in, Moab ah chêng zosia chu ka kâ khum hi; Kir-heres ah chêng zosia chu sûn in, ka kâ khum hi.

JEREMIAH 48:36

Ziaziakchun, Thithâk La, theile’ kimut gual in Moab gam chu ka lungthim in ka sûn ta’n; Kir-heres ah mite chu Thithâk La, theile’ kimut gual in ka sûn hi; a hausaknau zosia a mangthai ta’ngâl a.

KÂ LATE 1:20

Aw Lalpa, en tiam in, bang gual lawm ah lungdong ka hi tam! Ka gilpi a kichok in, ka lungchang a kichok ziang tai; la chung ah ka la hel nasa ta law tau hi. Kotzing ah chemjam in lusûnna a tut in, Intin ah thi’na ngen ahi kit hi.

HOSEA 11:8

Aw Ephraim, bangti’n hun haisan thei ding ka hem? Aw Israel, bangti’n hun pedok thei ding ka hem? Admah gual ah bangti’n hun siam thei ding ka hem? Zeboim gual ah bangti’n hun bawl thei ding ka hem? Ka sung ah hin ka lungchang a kitum in, ka khawtuana a nasa’n, a thûk ma ma hi.

PHILIPPI 2:1

Chutichun, Khrista ah lung muanna him him, hepi thamuanna him him, Thagau pawlna him him, lainatna leh lungsiatna him him a um chun, lungthim munkhat ah um in,