ISAI 15:5 - PATHIAN LEKHABU THIANGTHO (BSI)

⁵ Ka lungthim in Moab ka kâ khum in; a galjamte chu Zoar tiang leh, Eglath-shelishiyah tiang in a jam ui. Luhith lamto ah chun kap kawm kawm in a kal to un; Horonaim lampi chun siatna tâng a sam un;

ISAI 15:5 ပူးပေါင်းရင်းမြစ်များ

THILSIAM THU 13:10

Lot chu Zoar khua lam nga’n a dakdok ah, Jordan phâijawl zosia Lalpa huan gual, Aigupta gam gual ah pha, mun tin ah tui kiningting ma ma ahi ti a hia’n; Lalpa’n Sodom leh Gomorrah khuate a sukmangthai ma kha ahi ngal a.

THILSIAM THU 14:2

zia lengte hin Sodom khua lengpa Bera, Gomorrah khua lengpa Birsha, Admah khua lengpa Shinab, Zeboim khua lengpa Shemeber, leh Bela khua (Zoar le kiti sek) lengte hi a hung do un.

THILSIAM THU 19:22

Kin-gang inla zia tak ah chun tai in; zia tak chu la tun masia bangma bawl theilo ding ka hi’ngal in,” a ti’n. Ziaziakchun, zia khawmin chu Zoar a sak tau a.

2 SAMUEL 15:23

Chutia, mite a chia zung zung phat ua chun mipite chu a kap jak ziang tau a. Lengpa chu Kidron guam a gâl kâi phatin, mipite chu gamthip lam zuan in a chia tau hi.

2 SAMUEL 15:30

Himaleh, David chu Oliv tâng lamto ah chun kengtaw but lo leh puan kilukhu ah kap kawm kawm in a kal to ah; a kiang ah um zosia chunle puan kilukhu chiat ah kap kawm kawm in a zui tau hi.

ISAI 16:14

Lalpa chun, “Moab, lopina chu mipi tam maleh, sum kithalawte gual in, kum thum sung in chuaitha ta’n tin; a um sun chule simmaw um tak leh tawmcha hita’n au,” ti’n a gen a.

ISAI 22:5

Sepai honte Lalpa Pathian in kilâkna phâijawl ah chun: Lungkhamna, palchek ah umna, bâng hichipna leh kap veng vung ah, mual leh tângte kiang ah panpi don ah, kiko’na ni chu a guat ta’ngâl a.

ISAI 59:7

A keng uh thil phalo bawl dingin a chan-gang un, bangma bawlselote thisan sua dingin a kinaw he huu ah; a ngaituanau zosia chu khawlona ngen ahi’n, manthaina leh suksiatna chu a lampiu ahi.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 17:16

Himaleh, nang â ding ah belampu ka panna kipat in, ka tai mang pua’n, a siatna ding uh ni chu, hung tung leh le ka ti diak puai. Ka kam ah bang gual thu hung pawt ahi em ti ka hia’n; la mit mu in a kichian ngâl a.

JEREMIAH 4:19

Ka lung a gimna e, ka lung a gimna e! Ka lungthim a na ta luai! Aw, ka lung a gimna e! Ka lungchang a phu dûp dûp hi; ka thip hiat hiat thei puai; pengkul gi leh galdo husa ka he tai.

JEREMIAH 4:20

Siatna a thua thua in a hung tung a, gam pumpi chu suksiat ahi tai. Ka puanbûkte chu phutlo halo ah suksiat ahi’n, ka puanjakte chule mitphet kâl sung ah, suksiat a hi zo tai.

JEREMIAH 48:3

Ngai tia, Horonaim ah mite kâ thawm chu: “Kisukgamna! Kisukgamna huaisia!”

JEREMIAH 48:5

Luhith lam to ah thasia tak ah kap kawm kawm in, a kal to tau hi; Horonaim lam ah kum suk in, lungdong thavai kâ thawm a hiau hi.

JEREMIAH 50:46

Babulon pûkna husa chun khawvel kithing intin, a kâ thawm chu le namtin lak ah het hi’n a.

JEREMIAH 9:10

Tângte â dingin kap leh mau ing ka tin, gamthip ah hampa munte chu sûn ing ka; kuama’n a haw tâk lona ding leh, gancha hon hâm git het ahi kit tâk lona ding ah, chomnâm ahi tâk ziak un; chunglêng vachate leh, gam sate zosia le a tai mang zo tau hi.

KISIMNA LEKHABU 21:29

Aw Moab, la chung a gik na e! Aw Khemosh mipite haw, tawden in la um tau hi! A chate a liangvaisak ta’n, a chanute sal in a pui mang tau in, Amor Lengpa Sihon kiang lam in.